جولتي ف تنـــوف : يتنطط : ....... وسوالف العجايز بخصوص لجماله :منتزق:

[تنوف الخضراء]

بسم الله الرحمن الرحيم

أخباركم علوووومكم وهوشكم وجيرانكم وسنانيركم بو يفزعن

نبدآ

بخصوص انا اجازه وانا خلصنا من الامتحانات البغيضات

بخصوص اني رايحه اتمشى ف تنوف ف الأجواء الحلوه

فقلت لازم اغايضكم واقولكم سالفة دوارتي ف تنوف

اولا قررت عجايزنا الكريمات انهن يروحن يتمشين

وانا ما صدقت حد يخرج وقلت لازم اروح واتلزج بياهن

وادور فهذا الجوء الغاوي بو ما يتعوض

ع طول قتلهن انا اجي بيالكن وخرجنا وانا كنت كني

منتزقه كــــــــــآن الجوء بارد وغآوي وسحاب

مشينا ومشينا وانا كني سائحه اول مره اشوف تنوف

قابظه تلفوني الغاوي وجالسه اصور المناظر الخلابه

وبعد ما مشينا الا اشوف قدامنا جماله سودات

اخر الشارع واضحات تشه بس

يوم قلت حال العجايز خافن وقالن خلا نرجع عجب

عن يجين ويهوينا

وانا اقولهن صاه لجماله ما يقولن شي وحليلهن

طيبات كماينا

هاعه هن ما طاعن نكمل الطريق وانا اقولهن لا خلا

نكمل عجب رجعن وانا وقفت جنب ذي الشجره بو تسانق

وقمت اضوقها كان غاويه

ومره ثانية قمت ازعقلهن بو عادن راجعات وفزعانات

واقولهن عدنا صاه الا واصلين يعني خلا نكمل

ولجماله ما يقولن شي

ومره ثانية رجعنا ولم قريب نوصل جنب لجماله

بو مطلوقلهن كذاك فالشارع و العجايز جالسات يتنازعن

قلتلهن صاه لجماله كنهن جايات صوبنا

عجب خافن و قالن وبيه الدهديه بسرعه خلا خلا نرجع

عن يجينا الشيمه وانا اقلهن ابوي لجماله ما منتزقات

مو باياتلكن جالسات ياكلن وقمت اتبقبق واقنعهن إنا نروح نكمل

وهن خايفات وبعدني اقولهن انزين نروح من وراء الشجار عجب ما طاعن

ومره ثانيه رجعن وانا وراهن ويقوللي عن تركضي صاه

لجماله يغاضن وايجين يلتنش وانا ما صدقت وكنت فوادي

اركض عجب ما رمت يقولن صاه اذا جينا ايوكلنا

وانا اقول فلم هندي مثلا

بعد فتره خطفن سيارتين بو عنجريز وقفوا سيايرهم

حيت لجماله وقاموا يصورهن

بخصوص انه لجمل تمثال مثلا

وانا قلتهن شفتن كدعنهم مثلا

وحليلهن ما قاللهم شي

وهذي المره اقتنعن العجايز انه لجماله ما ايقولنا شي

ويقولن هذول العنجريز بيكون طاعنينهن ولا قاريلهن شي

ولا ما ايروموا يوقفوا محيتهن وطبعا رحنا وكملنا طريقنا وخطفنا جنب لجماله

وقمت اتهرظم حال الأنجريز والعجايز يقوللهم هاوريو

طلعن يعرفن انجليزي اكثر مني

والانجريز ما صدقوا شافوا عجايز

كنهم شايفين تراث عماني اصلي

وهيك كملنا طريقنا ومشينا مساافاات طويله فى ارجاء تنوف

وكانت دواره غااويه مع العجايز قامت يحكيني عن قصصهن بو اول

فذك الأمكان ويوم كانن يرعين ويلعبن

والسوالف ما تخلص

.......... يعني كانت دواره كلها حماااااااااسنج

وأحلى شي مع العجايزنج وتنوفنج الغاوينج

مخرج

يقولن العجايز لما تشوفوا جمل ما تركضوا قدامهن لانه يغاضن وايجين يلتنكم عوين ..!!

وآخر اشي ...

طبعا هيدي منها اول جوله الي مع العيايز فهناك كانت جولات ابل

ف حتات تانيه ف تنوف الخضراء الغاويه وعسى ان تكون هناك جولات مستقبليه

واخيرا أي جوله ما تحلى الا مع العجايز .... (( عسى الله يطول بعمرهن ))