 |
|
||
|
|
مادة إعلانية
|
|
#2
02/06/2008, 01:17 AM
|
|||
|
|||
فيه باكج من اسمهان اعلانات في الجرايد
7 ليال 8 ايام 128 ريال السنة الماضية الاهل راحو استانسو بس مشكلة اللغة تعب لا يعرفو انجليزي ولا عربي هناك نادر ما تحصل حد يفهمك لازم مترجم معاك معظم الوقت الميزانية ...........ز يعتمد اذا من النوع اللي تحب تشتري هدايا وتذكارات 400 ريال رفاهية اما لمصروف الجيب وشراء اشياء محدوده عشاء وغدا 200 ريال بعد رفاهية لكن ما يكفي هدايا وتذكارات للأهل وال 200 ريال ترا كنك مليونير بتكون عملتهم صعبة وخذ دولارات بعد |
|
#3
02/06/2008, 02:49 AM
|
|||
|
|||
|
انا رحت ايران ورحت هالمناطق
اصفهان والشمال ( كلاردشت ) اعتقد كذا رايح قبل 4 سنوات اعتقد اذا رايحين سياحه وتغيير جو وتسوق ع الخفيف مافي داعي تروحوا طهران لانه زحمه كثير كثير وكلها تلوث نحن ما جلسنا بطهران ابدا نحن رحلتنا كانت دبي - اصفهان ومن اصفهان جلينا فيها كم يوم وخذينا قطار رحنا طهران تقريبا 5 ساعات ما اتذكر زين المهم وصلنا بحدود الساعه 7 الصباح زحمه كثير بصراحه طبعا صلينا الفجر وبعد الصلاه فكرنا شوي واقترحنا انه احسن نروح الشمال على طول والشمال هي احلى شي بصراحه طبيعه مثل صلاله بس طبعا لما كنا بطهران نسيت اذكر هالنقطه جعدنا ندور على باص ياخذونا الشمال لانه كنا عائله كنا 15 شخص فـ احسن شي نكون مع بعض لقينا باص قال بياخذنا وسعره كان غالي شوي بس كنا محتاجين ضروري لانه كلنا كنا تعبانين واهم نقطه الي بذكرها الحين خلوووووو بالكم من السواقين متهورين ما يعرفوا الحياه من الموت عادي عندهم يتجاوزو في جبال ولفات وووو بس مو كل السواقين هذا السايق الي خذنا من طهران الى الشمال كان تعيس ويسرع كثير وكم مره كان بيقتلنا ..... الوالد واخوي الكبير شوي ويضربوه بعضهم حراميه ويسرقوا ومسلحين بسكاكين لما وصلنا الشمال منطقة كلاردشت الي اهيه تقريبا من احلى المناطق جلسنا ندور بيت السايق كان معه حد زميله حتى الحمام يسرقوه سرق حمامه من بيت كنا نشوفه ونسالهم عن الايجار بس اخر شي في شباب يكونوا يتمشوا بالشارع او عن المحلات اول ما شافونا في الباص ركضوا صوبنا وخذونا عند بيت الحمدلله كان جديد ومرتب ونظيف والعائله الي ساكنين البيت رجال وزوجته وبنتهم كان يسكنوا بالملحق ونحن سكنا بالبيت طابقين العائله كانوا كثيييير طيبين الرجال كان عنده تكسي ولما كنا نحتاج شي كان ياخذنا ولما كنا نروح رحلات مناطق ثانيه كنا نروح مع واحد عنده باص باصه شوي اقدم من الباص الي من طهران بس هذا كثير حلوه سواقته وهاديه مو متهور لكن للاسف مثل ما قلت قبل انتبهوا انتبهوا انتبهوا بعضهم مجانين بالسواقه شوارعهم جبليه ويتجاوزو فيها صار لنا حادث هنا كنا بنصدم سياره .... صاحب السياره كان يتجاوز وسايق الباص مسكين يحاول يتفاداه وشحا علينا الباص وكنا بنطيح من الجبل بس الحمدلله الله كتب لنا نعيش وتغير مسار الباص واصطدمنا بجدار مغطى بحشيش واشجار خفيفه ساعدتنا الحمدلله بعض الاشياء لازم تجربوها ونحن كنا خايفين بالاول اول مره كنا راكبين الباص رايحين رحله ومكان تراثي وقف سايق الباص بالرصيف ونزل وراح جنب جبل كبير ما شاء الله بس الجبل بني مو اخضر وجاب لنا كوب ماي اول شي خفنا قلنا ليكون فيه شي الماي ... اخوي قال بجرب سم بالله وجرب قالنا الماي طبيعي وحلو وبارد عاد خذينا غرشه وجربنا الماي ما شاء الله بصراحه احلى من مسافي وغيرهم من المياه المعدنيه ماي طبيعي وبارد خذينا كل الغرش وعبيناهم من هناك بعد لازم تجربوا العسل بس اعتقد في عندهم عدة انواع بصراحه انا ما اعرف شو النوع الي خذيناه بس اشترينا منه كثير ووزعنا ع الاهل لانه بصراحه كثير حلو عسلهم ما شاء الله واريد اروح اجيب منه كميه مره ثانيه بالنسبه للاكل في الشمال كنا دايما نطلب من نفس المطعم ونفس الوجبه لانها كانت احلى شي واصحاب المطعم واحد منهم كان يشتغل في دبي يتكلم عربي ف الحمدلله كان التفاهم ع الاكل سهل كثير ومريح وما حبينا نغير المطعم عشان ما نتبهدل واكلهم حلووو بصراحه كنا نطلب عيش ابيض مع ( زرش ) الي هو حب الرمان اعتقد اذا ما غلطان مع دجاج مشوي ع الفحم بدون عظم العشاء كان خبز ومحلاياته يعني مربى وجبن وزبده وفول سوداني والفطور نفس العشاء طبعا احيانا نطبخ بيض يا بالعشاء او الفطور الخبز كنا نشتريه من المخبز طازج طبعا خبز ايراني انصح تاخذو معاكم الاحتياطات من المواد الغذائيه اقصد سكر مطحون لانه هم شايهم مافي سكر ابدا ويستخدموا مكعبات سكر يطوحها بفمهم ويشربوا شي لحد ما تذوب القطعه ويحطو غيرها وكذا بس انا افضل السكر المطحون على طول لانه احلى والجبن نحن الحمدلله حصلنا محل مواد غذائيه عنده جبن المثلثات من دبي يستوردوه وخذينا تقريبا 5 علب من عندهم لانه ما كان في الا شوي بس ونحن خذينا وما بقى غير اربع علب او اقل العلب الصغيره ( 8 مثلثات ) يعني اذا تاخذوا من هنا احسن لكم ( هذا اذا تحبوا الجبن وما تستغنوا عنه ) الجبن الي عندهم ما عجبنا بعد نحن كنا ماخذين حليب الشاي اوميلا والشركات المثيله اقصد القواطي الصغيره بصراحه ما اقدر اتذكر اذا كان متوفر هناك او لا بالنسبه للتسوق والاسعار نحن اكثر شي كان تسوقنا بالشمال والاشياء اكثرها يدويه بالنسبه للاسعار متوسطه وحلوه تعتبر لانه الاشياء حلوه طبعا نسيت اتكلم عن الاجواء والوقت الي كنا فيه كنا مسافرين بشهر 8 والاجواء كانت حلوه بالليل والصباح شوي حر من الشمس بس اذا تحت شجره او اي ظل الجو حلووو مادري اذا نسيت شي بس اذا ناسي احسن لاني تكلمت كثير وبيصبكم الاحباط والملل وانا السبب صح نسيت اقول بخصوص المترجمين نحن ماخذينا مترجم ب اصفهان سايق الباص كان يتكلم عربي  وهو ب اصفهان كنا نحتاج مترجم اكثر من الشمال لانه فيها كثير متاحف اذا في اي سؤال تحت امركم وان شاء الله نقدر نفيدكم كان ودي احط رقم صاحب البيت بس مالقيت رقمه ورقم سايق الباص نفس الشي  بس ان شاء الله تلقوا الي يناسبكم اتمنى للكل اجازه اكثر من رائعه تحياتي واحترامي مودتي
__________________
|
|
#4
02/06/2008, 05:20 PM
|
||||
|
||||
|
اقتباس:
|
|
#6
02/06/2008, 07:54 PM
|
|||
|
|||
|
أنا رحت الصيف الماضي وكنا شخصين وطفل 10 أيام مع مترجم وتاكسي وسكن وأكل وتذاكر وتسوق تقريبا ألف ريال أو ألف و 150 ريال ......5 أيام الشمال كلاردشت والضواحي المجاورة لها .
و يوم في قم كلها أحياء عراقية وفي شهر 8 كان عندهم احتفالات . و3 أيام في اصفهان .رائعة جدا بأسواقها الشعبية ( البازارات ). واليوم الأخير في طهران من أجل الإستعداد للعودة . ونصيحة لا تروح شيراز لأنه جوها حار كثير عكس الشمال . |
|
#7
02/06/2008, 10:40 PM
|
||||
|
||||
|
اقتباس:
|
|
#8
03/06/2008, 01:36 AM
|
|||
|
|||
|
اهم شيء تأخذ معاك قنبلة ننوية
خخخخخخخ صراحة اتمنى اروح ايران بس الان مستحيل اروحها في هذي الضروف الصعبة
__________________
يكلمني السفيه بكل قبح *** وأكره أن أكون له مجيبا
يزيد سفاهة وأزيد حلما *** كعودٍ زاده الإحراق طيبا |
|
|
النمط الخطي
