استشارة في شراء ارض او عقار جاهز

[طوفان هواجيس]

السلام عليكم اخوتي جميعا

حبيت استشيركم كون الكثير من مرتادي السبلة لهم باع طويل في المال والاستثمار اذا واحد معه مبلغ بحدود 40 الف كيف ممكن يبدي استثماره بالعقارات بمسقط حيث انه محتار هل يشتري ارض ويبنيها مستقبل وهل الافظل في العامرات واي مرحلة ولا المعبيلة واي مرحلة بعد عشان يبنيها مستقبلا ولا يجمع المبلغ على بعضه ويزيد عليه اذا قدر ويشتري بيت جاهز افيدوني ولكم مني جزيييييييييييييل الشكر

[seebmoon]

السلام عليكم ورحمة الله وبركاته .... أختي أو أخي العزيز حط فكرة فراسك أن شي أسمه عقار ما بيكون فيه خسارة بأذن الله أهم حاجة حركتك في السوق ومعارفك مع أصحاب العقارات يكون لك دور كبير حتى يتسنى لك الشراء والبيع بالسعر المطلوب ... ومع أنك تفكر تاخذ أرض وتبنيها هذا شي طيب أو تشتري بيت جاهز وتأجرة ... المشكله سوف يكلفك البنيان أو البيت الجاهز مبلغ أكثر من الى معاك ... أفتح محل أو أستثمر في الأراضي أشتري من صاحب الممتلكات وبيع وفوق هذاء تأخذ فايدتك من صاحب الأرض أو المنزل وتبيع بسعرك الخاص ... مثلا أذا المالك يبيع 21.000 أنته بيع 21.500 عاد لا يزداد الطمع وترفع اكثر لان فى النهايه عمانين ونبيع بسعر المعقول ...

.....وشكرا....

والله ولى التوفيق

[طوفان هواجيس]

وعليكم السلام والرحمة اخي قمر السيب

في البداية اشكر لك تفضلك ونصيحتك الغالية
فكرتي كانت كالتالي اشتري ارض حاليا في مكان مناسب بجزء من المبلغ او مهما تكون وابنيها بالمستقبل بس تتوفر باقي السيولة لدي لاني بصراحة غير متفرغ للبيع والشراء كما تفضلت لاني ساكون خارج البلد لثلاث سنوات القادمة للدراسة فعليه الفكرة القائمة اشتري ارض الحين وبس ارجع متى كان معي المبلغ الكافي ابني او حتى ابدي البناء بباقي المبلغ والباقي بالتقسيط باقساط مرتفعة والان انا محتار هل اشتري بالمرتفعات او بامعبيلة وفي اي مرحلة بيكون افضل لبناء بيت للاستثمار في المستقبل ارجو ان تكون الصورة قد اتضحت وشاكرا لكل الاخوة الذين اطلعوا وردوا على الموضوع سواء عبر الخاص او عبر المنتدى

[سكولز]

شيك ف الخاص

[طوفان هواجيس]

شكرا لكل من رد على استفساري سواء بالخاص او العام

بس للحين ما قدرت اوصل لراي اشتري ارض الحين ووين احسن العامرات امتداد ولا المرتفعات او امعبيلة واي مرحلة افضل

ارجو من الجميع اللي عندهم خبرة ما يبخلوا علي خاطري مره ادخل مشروع وانجح ولكم الشكر

[نسيم الشوق]

بالمبلغ الي عندك تقدر تشتري ارضين سواء في العامرات او المعبيلة بس نصيحة اشتري في المنطقة الي اقرب من عملك. بعد فترة تقدر تبيع وحدة من الاراضي وتبني الثانية وبالتوفيق اخي.

[طوفان هواجيس]

شكرا جزيلا اختي نسيم الشوق

انا للاسف ما من سكان مسقط وحاليا ادرس بالخارج اريد اشتري ارض وابنيها شقق او بيت للايجار مستقبلا للاستثمار فقط فوين تنصحيني اشتري الارض الحين بالعامرات والا المعبيلة لبنائها مستقبلا يعني وين بيكون افضل للايجار العامرات ولا امعبيلة؟؟