طريقتي التوب بيرفكت في تعطير شعري بالصور...إننوه

[دكتوره كبرياء]

هلا بالمزايين........
عندي قاعده تقول الجمال في التغيـــــر
عشان جيه ما أحب أثبت ع طريقه معينه في تعطير شعري ولاني بسرعه اتملل
نصيحتي الأولى لكن يا جميلات السبله...لا للعطور الفرنسيه للشعر الا اللي المخصصه للشعر
ومكتوب عليها الهير مست او اسالي البائعه
النصيحه الثانيه ابتعدي عن الجذور ولا تخلين العطر ابدااا ع فروة الشعر
الليله الاولى...خلينا نسميها الملكيه
بعد الشور نشفي شعرج عدل عقب حطي في إيدج دهن عود اصلي كم قطره وشوية سيرم
ومسحي ع كامل شعرج وبخريه بحطب عود خام عقب لفيه ع الاقل ربع ساعه عشان تثبت الريحه
وعقبها فتحيه و تدللعي

.

الليله الثانيه..الخليجيه.
.بعد الشور نشفي شعرج عدل عقب حطي مخمريه ع ايدج و مسحي ع شعرج و في كل مره لفي شعرج بتثبت الريحه واايد
انا جربت خمريات وايد من الحريم او المنتديات واستقريت ع خمريه ساسمو الامراتيه
تطير العقل...والمخمريه الملكيه في القرشي حلوه واحلى المخمريات الي يسونهم حريم ابوظبي

.

الليله الثالثه الفرنسيه......وفيه وايد عطور فرنسيه خاصه بالشعر
وهذي احلاها تحسي نفسج فررش
ممكن تسوينها حتى وشعرج ناشف او بعد الشور وتنشفينه بنسبة 70%
ممكن تبخين العطر ع طول ع شعرج او انج تبخينه ع المشط و تمشطي شعرج
بعض العطور او الهير مست
1/جادور من ديور.....2/فلور بمب من فكتور & رلف...3/جوسي كوتيور
..الخ بس المفضل عندي الور القديم من شانيـــــــل و جانس كلاسك وجانس فرش

.

.

الليله الرابعه....بيبي بيبي......
واايد حلو التغيير جربي تغسلين شعرج بشامبو اطفال وتحممي بصابون اطفال وحطي لوشن وباودر
وخبريني النتيجه

.

الليله الخامسه..إنتعاش..
في هالليله مو شرط تعطرين شعرج ابداا بس شامبو بريحه حلوه وبلسم و شوية كريم وااااااااو
ريحه طبيعيه و هاديه

.
.

بنات احنا طبعا بشر مب شرط دوم متعطرات ومرتزات عادي وقت الصداع تحطين فكس
ع جبينج و ربطي بليسو...بس لا تكثرين من هالليله ..الله يبعد عنا وعنكم الصداع
هذي صور الفكس للي ماتعرفه

وطبعا بنات هالشي مب ثابت ابتكري في الروايح دووم وكشخن و تدللن بس لا تنسون اهم شي لا تتعطري في الشارع


الموضوع مجهود شخصي اللي تبي تنقله حلال عليها بس تكتب اسمي
دعواتكم لي ولوالدي ولريلي و اولادي وكل الناس اللي احبهم