|
للمتزوجات -------- ساعدوني بليز
مرااااااااحب
بنات اريد اطرح معاناتي مع أهل زوجي واريد نصحائكن ومشورتكن انا صارلي من تزوجت 3 سنوات ولم ارزق بطفل والحمدلله على كل حال وساكنة بروحي في بيت وبعيد عن اهله بس أهله ما يحبوني لا أمه ولا خواته ولا خوانه يكلموني اذا ردوا السلام علي اشكر الله ،، أمه غيورة كثير وحاولت اتقرب منها بس بدون فائدة مه انها عندها زوجة ولد ثانية ويعاملوها كملكة كيف التقديس وكيف المعاملة الطيبة بس أنا ماشي اذا جلسنا كلنا مع بعض وتكلمت محد يعبرني بس يعبروا وحده وأحاول أفتح مواضيع بس محد يشاركني بس اذا لبست شي جديد أو حلو يسألوا من وين ونريد مثله واذا يريدوا مصلحة مني يتكلموا مثلا : اشلهم سوق او اشتريلهم حاجة وانا بسرعة ألبي طلباتهم والحين تغيرت أعتذر اذا يريدوا شي مني وكثير يتكلموا من وراي احس الحين ما قادرة ابلعهم ولا أطيقهم ولا اريد أسمع سيرتهم وزوجي دائما اذا رحنا بيتهم يحاول يجلس معي علشان محد يغلط معي وخواته لا شخصية ولا رزانة مايعات جداً ومغيرات لهجتهن ومستغربة محد ينتقدهن بش بس ما يهمني وزوجي معي واشكيله بس أحيانا ما اقدر أشكيله يقول تراهم أهلي وا أرضى فيهم شو اسوي أحس نفسي تعبانه نفسياَ منهم ولا بعد يريد يبني قريب أهله وأقنعته نسكن بعيد ما رضى ساعدوني بليز احس راسي ينفجر |
الله يعينك ويصبرك اختي
اول نصيحه ابدا ابدا ابدا لا تنتقدي اهله وبالاخص أمه ... في الاخير هذول اهله اما تصرفاتهم ومعاملتهم السيئه حاولي طنشي ولا تعيريها اهتمام .. عشان ماتعيشي حياة نكد انتي وزوجك .. طنشيهم واهتمي بنفسك وزوجك وبيتك .... عسى الله يرزقك الذرية الصالحه |
دام زوجك معاك هذا اهم شئ ,,
ما عليك منهم بس اهم حاجة تكوني احسن منهم وما تعامليهم بالمثل عشان تكبري فـ عيون زوجك ,, يارب يرزقك بالذرية الصالحه ,, |
أختي صدقيني كثرة الإستغفار تغير الإنسان وتغير أشياء كثيرة سأليني أنا مجربة
|
حاولي تقربي زوجك لك وبس ترا ما حد بينفعك من أهله وإذا ع الأهل طبيهم عنك |
الله يعينك أختي
بس غريبه كيف يكرهوك بدون سبب وبعدين انتي قلتي ساكنه بعيد عنهم يعني مالك معهم الا زيارات بسيطه فلا توجعي راسك لا تخلي اتفهه الامور تأثر في حياتك ونفسيتك الاهم زوجك معاك تمام وهم الله يهديهم ان شاء الله والله يرزقكك الذريه الصالحه يارب |
،، |
حبيبتي
اول شي حاولي لا تنتقديهم قدامه ابدااااا ابدا امحي هالشي من بالك, صح صعب بس بيفيدك بعدين ولا تقولي اطنشهم واقطعهم بالاخر هذول اهلك وعقب بيكونوا اهل وسند عيالك شاركيهم كل شي واذا انتي حاطه حواجز بينكم حاولي تشيليها الا في سبب ف بالهم بدون علمك وظالمينك انتي حاولي بالاخر هذولي بشر الا يعرفوا معدنك الطيب الله يوفقك:) |
يمكن يكرهوك لأنك تأخرت في الحمل....
والدته ما كلمت أبدا عن الحمل وليش تأخرتي وتعالجتي أو لا أستغفري ربك ومن عنده رزق والله يرزقك الذرية الصالحة يا رب آمين |
اقتباس:
ومثل غيره يقول (اذا حبت الحماة الكنه,,,الابليس يدخل الجنه):عيار::كاشخ: فعلا اختي اوكسجين ,,,كلامك عين العقل |
الله يكون في عونك عزيزتي نصيحه لك بما انك في بيت بروحك لا تجلسي تفكري وايد بهم لان ما حد بيتعب غيرك
طنشبهم وقللي زياراتك عندهم واذا زرتيهم لا تتكلمي وايد اجلسي صامت في اغلب الاوقات في النهاية بيتعبوا وبيملوا وبيتروكي بس غريبه شو سبب هالمعاملة الحمدلله ام زوجي امي الثانية طلعت من عند امي وحصلت ام بمثل حنيتها |
اقتباس:
:ضحك: |
الله يعينك حبيبتي
عليك من زوجك وبس وما عليك من امه وخواته وعامليهم احسن ما يكون ترى من الطرق الي تحبب الزوج لزوجته قربها وحبها لامه حطيها في بالك عزيزتي اكثري من الاستغفار وقرائة سورة البقره يوميا وبعون من الله سبحانه راح تتعدل احوالك الله يصلحك ويرزقك الذريه الصالحه يا رب |
الله يعينك صراحة ويرزقك بالذريه الصالحة ..أهم شي إهتمي ف بيتك وزوجك .. وكوني أحسن عن أهله وحاولي طنشي قدر ما تستطيعي ... ترانا كلنا نمر بهذا الشي
|
عزيزتي كان الله في عونك حطي في بالك شيء واحد جدامك لو كنت مكانها كنت بسوي مثلها ويمكن اكثر الام ربت وتعبت وسوت المستحيل عشان تصنع رجلا وفجأة تجي وحدة تاخذ منها بارد مبرد اكيد بتغار اعذريها واعذري زوجك اذا يحبها ومايستغنى عنها انا كنت اعاني مثلك بس في النهايه اخذت حماتي في صفي وماتسمح لزوجي يأذيني بتقولي كيف كنت في كل مناسبة اشتري لها هديه ومهما سوت وشتمت احط في بالي انها امي واكيد امك تسوي كل شيء فيك وانتي ماتقولي شيء لما تروحين بيتهم ودي معك طبق من صنع يديك ولما تجي عندك استقبليها بفرحه ولا تكشري في وجهها وحاولي قدر الامكان لا تذمي حماتك وتحكي لزوجك لانه مستحيل راح يصدقك او يروح يدافع عنك ولما تدخل المطبخ ساعديها واشتغلي صدقيني راح تتغير عليك وبشكل احسن |
اقتباس:
:مستغرب: |
اقتباس:
كنت حاسة انك راح ترد علي .. صج انك اكسجين الامه :لسان: قصدت في كلامي .. مصير الزوجه تصير ام وتجي وحده تخطف ولدها منها فأكيد راح نراعي مشاعر الام واضح ولا :كاشخ: |
اقتباس:
صج انج نبض والا كيف حسيتي :عيار: |
ممكن اعقب رغم اني غير متزوجة... عدتني اكسجين الامة.... ;) اختي طارحة الموضوع اولا اتفق مع اختي "نبض الحنين" في مشاركتها.... بس اختي تحمليني شوي بكون صريحة معاج.... الحين اهل ريلج لله ف لله ما يحبوج؟؟؟ يعني بطريقة اخرى هل حاولتي تقعدي بينج وبين نفسج وتسألينها شو ممكن يكون السبب اللي خلاهم يتعاملون فيها معاج بها الطريقة وبشو حرمة شمجج تتخير عنج... بأمانه بقولها لج انا اخت ازواج مب زوج واحد ما شاء الله اغلب اخواني متزوجين وهم ما شاء الله ما شوية.... امي مثل العسل....والله خاطري احصل حماة يوبها.... شايلتنهم على كفوف الراحه مع ان مب كلهن يستاهلن.... في ثنتين الصراحة نحن نعزهم.... وامي وايد تعزهم وتحبهم.... اما الباقيات امي فديتها تجاملهم بس لان بصراحة تصرفاتهن اصلا ترفع الضغط.... ف حالة زوجات اخواني هن طبعا مب حاسات ان امي تتضايق من بعض تصرفاتهم....لانها ما تظهر.... بس انا الشريرة كزوجة اخ الصراحة ابين.... اذا كان السبب الوحيد هو تأخر خملج عندها انتِ ما عندج مشكلة لان هذا شي بيد الله وهم ناس ايمانهم ضعيف....غير كذا... صدقيني ابحثي عن السبب.... واحيانا ترا السبب مب شرط يكون فيج شغله خطأ.... بس هم بالنسبة لهم هذا العمل غير محبب.... هني عليج ببعض الدبلوماسية والحنك :عيار: |
أكجسين_الله ماراح يظلم عباده وان طالت الدنيا او قصرت مصير المظلوم ينتصر ولو بعد حين
في بدايه الزواج يحدث خلافات واختلاف وجهات نظر ودائما زوجه الولد تنحط في المجهر حسناتها لاتذكر وسيئاتها تجهر ع الملأ وكأنها غير معصومه عن الخطأ فقط التحلي بالصبر وغض الطرف وكظم الغيض هي مسأله وقت لاغير وفجأه راح يتغيروا وتكوني لك شأن عظيم في العائله عاشقه اين انتي لك وحشه يارب ماتشوفي حاجه وحشه او وحش ف حياتك |
هلا نبض انا موجوده.... واراقبكم من خلف الكواليس :) |
الله يوفقك يارب
تابعي الخاص......... |
شوفي حبيبتي اول سوال هو تزوجك واهله راضين بهزواجه او لا .... بما انهم يحبوا زوجة ولدهم الثانية فليش انتي لا ...... كنت بقولك تقربي منهم وحسسيهم انك مو مثل ماكانوا يظنوا يعني كما يقال بغضناهم وحببهم افعالهم بس بما انهم مصلحجيين واذا بغوا شي يعرفوك واذا لا طنشوك فما عليك غير من زوجك وبالوقت نفسه لاتكرهيهم ضغطي على نفسك وزوريهم وطنشي وخليهم يتكلموا وياكلوا تبن ابتسمي والله ابتسمي وضحكي وماعليك من حد وكما قال الدكتور عائض القرني فن التطنيش لمن اراد ان يعيش .... تراه الحياة ماتعطينا كل شي نبيه لكن ناقلم نفسنا بلي ربك كتبه لنا والله يسعدك دنيا واخره.
|
اقتباس:
|
ربي يرزقك الذرية الطيبة يارب
اولا حبيبتي لا تشتكين منهم قدام زوجك ابدددددددددددددددددا... وان كان ولابد ذكريله الموقف بطريقة غير مباشرة عشان ما يفهم انها شكوى... صدقيني ترى الي بيحطه في باله انك انتي تكرهي اهله مش العكس ثانيا لا تحطيهم في بالك كثير و لا تشيلي بهم هم... خلهم براحتهم بس عندك الكلمة الطيبة و المعاملة الطيبة اكثر من كذا لا تزيدي: يعني اذا حد مرض اتصلي به وقولي سمعت انك مريض و حبيت اطمن عليك.. اذا حد عنده مناسبة طيبة هنيه و قوليله : كثير فرحت لك ... لا تعمقي علاقتك كثير لا تنسي ان العلاقات الاجتماعية في كثير من الاحيان كل ما تعمقت كل ما زادت المشاكل ...في الجلسات انطرح موضوع شاركي ما انطرح سكتي(لين ايتغير حالهم) ثالثا :حماتك شيء آخر ... اهديها!!!! اهديها قد ما تقدري!!! ممكن نصيحة غريبة بس فعالة عيد... رمضان... يوم الام هيك مناسبات يعني ولما تروحي بيتهم شيلي معك طبق بسيط صدقيني بمرور الوقت بيعرفوا ان معدنك طيب و بتتغير معاملاتهم الله يوفقك يا رب و يسخرهم لك |
مشكورات أخواتي جدا جدا
بطنشهم ان شاء الله بس انتوا تسألوا اذا كان فية سبب لكرهي لا والله ماشي سبب وحماتي لو اتقرب منها تراها منافقة وكذابه وتحاول تشوه سمعتي قدام زوجي وتتكلم عن أهلي بس ما اقول غير حسبي الله ونعم الوكيل حتى زوجي حاول يعرف السبب من خواته ليش ما يحبوني بس قالوا زوجتك عبت راسك علشان كذا انته جاي تسأل وطاحت في راسي المشكلة وانا زياراتي قليلة واهديها فكل مناسبة بس حتى شكرا ما احصل منها وارجع البيت ابكي ع حظي وخواته مثل ما خبرتكم بس يريدوني لمصلحة وبعد تفكير قلت يمكن لانهن ما يشتغلن ويغارن مني وهذا صدق وين ما اريد اروح زوجي يخليني وهم خوانهم ما يخلوهم قلت يمكن عشان كذا بس هذا تفكير صغير وتفكير أطفال تصدقوا مره فالعيد حماتي تطرشني انا واجد والزوجة الثانية حتى ما يقول لها شي بس جلسي نحن نقدملك كل شي والله انها مثل الملكة مع انها منافقة معاهم وان متأكدة من هذا ومشكلتي على نياتي واجد مع اعرف انافق ولو نافقت يحبوني يمكن |
بحكم خبرتي الطويلة في العلاقات الاسريه مع الحماة واخوات زوجي راح احكي لك قصتي بالمختصر المفيد :مفتر: الله زوجي اصغر من اخته واخته عنست فترة طويلة.. وطبعا كان على حسابي ومشاعري.. ماحد يجرح مشاعرها بس انا مثل البيت اللي مافيه باب والكل يجرح مشاعري في البدايه مااكذب عليك بكيت وتحسرت وتحسفت كل السلبيات جدام عيوني وتأخرت احمل وطبعي طيبه لابعد حد.. وعلى نياتي واحب الثرثارة :مفتر::كاشخ: وهما هاديين جدا وفي حالهم ومايتكلموا الا في الضرور القصوى :معصب: بس مع صبري وقوة تحملي وصرت اركز على البيج البوس مثل مايقول ( راس الثعبان) ... ( الله يحفظها حماتي) الحين اقولك من بعد مرور 14 سنه على زواجي وبصدق قدرت اغير اشياء كثيرة في حياتهم وانا مثل ماانا ماتغيرت هما اللي تغيروا وتقبلوني مثل ماانا عزيزتي لا تغيري شيء كوني مثل ماانتي .. بيطعيتك وحاولي تطنشي على قدر ماتقدرين والله ثم والله راح تغيرون ويحبونك يمكن اكثر من زوجه ولدهم ان عشنا لذيك اليوم وشفتي التغير لاتنسي تدعيلي بالخير او بالرحمه ان مت :كاشخ: |
اقتباس:
أكيد وليس ممكن :كاشخ: |
انتي مثل ما انتي لا تنافقي حد وطبيعتك جدا حلوه يعني لا تتصنعي شي عشان خاطرهم بصراحه
ترفعي عنهم يكذبوا ينافقوا هذي ما صفاتك..صفات ناس اقل منك حاولي تكوني كذا وبذات عند زوجك واذا امه سوتلك شي قوليله ما عليه هذي امك يعني مثل امي وانا بنتها واهون عليها خخخخ ومن هناك فوادك وارم الله يعين الجميع يارب |
أنا مع زوجي بكون عسل وهم أطنشهم وخلهم يتكلموا من فوادهم انا ما راح ينقصني شي ان شاء الله
|
| جميع الأوقات بتوقيت مسقط. الساعة الآن 08:43 PM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها