|
الحياة في بريطانيا
[
السلام عليكم ورحمة الله وبركاتة اريد اسالكم عن الحياة في بريطانيا وكيف المعيشة وكيف الاجواء معهم وخاصة كيف تعمل الشعب البريطاني مع الاجانب ؟؟؟؟؟؟؟؟؟؟؟ بليييز لا تبخلو في الرد عليا واهم شى كيف تعاملهم معكم ولكم جزيل الشكر SIZE="4"][/SIZE] |
صباح الخير أختي ,,,
نقلت الموضوع في المكان المناسب عشان تحصلي الفائده الأكبر :) .... المعيشة هنا حلوه .. طبعا يعتمد بأي منطقه تكوني بس اغلب الأماكن جميلة وشعبها طيب ... الأجواء في مثل هالوقت من السنة يكون بارد وخاطف يزيد البرد :كاشخ: تعاملهم حلو و الواحد يقدر يمارس حياته العادية هنا :) |
مشكور اخي العزيز ....
بس انا الي اعرفة ان في نوع من العنصرية وما اعرف اذا هذا صحيح ولا يتهيئلي |
اقتباس:
في بعض الأماكن تحصّلي نوع من العنصرية بس ما كثير الحمدلله :) يعتمد انتي عن أي منطقه تريدي تعرفي؟ |
عن جميع المناطق ما عدا لندن طبعا وعلى فكرة هما ضد المراة الي تكون لابسة حجاب واحس بنظراتهم وكاني ارهابية في نظرهم او ما شبة ذلك
|
الحمدلله عايشيين بدون مواقف..وفي بنات كثير محجباات كثير كثير..بمعنى الكلمة..وماصارلهم شي..
حتى ف لندن نفسها..عدد المهااجرين والاجاانب كثير..يعني ما راح يكون فرق.. |
اقتباس:
وحتى المناطق الثانية عادي تلبسي الحجاب ما ضد الحجاب هم :) |
اخوي صدقني فية بس يمكن انت مش حاس في الموضوع لكن فعلا صارت مواقف غريبة ومحرجة جدا من قبلهم والله على ما اقول شهيد ولاتنسى انهم شعب مغرور جدا ولاتقول ما في عنصرية لانة فيه فعلا
|
الشعب هذا اذا تمشي معاه عدل يحبك..
ولا حبووك يحترموك..طبعا الي يطلع اخر الليل..وفي الويك اند..والشعب منسم وفااصل يتوقع اي شي.. اما الي يمشي في دربة..وتواصله مع الغير في حدود المعقول ان شاء الله مايصير له شي.. ومثل مايقولوا..كل حله..وفيها علة..:) |
العنصرية موجودة في كل مكان حتى في عمان ممكن تحصليها ....................
لكن الغالب قلة وجودها انا عايش في هذة البلد حوالي 10 سنوات و معي زوجتي و اولادي و في فترة من الفترات بنات اخي كانوا يدرسوا و ساكنين معي لفيت مع عائلتي معظم مناطق بريطانيا و في مرات كثيرة البس الدشداشة و لم اتعرض و لله الحمد لا انا ولا عائلتي لأي نوع من المضايقات... بل بالعكس وجدت فيهم التعاون و الطيبة.... خلي عنك الوساوس و الزين و الشين موجود في كل مكان |
انا ما رحت بريطانيا ادا بس ما ادري ليش احس الحياة هناك واييييييييييييييد حلوة
|
الله يعينك أختي على المنطقة اللي انتي فيها والشعب اللي هناك
عندنا الحمدلله على كل حال والشعب فيهم الزين وكذلك الشين وأهم شي الأخوة العمانيين مرة تارسين البقعة ما شاء الله :كاشخ: |
صباح الخير ......
ارد برسالتي على الي يقول انة ماشي عنصرية بس ممكن تتذكروا جريمة الطالب القطري ؟ وبعدين قولوا ماشي عنصرية .. وصاحبنا الي يلبس دشداشة احيانا ويتمشى وما يحصل مواقف محرجة اقولة والله حظك حلو... لان في وحدة كانت لابسة عباية وبكل عنصرية كانوا يسالوها انك هل ماشية حفلة تنكرية والي بغى يصور معها ليش ان لبسها غريب وتقول ماشي ..... وكثير من المواقف المحرجة بس يمكن ما تلاحظوا او تغظوا النظر وهذا جيد واتمنى اكون مثلكم. |
هلا اختي
انا عشت ف كارديف تقريبا 5اشهر وبالزي الاسلامي ولله الحمد ما حصلت اي مضايقات في الشارع وكنت امشي بروحي واروح السوق والمعهد مشي وهناك كل واحد بنفسه وما في اي تدخل بصراحة حلوه المعيشة واحسن شي الشوبينج عندهم تنزيلات رهيبة وبالتوفيق للجميع يااااااااارب |
اقتباس:
أختي العزيزة أنا أدرس بالمملكة المتحة البريطانية.. وما جاء لي بيوم حسيت هناك عنصرية بالأخص المنطقة الي أنا فيها عشان أكون اكثر صراحة وصادقة معك.. لأني ما درت مناطق كثير ببريطانيا.. وأزيدك من الشعر بيت.. كثير من الأوقات أللبس العباءة والشيلة السوداء مرات وأنا رايحة المجمعات التجارية ومرات البسها بالجامعة .. ولا صادفني بيوم أحد تفجأ بلبسي أو نظر لي نظرات إرهاب مثل ما تقولي أو غيره أو حتى نظر لي نظرات أني لابسة لبس غريب ورايحة حفل تنكري!!!!!!! بالعكس فيهم ميز قل ما توجد في العرب.. وهو أنهم ما يتدخلوا في الغير .. ويش ما تسوي وتلبسي ما عندهم فضول العرب يطالعوا فيش... ومثل ما قال الوالي العنصرية بكل مكان ولكن قلة قليلة أنا ما جاء لي صادفتها بس نظرية التعميم أنها غير موجودة خاطئة وبنفس الوقت خطأ نعمم أن الكل هناك عنصري ومتحيز ضد الإسلام.. بالعكس صار لي موقف طريف بعيد الأضحى.. جتني مجموعة من الزميلات بشعبة معينة بالرغم أنه ما جاء لي سولفتهم إلا مرة أو ثنتين بالكثير يباركوا لي وكلهم (Happy Adhaa) عيد أضحى سعيد :) عذرا على الإطالة.. بس حبيت أنقلك ولو شيء بسيط من واقع تجربتي :مستحي: |
اقتباس:
|
اقتباس:
والله خوش..تبارك الرحمن..:كاشخ: ما هكذا تورد الابل يا سعد |
اقتباس:
|
الاخ الي يقولي اذا متشائمة لهدرجة لا تيجي ....
اولا مع احترامي لك مش انت الي تقرر وتقول وش اسوي اذا متشائمة منهم ... وثانيا وهم مع احترامي لك انت اذا ما عندك رد مناسب لا تكتب شي .. انا ما جاية واريد الحل انا اريد رايكم فقط ومش اكثر لان فعلا صارت مواقف محرجة مثل ما قلتلك وبعدني راح اقولك من الحصل فعلا ... انه في يوم من الايام كنت راكبة المترو وكان زحمة او بالاخص ان ماشي مكان للجلوس واعتقد كنت الوحيدة في نفس المكان واقفة ومتكية على العمود الضعيف الي داخل المترو وقدامي شخص جالس وحاط اغراضة على الكرسي الي جنبة وتحتة كلبة وماسكنة بالحبل ولما جيت وقلتلة بكل ادب واحترام لو سمحت ممكن تشيل اغراضك من الكرسي واجلس انا .. تعرف وش كانت ردت فعلة علشان انة عنصري فعلا ويمكن شافني لابسة الحجاب تخيل شل الكلب من تحت وحطة فوق الاغراض .... وش يعني او وش تفهم من هالاسلوب المريض... وانا فعلا حابة النقاش فقط في الموضوع |
اقتباس:
|
اقتباس:
بالعكس هم أحتكوا بالجالية المسلمة ويعرفوا كيف أسلوب حياتهم والعنصرية قليلة عندهم لو قارنتيها بدولة ثانية مثل فرنسا |
اقتباس:
وعن الحجاب , وخاصة الحريم العجايز , لذلك أحصلها مرات فرصة عشان أعطيهم نبذة عن أخلاقنا وقيمنا |
اقتباس:
ولكن بصراحة الا شفتة فيهم أنهم بحالهم وما يدخلوا فى خصوصيات الاخرين |
انا بمانشستر حاليا بصراحة مافيه اي عنصرية وبالعكس الجالية الاسلامية منتشرة بكثرة
والحجاب نراه في كل بقاع مانشستر منتشر بشكل كبير |
بريطانيا من الدول اللي تنتشر فيها العنصرية فالواجب الحرص وعدم الاحتكاك الا للحاجة شخصيا حصلت في مطقتنا مواقف عنصرية لأكثر من عشرة أشخاص واعتداءات وتدخلت السفارة والجامعة ومسؤل الشرطة في تلك المنطقة للتهدئة من الوضع ولكن لا نعمم توجد مناطق هادئة وتكاد تكون هادئة ومنها اسكتلند ومعروف شعبها بالطيبة وويلز...
دمتم بوود.. |
طيب انا ايش قلت لك؟؟
قلت لك اذا حاسة كذا لاتيجي..لاتجبري نفسك على شي مب متشعجة له.. ماقلت بسحب عليك دراستك.. ومثل ما قال ابو عبدالله..مافي مكان بدون عنصرية.. |
اقتباس:
والمفروض انك توقف جنب كل وحدة مسلمة لانهن اخواتك في الاسلام في مثل هذا الظروف بكلام حلو او كلام يرفع من معنوياتها او بكلام يقويها ويصبرها.....ما تحطمها مرة وحدة وتقولها اذا متشائمة خلاص رجعي بلادك ولاتيجي .. |
اقتباس:
|
اقتباس:
وهذي وش اسميها :مستغرب: |
أخي ما يصير إنك تحكم وتقول مافي عنصرية بالنسبة للشعب البريطاني من خلال المنطقة اللي انت عايش فيها ! منطقة وحدة ما تمثل بريطانيا كلها ، وبالفعل توجد عنصرية وبشكل كبير جدا في بعض المناطق في بريطانيا ، والعكس صحيح بالنسبة للأخت الفاضلة.
المهم الشخص لابد إنه يكون حذر في معاملاته وخاصة إذا يلاحظ إنه الشعب ربما يكون عنصري أو غيره في تلك المنطقة ، والله يحفظ الجميع. |
| جميع الأوقات بتوقيت مسقط. الساعة الآن 12:22 PM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها