لطيبين يوكاهاما

[البادي 79]

اش احسن نوعيه اطارات يوكهاما او برجستون اوتويوا

[بطل عمان]

كله غاوي حتى البيريلي زين .

[كيازموس]

هلا اخوي .
كنت استخدم اطارات بريجستون نوعية بوتينزا بس والله انه تعبني وايد من كثر ما ابدله عالضمان !!!
ما يتم معي سنه + يتشقق من الاجناب + صوت و ضجيج فظيع + قاااااسي
بس نوعية ممتازه للبريجستون اللي هو التورينزا ماعليه كلام حتى لقبه العالمي الاطار الصامت ( انا ماجربته)
- بالنسبة لليوكوهاما تعتبر ماركة قوية جدا انا جربته وبصراحه في مسألة التوقف عند استخدام الفرامل
- التويو قبل كانت عليه شكوى او عيوب لكن الحين معروف بنعومته خاصة على المطبات وعين القط ... الخ هذا اللي سمعت عنه .. ونا الحين اريد ابدل التواير امس رحت المحل وشفت التويو .... نقشته حلوه و نااااااعمه جدا ( عكس البريجستون) -- بس اتوقع انه يآكل بسرعة بسبب نعومته ( كل ما زادت نعومة التاير زادت سرعة تآكله)
الفايرستون بصراحه ماعليه كلام واذا تريده يتم بيتم معك فوق السنيتين مع الكرف لاني انا جربته وبصراحه فوق السنتين كله خطوط و كرف و تعذيب من غير فوق ال100 الف كيلو مشن عندي !! والحين وااارماااات كلهن بس هذا اجلهن والكل مستغرب انهن تمّن معي هالمده وهالخطوط ..
انا اتكلم عن مقاسات 215-225-265 ---------- رنج 17 او 18 ----------- مقاس 45
تحياتي ..

[المزدهر]

اليوكوهاما>>>> ممتاز ............لكنه أنواع ، وأنصحك تبتعد عن إطارات يوكوها تسمى ( آسبك )
أعتقد بالانجليزية تكتب ( Aspaece ) هذه جربتها مرة من المرات ، لكنها بعد سنة بدأت تنتفخ

لكن نوعية ممتازة من يوكوها تسمى ( سي درايف ) بالإنجليزية أعتقد تكتب (C Drive ) هذه جربتها ممتازة

أما بالنسبة للبريجستون الأفضل أن تركب نوع يسمى( تورينزا) لأنه هاديء في الشارع ، ولكنك ابتعد عن نوع آخر من بريجستون رياضي يسمي ( بوتينزا ) يسبب ضجيج أثناء السير .


الميشلان أيضا يقال أنه جيد لكنه غال قليلا .

التويو جيد كما سمعت ، حتى أن سيارات في الوكالة تأتي من المصنع وعليها إطارات تويو

[handsome boy]

All tires good for use

Regards

[متيم الجبل]

أرسل أصلا بواسطة البادي 79

اش احسن نوعيه اطارات يوكهاما او برجستون اوتويوا

هلا البادي

والله الحين ما تعرف من فيهم أفضل بخصوص التواير المذكورين أعلاه ..

السبب كل سنة يتغير نوعية التاير من حيث الصلابة وغيره ..

يفضل تسأل محل متوفر عنده تواير أكثر من نوع ..

تحياتي لك ،،،

[cbr-23]

برجستون

وبالتوفيق إن شاء الله

[patoon]

بريجيستن و اليوكوهاما و موفق اخي الكريم

[شرجي و أفتخر]

و الله جميع شركات الأطارات التي ذكرتها رائع و ممتازة.

دمت بود.

[ايمن2]

اناماانصح تركب بريجستن لانه اناقبل يومين انفجرن عندي اطارين مماسبب عطل كبيرلسيارتي وللعلم انه سيارتي2007يعني سنه تقرين عمرهن وهذاالنوع مضمون5سنوات احسن تركب كوري ولاتركب بريجستن

[alharthi cars]

افضل عشر اطارات تناسب اجواء الخليج وتمتاز بطول عمرها وهدوئها بالطريق والضمان الطويل
1- ميشلان
2- انتركونتييننتال
3- يوكوهاما
4- بيريللي
5- بريدجستون
6- جوديير
7- دنلوب
8- تويو
9- هنكوك
10- فايرستون
والنصيحه كل النصيحه الابتعاد عن اطارات فيدرال

[الفورمولاوي]

انا مركب بريدجستون ادرينالين الاطارات الجديدة من شركة بريدجستون ممتازات ولله الحمد وبتحس بفرق في الثبات عند استخدامهن .. كنت قد جربت اطارات بوتينزا وكنت مرتاح معهن .وبعدها جربت اطارات تورينزا وأيضاً جيدات .. بس أشوف البوتينزا أحسن .. واستغرب .من انتقاد البعض لاطارات البريدجستون .. من وجهة نظري انهن الأفضل مقارنة بسعرهن أمام الميشلان .. اشتري من الوكيل أو روحوا لوكالة الزبير أسعارهم جيدة ومعقولة وتركيبهم وميزانيتهم ممتازة

[السيل]

اخوي فورمولاوي عندنا بالبيت سيارتين بهما اطارات بريدجستون والله على ما اقول شهيد بأنهن بعد سنه يتيبسن وينفجرن والغريب انه لما نروح نشتري جديد نطلب منهم افضل نوع للعلم نشتري الاطارات من وكيل بريدجستون ..

الحمد لله اليوم بس مغير اطارات سيارتي الكامري بأطارات الوكاله يوكوهاما بضمان خمس سنوات والقديمات استمرن معي سنه ونصف وغيرتهن لعامل حرارة الجو فقط لا غير .. حقيقا انهن ممتازات ولو عن نفسي اتمنى اركب ميشلان بس غالي كثير ...

[GReddy]

ميشلااان

[البادي 79]

اشكر الجميع على المرور الطيب

[كيازموس]

انا الحمدلله ركبت اخيرا امس اطارات جديده حق سيارتي اللي بمقاس -45-215-17
نوعية : بوتنزا
بصراحه : اكثر ثبات من النوعين السابقين القديمين لفئة البوتنزا !
+ اكثر نعومه
+ الصوت اخف بكثير من النوعين السابقين واهدى
+قوة توقف افضل ( البريك والاحتكاك مع الشارع)
-- الغريب انه هالنوعية الجديده تتميز بنقشه باتجاه واحد واخاديد اعرض ( ثبات في الشوارع المبتله ) .. يعني الروتيشن ( اتجاه الدوران ) له واحد ( الاطار له وجه داخلي و وجه خارجي محدد)