|
عيوب تصنيعية في سنتافي 2010 تتستر عليها هايونداي
بسم الله الرحمن الرحيم
اشتريت في نهاية شهر 1 من هذا العام سيارة سنتافي 2010 من وكالة السيب بعد قرابة شهر ظهرت مشكلة في السيارة وهي أنه عند تشغيلها تندفع للأمام ( وكانها سيارة جير عادي تشغلها وهي موضوعة في الجير ) !! مع العلم أنه السيارة ما وصلت 2000 كم !!! وديتها OTE بركاء وظلت يومان هناك ، بعدها قالوا لي بأنهم لم يتمكنوا من معرفة سبب الخلل ويجب إرسالها لغلا ، وديناها غلا وبعد يومان قالوا السيارة تمام شليت السيارة وفي اليوم الثاني رجعت نفس المشكلة !! رجعت بالسيارة مرة أخرى لغلا وجلست يومان وقالوا الآن تمام شليت السيارة وفي نفس اليوم رجعت المشكلة !!! رجعت بالسيارة لغلا وخبرتهم أني أخلي السيارة وما أشلها إلا بضمان أن المشكلة لن ترجع وبعد الكلام مع كذا الشخص هناك قالوا لي في الأخير بأن كثير من سيارات سنتافي 2010 بهن عيب تصنيعي وأنهم غير قادرين على حله وأنهم خاطبوا الشركة المصنعة في كوريا وينتظرون ردها عموما للآن وأنا أعاني من المشكلة وكل ما رحت قالوا بأنهم حتى الآن لم يصلهم أي رد من كوريا هنالك قريب لي اشترى سنتافي 2010 ولديه نفس المشكلة ونفس معاناتي نتمنى لو تعترف هايونداي بالعيوب التي تحاول اخفائها أو على الأقل تصلح السيارات التي بهن عيوب من جانب آخر نتمنى من الحكومة الرشيدة الوقوف مع المواطن في مثل هذه المواقف لو في دولة أخرى لأرغمت هذه الشركات على إعادة الحقوق لأصحابها ولكننا نعاني وليس لنا من مجير غير الله فحسبنا الله ونعم الوكيل |
مشاكل السيارات بدفعاتها الاولية امر لا مفر منه واعتقد الاجدر ان تقوم الوكالة بايجاد الحل او من قبل المصنع ان يرسلو تقرير للموزعين بتصليحه باللازم ..
الله يعينك اخي ويصبرك على سيارتك |
اقتباس:
والله فرحت وقتها وقلت مشكلة وتعدي لكن الآن صارلي 3 شهور تقريبا وأنا أنتظر هذا الرد !!!!!! |
صدق قهر
الله يعينك اخوي المهم انت لا تسكت عن حقك على الاقل يعوضوك بسيارة الفترة اللي موقف فيها سيارتك |
اقتباس:
المشكلة وقت تشغيل السيارة فقط وراح تنحل بأذن الله قريب وموا كل السيارات فقط في اول الدفعة من مجموعة 3.5 وبعد التحليل مالها اي تاثير سلبي على السيارة والله اعلم اما في الشارع ما في اي مشكلة او اي شي ثاني |
اقتباس:
السيارة تفز للأمام وقت التشغيل وهي في الباركن بعدين والله حتى تستحي قدام أهلك أو ربعك لما تشل أحد وقت التشغيل تقفز السيارة للأمام مع أنها جديدة ما ماضي عليها وقت طويل بعدين سالفة أن المشكلة راح تنحل في القريب هذي قالوها لي قبل 3 شهور لما ظهرت عندي المشكلة في البداية والآن وبعد مضي 3 شهور جاي تردد لي نفس الموال بأن المشكلة راح تحل قريب !! اسألك من متى نزلت أول دفعة وحتى الآن ما قادين تحلوا المشكلة ؟؟ شايفينا مصخرة عندكم ؟؟ بعدين خدمة OTE زباله بمعنى الكلمة إذا كان حتى الكلينكس سرقوة من سيارتي والحمد لله ما سرقوا تاير السبير أو شي ثاني كيف نثق فمثل هذا أقولها لك وبأمانه هايونداي ما تنفع من بعد تجربة وحسبنا الله ونعم الوكيل . |
قاضيهم
|
الله يعينك ..........................
|
اعانك الله
|
الله يعينك اخوي
ولا تسكت عن حقك |
نفس المشكله عندي والله
2010 ولما اروح لهم يشيكوا ع الكمبيوتر وما يطلع شيء اتريا السيارة تتوقف نهائيا عشان اقاضيهم عن طريق التجارة والصناعة |
نعم بالفعل انا عندي نفس المشكله بعد، بس ما تستوي في كل الاوقات مرات بس...
لكن ما مأثر على كفاءة السيارة، انا الحين ماشي 21000 كيلو تقربيا والامور طيبة ما عدا هاذيك النقزه لما تشغل السياره، وعن نفسي مطنش مادام مأثر على السيارة، لان هنا معنا وين بتروح تشتكي!!!!الحقوق ضايعه!!!! فاحسن شي استخدم واطنش... اما الخدمه في OTE مثل ما ذكرت أخوي فصحيح انها زباله.......... الله يعينا تحياتي |
اقتباس:
|
اقتباس:
اخخخخخخخخيه ما حد يروم يغلط:كاشخ::كاشخ: تسلم اخوي على التصحيح:) |
مره السوناتا وتعليق الجير ومره السنتافيا وخراباتها أسميك يا الكوري مسوي بليه كبيرة الله يعينكم ...
|
السيارات الكورية أثبتت جدارتها على السيارات اليابانية بامانتها وقلة عيوب التصنيعية
|
وانا بعد معي سنتافي 2010
وعندي نفس المشكلة وقال لى مسؤول الصيانة انهم مخاطبين مصنع السياره بكوريا عن المشكلة وينتظرو الرد وانا بعد يومين أن شاء الله بروح الوكالة بغلا ونشوف اخرتها معهم |
مرحبا بكم جميعا انا عندي سنتافي لكن الموديل قبل الموديل الحالي اشتريتها نهاية شهر سبتمبر2009 الحمد لله ما بها اي عيب ، العيب في مركز الخدمة OTE دائما اتنازع معهم لأني أشوف خدمتهم تعبانة وخاصة عند الغسيل احصل آثار الزيت داخل السيارة في فرشة السيارة يعني الدوسات ، المغاسل الخارجية أحسن عنهم بكثير .
|
انا ناوي أشتري السانتافي .. (بعد ما شلت التفكير عن شراء الأكسبلورر) .. فإيش تنصحوني؟
|
^^^^^^ خذ كيا موهافي قوية جدا جدا ركبتها رومول بوشر ورمول الأبيض .
قبل ما تشتريها . انت حل ايش تريد فورويل اذا حل رحلأت احسن خذ اف جي او جيب اذا عائلة يعزك الموهافي . ( اتذكر كلهم في بوشر + الأبيض انصدموا يوم طلعتها السيارة فوق ) قالوا هذي كيا ؟؟؟ مستعجبين ؟ وبالنسبة السانتافي سيارة زينة بس هايوندي ما اهتمت كثير فيها الموهافي اوسع واقوي |
الله يعينك على مشكلتك
|
السيارات الكووووووريه مشكله,,,
|
نفس المشكله عندي والله العظيم حالة الحين ماشية 1500 السيارة عندي والله كرهتها عاد السيارة
ولما اروح لهم يشيكوا ع الكمبيوتر وما يطلع شيء ابدا ايش رايكم شباب كل اللي عنده هذة المشاكل نجتمع مع بعض نروح الغرف والتجارة عالاقل نشوف حل لهذة المشكلة الواحد ماخذ سيارة لراحتة مش للجراج واذا الوكالة ما تعملنا حاجة لهذة المشكلة مع العلم مش كل السيارات انا عمي ماخذ نفس السيارة والله كانها مصنوعة في مكان وسياراتي في مكان ثاني مع تحياتي للجميع |
الله يعينكم إن شاء الله هذه المشكلة من قبل الوكالة عدم الإعتراف بالعطل وعند الشراء يكون المستهلك هو الضحية |
اقتباس:
اكيد الامور بتتغير |
الله يعينك اخوي
|
اقتباس:
|
اقتباس:
اخوي انا رسلت لجميع الموجودين اللى عندهم هذة المشاكل وعسى ان نجتمع في اقرب وقت اذا الوكالة والشركة ما تعمل حاجة علينل ؟؟؟؟؟ الواحد ماخذ السيارة لراحتة مش للجراج والواحد دافع مبالغ مش حجر بس الله كريم مع خالص تحياتي |
انا كل ما انزل سيارتي للصيانة لازم اجد اكثر من شخص يشتكي من السانتافي .. نفس هذه المشكلة حصلت لاكثر من شخص انا قابلتهم شخصيا في الوكالة وهناك اشخاص تم تغيير سياراتهم بأخرى على الضمان وهناك من استرجع القيمة المدفوعة .. ولكن للاسف مجموعة OTE تتستر على مشاكل الهايونداي بصفه عامة .. وعاد الخدمة 0 على الشمال |
أحد يعطينى حل على هذة المشكلة
والله المعين |
| جميع الأوقات بتوقيت مسقط. الساعة الآن 03:43 AM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها