أحـــــــــــــــــــذروا من التلفونات الصينية اللي تعمل ببطاقتين
 

صح صديقي أنا عندي محل هواتف وكنت ابيع مثلهن بس لمل ابيع في يوم او يومين يرجعو الزبائن اخترب واخترب بس الحين خلاص ما ابيع مثلهن لانهن مال إسبوع واحد

ومشاء الله عليهم بعض التجار

ب 90 ريال
وب 100 ريال وطالع .....سبحان الله

شكرا يا GaLaXy

حتا انا اشتريت واحد من دبي ب 600 درهم طبعا هو الحين يعرض فالسبلة ب 85 ريال

اول ما وصلت البلد شافه عندي واحد من الربع وتعنا لين دبي واشتراه واخترب جهاز بعد اسبوع وانا جهازي قعد شهر واخترب

طبعاً ماشي اسمه تصلح

بعدين ما تعرفوا عن الموجات الي تصدرها مثل هذي الاجهزه لان الاجهزة فالاساس مش مصرح بها ممكن تؤثر على الانسان

كلامك صحيح 100%
وانا ولد عمي كان عنده في اول اسبوع وقف وشكل وسلم عليه من يومها

نفس الموقف استوي عند ودخالي كان عنده واحدما كمل نصف يوم .

هيه زين

كل واحد يقول تجربته مع الاجهزة الصينية , بالنسبة لي استخدمت T689 و صارله عندي اكثر من شهر و لحد الحين ما اخترب , بالعكس مرتاح بميزاته , هذه بصراحة تجربتي مع هذا الجهاز, وانا ما ابالغ و اقول انه الاجهزة الصينية ما تخترب وهذا بسبب جودتها, لكن سعره معقول مع الميزات اللي فيه.و نفس الوقت ما نقدر نقول انه بقية الاجهزة مثل نوكيا و سوني اريكسون ما يخترب, بس الفرق في التصليح والضمان و انا معاكم في هذا الشئ, لكن الحين تقدر تحصل ضمان من المحل اللي تشتري فيه الجهاز.

في اعتقادي ما كل الموديلات بنفس المشاكل
اخي عنده واحد صغير وجميل ويشتغل ببطاقتين بنفس الوقت ومرتاه له الى ابعد الحدود
ويدلع نفسه كل مره يتصل بي برقم
حتى انا افكر اخذ واحد مثله .

وأنا تليفوني tz6688 ومن شهرين شغال تمام التمام (( عن العين ))

ومضمون سنه بعد .................. أعتقد ما كل الأنواع مغشوشه

هههههههههههههههههههههههه

لازم تمدحه لانك انت تبيع مثل هذا الهواتف

وعرضنهن للبيع فالسبلة

يعني مستحيل تذم بضاعتك والا بتخيس عندك

وهذا رابط موضوعك

اصلا محل الموبايلات يشتريه ب 400 درهم ويبيعه بدبل السعر

أحـــــــــــــــــذروا من التلفونات الصينية اللي تعمل ببطاقتين
 

للرفع لكي يستفيد الجميع

يا عزيزي الجميع هنا يعرفو اني ابيع هذه الاجهزة , الاسماء معروفة هنا يعني هذا ما شئ جديد على البقية , ومن الردود في هذا الموضوع بتلاحظ فيه مدح و فيه ذم على هذه الاجهزة, ما معنى اني ابيع شئ لازم امدحه, انا الخسران اذا كنت ابيع شئ بينتقده الشاري, واللي يبيع و يعرف اسلوب البيع ما يفكر كيف يتخلص من البضاعة بأي وسيلة .. المهم عنده الشاري او الزبون يرجعله مرة ثانية و يشتري منه , والحمدلله البضاعة ما خاست عندي مثل ما قلت, المهم .. اللي لازم تعرفه انه ما كل الاجهزة متشابهه , يعني لازم تحسن الاختيار, وما حد يشتري الجهاز و هو ما يعرف انها بدون ضمان, فاذا خايف من هذه النقطة ليش يشتري؟ اكيد البائع قال انه بدون ضمان,, يعني ما شئ غصب.
والتوفيق للجميع.

بصراحه أنا عندي تلفونين ..

الأول صيني صغيرون ماخذنه من شهر وما صار له شي أبدا بالعكس شكله ترتيب.

والثاني مال بطاقتين ولحد الحين ما اخترب علي مع انه صارلي أكثر من 6 أشهر أستخدمه.