ساقني ســم مـن طعـم سمسـم نسـم

[هواجيس]

صباح الخير
منذ فترة ولم يعتريني هاجس الكتابه هنا
يمكن للاسباب عائليه اسريه سياسيه رياضيه عمليه اهم شي اني ما كتبت

العالم فلك والفلك مدارات ---- > الله يستر اليوم منقلب الخوارزمي
خلونا في الكلام الجد

نعم هناك كواكب ونجوم ومجرات هناك فسحات أمل بين هذه الافلاك ونغزات قلم ما بين كل الصفحات
نعم هناك امور تجري بالمولي عزو وجل وهناك امور الشخص يوقع نفسه فيها
نعم هناك شمعه تحترق لكن هل المحترق له يستأهل هذا الذوبان ----> يا سلام على اما اني فنان

ما عليكم من الكلام اللى فوق والافلاك والمجرات والنجوم
شوف قبل عن تقراء حقوق الطبع محفوظه وعليك الاتباع التالي عشان ما تقع في مصيدة التسلل والتشفير الاعلامي
الديــــو ورتفع سعره خلاص ما بقاء شي في هالدنيا محتاج الامل عشان ينزل هالاقتصاد وتنزل معه كل الاسعار
مفكر قبل اشتري لكزس فور ويل لكن اقول والله خلاص ما اريد
احسهم يستغلونا بهالحركات السخيفه --> قول قسم انك بتشتري


اسف من الحره اللى فيني عبرت لكم عن مشاعري الجياشه
خلونا نتكلم بلا مقدمات
الفشره

نعم هناك اختلاف في الفشرات لكن هل انته تستسيغ كل الفشرات اكيد لا واكيد تحاول انك تعدل المسار لكن خلونا نشوف بعض الانواع والحركات بصراحه
اول نشتري غرشة ديو من الكبار حجم عائلي ونجيب الاكواب البيض اللى يقولو خطيرات ونتقاسم هذه الغرشة بعد الغداء بعد العشاء في الرمسه في كل مكان
الحين لا نشتري حال كل واحد غرشة حجم عائلي وتقول ليش يرتفع الديو
ومخلين كم دريول في البيت وكم سيارة بس حال المزارع
عمرنا ما جلسنا في الصيف في عمان كله في اوروبا وعاد يوم ينزلن اسهم ابوي نروح ماليزيا اخس شي
معنا مزارع في جنيف ----- > خربها جنيف في عينك محكمة العدل الدوليه مثلا
صحيح معنا مزارع في باليرمو وعزبة في ميلان وعدنا قطيع غنم في سيدني
تشوف هالكندوره اللى فوقي هذه جايبينها لى طلب من اليابان نعالي من شرق افريقيا من جلد نمر
شوف هالشركة شوف شوف فودفون مالنا تراها ---- > عمي المدير التنفيذي
صدقني
فودفون وسمينس شركتنا وانا الكل في الكل في هذه الشركات انا من يديرها وانا من يجيب لها الدخل

يالله انه فؤادي يعورني يوم احصل واحد كذا
ولا فوق هذا يفكر الناس ما تعرف وما يقهرك يتكلم بطلاقه عن هالامور وكل شي وعاد الغم يوم يجيك مدير يتفشر بالشغل وهوه ما مسوي شي كل شي يسويه حاله الموظفين ولما يتكلم يقول يكفيك الراتب اللى معك

كم واحد تضرر من هالفشره وكم واحد طب في غياهيب ( اقولكم اني شايف كتاب عربي) يا اخي انته كبش الكتاب يشوفونه ولا تقراه
كم واحد كان ولا شي وبعمل عمل لا اخلاقي تلاقاه على اكبر طاولة وكرسي جلد وعاد خذ لك باع طويل من اللاوعي الفشري تلاقاه نافخ ريشه بترد عليه وبتعلمه من يكون تقول ما زين وش تريده غله يغيب لكن توسوس لك نفسك تعلمه بشكل غير مباشر لكن طلع ما يحس قمة القهر

كل هذا والارتفاعات ترتفع والديو صار 200 بيسة والمدير يقول لا تشربو ديو ولا تأكل عيش المدينة
صحيح انه الوقت غير والعالم غير والامور تمشي بالعكس


المستفاد من الموضوع

1-الفشره مشكلة بصراحه وخاصه اللى يتكلم وما حاس بالاخرين
2- الغم انه كان وين وصار وين
3-أنت سبّة جروحي اللي جت وأرهجت.... رجّة العمر وإن جيت أباقوم أطيح
ساقني سم من طعـم سمسـم نسـم.... وأنقسـم نصـف قلبـي وناديتهـا
قلت يا ناعس الطرف وش ذا الجفا ....ماصفى الجو حتى معك نستريـح
قال من جرّب الحُب يلقـى الشقـى.... مابقـى غيـر رجلـك وعنيتهـا ----> اما نذاله
4- عندما تصادف فشري حاول انك تتجنبه واذا ما قدرت فضحه
5- ما فيه شي بس يذكرني بزيدان هالرقم

[فراشة حب]

ما فهمت شي

[هواجيس]

أرسل أصلا بواسطة فراشة حب

ما فهمت شي

ما فهمتي اكيد ما قريتي

[هواجيس]

عيدي القراءه مره اخري