غوغائيات(14): تخيلو فقط بسبب ريال ◕‿◕ لم أنم ولم يرتاح لي بال!

[سايره ف دربي]

أرسل أصلا بواسطة غوغائي

بداية أحب اذكرلكم موقف بسيط صارلي قبل فترة وهو اني رحت أتريق في احد المقاهي اللي بجانب العمل وطبعا بعد ما خلصت من المقهى رحت ونسيت ادفع الحساب..ما تذكرت الا بالليل ..ولا اخفيكم سرا كان عندي شعور سيء لاني ما عطيت الهندي فلوسه مع اني كنت ناسي فقط وغير متعمد اني ما اعطيه فلوسه والمبلغ رمزي جدا وهو ريال واحد فقط!



فالرسول صلى الله عليهم وسلم قال: ( اعطو الأجير أجره قبل ان يجف عرقه).فأول شي سويته فاليوم الثاني يوم رحت للدوام رحت على طول المقهى وعطيته فلوسه واعتذرت له وبعدها ارتحت نفسيا.هالموقف خلاني افكر في بعض الفئات من الناس اللي يستقرضون فلوس من غيرهم وما يرجعو هالفلوس.كيف عايشين وكيف يهنالهم بال وهم ماكلين حقوق ناس .



طبعا البعض يمكن ما عنده فلوس ومحتاج فعلا لهالمبالغ اللي تسلفها من غيره..وربما نعذرهم لكن لفترة معينه لانه مثل ما هو محتاج يمكن صاحب المال محتاج اكثر منه..طبعا نستثني من هالشي الشخص القادر واللي يسامح هالشخص ربما من المال او أنه يقوله يوم يدبر عندك المبلغ رجعلي فلوسي.



حدثني بعض الاصدقاء عن بعض المواقف اللي صارت لهم والحساسيات والنزاعات اللي صارت بسبب الفلوس..على سبيل المثال كان في شخص مختفي فترة عن الانظار وفجأه ظهر وقام يتصل ويتواصل مع بعض الاصدقاء..في الاخير هالشخص كلم حد من الاصدقاء وقاله انه محتاج مبلغ من المال ضروري..طبعا بعد ما اخذ المبلغ اختفى مره ثانيه وكل ما سئله صديقه عن المبلغ قاله بعدين الحين ما عنده وبالفتره الاخيره حتى ما قام يرد على التلفون!



طبعا الكل منا ظروف والصديق المفروض يقدر ظروف صديقه ولكن انا اقصد هنا انه لو هالشخص عنده فلوس ومع ذلك يرفض يعطي صديقه اللي استقرض منه المال حقه.هنا نضع اكثر من علامة استفهام على هالتصرف..ولا ننسى انه من اهم شروط التوبه ارجاع الحق لصاحبه.



واذا توفى الشخص يلزم على اولاده ارجاع هالدين عن والدهم..وطبعا ما اريد اذكر عن المشاكل اللي صارت بسبب الجمعيات وعدم ارجاع المال والسرقات اللي صارت حتى وصلت للمحاكم وتفرق الاصدقاء والاحباب بسبب هالجمعيات..لانه هالموضوع يطول ويجول ولو تحدثنا فيه ما راح نعطيه حقه.



الاسئلة النقاشية:

1-ما رايكم بهالفئة من الناس الي تاخذ فلوس وما ترجعها ؟2- لنفرض انه صديق لك اخذ منك مال ولم يرجعه..كيف تتصرف معاه؟3- هل تشجع وجود الجمعيات..وهل تساعد كثيرا في حل الازمات المالية؟


همسة أخيرة
هذي رســــالة مني الى مجــــهول
اتقـــي الله يا هــــذا فيمــــا تقــــول
وهالموضوع بمجهودي وليس منقول
فلا تبحث في جوجل وترجع خائبا مشلول!

بارك الله فيك ، موضوع غااااااااوي

والألوان أغوى

ما أحب هالفئة من الناس إللي ما عندها ضمير

بس بنفس الوقت اعذر الشخص يمكن ظروفه ما تسمح ان يرجعلي المبلغ وأصبر

أشجع وجود الجمعيات الأهلية