أحـــــــــــــــــــذروا من التلفونات الصينية اللي تعمل ببطاقتين

[GaLaXy]

هذي التلفونات الصينية اللي الحين طايحه بالاسواق واللي تشغل ببطاقتين بنفس الوقت تراها غش في غش اصلن هذي الاجهزة مركبة قطع في قطع في مجموعه من الصينيين يجيبو هالقطع ويركبوها وطبعا هالشي يسوونه في دبي ويروحو يبيعوهم بالاسواق وهالتلفونات مزيفه مجرد ما يطيح شوي بس أو حتى ضربة يد ، سلم عليه وارميه في البحر وبعدين أصلن ماله حتى ضمان تدرون ليش؟
لانه مافي شركة معتمده تصنع هالاجهزه مثل نوكيا وسوني اريكسون وغيرها ، هذي اجهزه مزيفه يقصون عالناس ويبيعوهم وأنا احذركم وانصحكم انكم تبتعدون عن هالاجهزه ولا يغركم المظهر والشكل الاتيق أنا بنفسي جربت هالجهاز أشتريته ب 500 درهم والله انه ما كمل عندي يوم وانكسرت شاشته بلمسة يد !!!!!!!
يقول المثل الشكل هالله هالله ومن داخل يعلم به الله !!!!!!!!!

[الزكواني]

صح صديقي أنا عندي محل هواتف وكنت ابيع مثلهن بس لمل ابيع في يوم او يومين يرجعو الزبائن اخترب واخترب بس الحين خلاص ما ابيع مثلهن لانهن مال إسبوع واحد

[عماني وكلي فخر]

ومشاء الله عليهم بعض التجار

ب 90 ريال
وب 100 ريال وطالع .....سبحان الله

[المستشار مؤتمن]

شكرا يا GaLaXy

[دنيا الأعمال والأستثمار]

حتا انا اشتريت واحد من دبي ب 600 درهم طبعا هو الحين يعرض فالسبلة ب 85 ريال

اول ما وصلت البلد شافه عندي واحد من الربع وتعنا لين دبي واشتراه واخترب جهاز بعد اسبوع وانا جهازي قعد شهر واخترب

طبعاً ماشي اسمه تصلح

بعدين ما تعرفوا عن الموجات الي تصدرها مثل هذي الاجهزه لان الاجهزة فالاساس مش مصرح بها ممكن تؤثر على الانسان

[ZeRoLOrD]

كلامك صحيح 100%
وانا ولد عمي كان عنده في اول اسبوع وقف وشكل وسلم عليه من يومها

[العنيد1336]

نفس الموقف استوي عند ودخالي كان عنده واحدما كمل نصف يوم .

[! شدخل نك نيم !]

هيه زين

[Naruto_oman]

كل واحد يقول تجربته مع الاجهزة الصينية , بالنسبة لي استخدمت T689 و صارله عندي اكثر من شهر و لحد الحين ما اخترب , بالعكس مرتاح بميزاته , هذه بصراحة تجربتي مع هذا الجهاز, وانا ما ابالغ و اقول انه الاجهزة الصينية ما تخترب وهذا بسبب جودتها, لكن سعره معقول مع الميزات اللي فيه.و نفس الوقت ما نقدر نقول انه بقية الاجهزة مثل نوكيا و سوني اريكسون ما يخترب, بس الفرق في التصليح والضمان و انا معاكم في هذا الشئ, لكن الحين تقدر تحصل ضمان من المحل اللي تشتري فيه الجهاز.

[نوكياتل]

في اعتقادي ما كل الموديلات بنفس المشاكل
اخي عنده واحد صغير وجميل ويشتغل ببطاقتين بنفس الوقت ومرتاه له الى ابعد الحدود
ويدلع نفسه كل مره يتصل بي برقم
حتى انا افكر اخذ واحد مثله .

[ZORO_H]

وأنا تليفوني tz6688 ومن شهرين شغال تمام التمام (( عن العين ))

ومضمون سنه بعد .................. أعتقد ما كل الأنواع مغشوشه

[دنيا العقار]

أرسل أصلا بواسطة Naruto_oman

كل واحد يقول تجربته مع الاجهزة الصينية , بالنسبة لي استخدمت T689 و صارله عندي اكثر من شهر و لحد الحين ما اخترب , بالعكس مرتاح بميزاته , هذه بصراحة تجربتي مع هذا الجهاز, وانا ما ابالغ و اقول انه الاجهزة الصينية ما تخترب وهذا بسبب جودتها, لكن سعره معقول مع الميزات اللي فيه.و نفس الوقت ما نقدر نقول انه بقية الاجهزة مثل نوكيا و سوني اريكسون ما يخترب, بس الفرق في التصليح والضمان و انا معاكم في هذا الشئ, لكن الحين تقدر تحصل ضمان من المحل اللي تشتري فيه الجهاز.

هههههههههههههههههههههههه

لازم تمدحه لانك انت تبيع مثل هذا الهواتف

وعرضنهن للبيع فالسبلة

يعني مستحيل تذم بضاعتك والا بتخيس عندك

وهذا رابط موضوعك

http://s-oman.net/avb/showthread.php...highlight=T689

[أمـــاسي]

اصلا محل الموبايلات يشتريه ب 400 درهم ويبيعه بدبل السعر

[GaLaXy]

مره ثانية احب اذكركم من هالاجهزة المغشوشة لا تشترونها نصيحه مني وترا ما عليكم من اللي يقول كمل عنده شهر وشهرين مرده وبيخترب وأتحدى أي واحد يشتريه وما يخترب يوم اسبوع شهر مره الا وبيخترب,, واذا اخترب من اللي بيصلحه في عمان لان ماله ضمان وماله وكيل معتمد بالسوق وهذا دليل على ان مثل هالاجهزه مغشوشه

[دنيا العقار]

للرفع لكي يستفيد الجميع

[Naruto_oman]

أرسل أصلا بواسطة الذوق الرفيع

هههههههههههههههههههههههه

لازم تمدحه لانك انت تبيع مثل هذا الهواتف

وعرضنهن للبيع فالسبلة

يعني مستحيل تذم بضاعتك والا بتخيس عندك

وهذا رابط موضوعك

http://s-oman.net/avb/showthread.php...highlight=T689

يا عزيزي الجميع هنا يعرفو اني ابيع هذه الاجهزة , الاسماء معروفة هنا يعني هذا ما شئ جديد على البقية , ومن الردود في هذا الموضوع بتلاحظ فيه مدح و فيه ذم على هذه الاجهزة, ما معنى اني ابيع شئ لازم امدحه, انا الخسران اذا كنت ابيع شئ بينتقده الشاري, واللي يبيع و يعرف اسلوب البيع ما يفكر كيف يتخلص من البضاعة بأي وسيلة .. المهم عنده الشاري او الزبون يرجعله مرة ثانية و يشتري منه , والحمدلله البضاعة ما خاست عندي مثل ما قلت, المهم .. اللي لازم تعرفه انه ما كل الاجهزة متشابهه , يعني لازم تحسن الاختيار, وما حد يشتري الجهاز و هو ما يعرف انها بدون ضمان, فاذا خايف من هذه النقطة ليش يشتري؟ اكيد البائع قال انه بدون ضمان,, يعني ما شئ غصب.
والتوفيق للجميع.

[بورش 911]

بصراحه أنا عندي تلفونين ..

الأول صيني صغيرون ماخذنه من شهر وما صار له شي أبدا بالعكس شكله ترتيب.

والثاني مال بطاقتين ولحد الحين ما اخترب علي مع انه صارلي أكثر من 6 أشهر أستخدمه.