ذكريات واقعية لأيام زمـــــــــــــــان أعضاء الترووويح ..؟؟

[شهوووودة]

يا هلا بإخوتي في الترويح كل منا لديه ماضي واجمل ما في الماضي الطفولة واجمل ما في الطفولة البراءة واجمل ما في البراءة الجنون والضرب اللي ناكله لين نقوووول يماه ارحميني اعزائي الزوار اقصد الترويحين قررت ان أكون صحفية لمجلة ذكريات الترويح ووجب علي عمل مقابلة صحفية لعدد من الاعضاء لكي أكتب مقاله مذكرة عن اجمل مقالبهم او مواقف صارت لهم في الماضي من ايام الغوووص وزمن الفراعنه ( خخخخ قوية لاه ) وايام البدو والاوطان يالله نشوووف الردود اللي ردو علي مجموعة من الاعضاء من بعد ما سألتهم هالسؤالين :
( طبعا الموضوع بأقلام الاعضاء الترويح )

1- ماهو اصعب موقف او اطرف موقف حصل لك ايام الصغر والشقاوة ومستحيل تنساه ؟؟

2 - شو هي اقوى شلخة سمعتها من الشيوبة ايام زمان نعرفهم الشيوبة محد يغلبهم في الشلخ ؟؟

نبدأ بـــــ :

البـــــــــــــاشق

(هروب من المدرسة )
الله يسلمك كنت في ايام الدراسة نهرب بالفسحة عشان نأكل من برع المدرسة وكان ممنوع لازم نشتري من المقصف اللي حال الصغيرين المدرسة وكنا نقحم من دريشة الحمام كاسرينها حال الشردة نخرج ونطلع منها وذيك اليوم عرف مدير المدرسة المكان السري لهرووبنا .. اسميه الجاير خلانا نشرد ويوم رجعنا حصلناه ينتظرنا المصيبة أنا كنت أول واحد متقدم عشان أنزل قبلهم فكيت حلقي كما الضب يوم شفت المدير بكبره قدامي .. وتجيني رعشة نعم عمري ما ارتعشت تميت انتفض بكبري .. واذا المدير يقوولي هاا يا شاطر من هين جااي وعااد الباشق تلعثم وهو متعلق كما السنور فووق .. ورديت رد غريب كلما اتذكره اضحك من فؤادي .. أقووله مدير أنا مريض .. المدير مريض وانته قاحم برع .. قلتله مدير اريد انزل قرب الكرسي .. المدير بعدني اقرب الكرسي .. ما يهم هذا الكرسي نزل .. ونزلت ويمسكني من ذنيني ويقودني الين مكتبه وهو ماسك ذنيني قدام الطلاب وأنا اتنشج قدام الطلاب نعم كان يوم أسود وعطاني فصل وما ارجع إلا وأبوي معاي

المندوب الســــــــامي
( الرطب + السمك = الطوي )

مره من المرات كان عمري 12 سنة 1977 ( يا عيني ) وطرشوني ابيع رطب ، ووصيوني أجيب سمك بـ 50 بيسه من غوازي الرطب ، تو أنا بعت خلصت ، وقلت فخاطري ، قبل عن اسير أشتري السمك ، أسير ألعب غويزيه يمكن أربحلي كمين بيسه زيادة ( تلعب قمار كشفناك ها )
هاذي يوم كل واحد يحط عشر بيسات ويبحشوا خبه صغيره وينقيوا حصاه صغيره يسميوهاالطير; ... ( شرحها طويل المهم انه ------> خسروني 50 بيسه 5 لعبات ورا بعض ، ما حصلت فائده ،غبت عند الوالد ما بقن فلوس سرت حال راعي السمك وقلتله يقولك ابوي اعطيني سمك بـ 50 بيسه وأيطرشلك الغوازي عصر ... وسرت أتقحم ونسيت السالفة من بعد يومين سار الوالد يشتري السمك وقاله راعي السمك عليك 50 بيسه بو مصبربها ولدك ... دفعهن الشايب وهو يتقمقم معصب ومتحلف من وصل البيت ... جاب حبل وربطني من الرجول وهبطني هابط فالطوي الين شاف ايديني وصلت الماي وربط الحبل فالبيب وسار ... تميت جوب ساعتين وانا اصورخ كما الجدي ، لين سمعت النزاعه فوق ... وأهجس حد يسحبني على فوق ... الظاهر حد شافني وخبر الجيران وجيوا طلعوني ..ولا ابوي ما عنده خبر كانه رابط سنور ما ولده
(( عن الشلخ الشياب قال : ))
وحياة الشايب خلفان .. من قوة بصارته وغزارة علمه ، ما يطلع النخله عسب ينبتها ولا يخرفها ولا يجدها ... يقولوا كان يوقف صوب النخلة ويقرأ آيتين من بو فصدره ، ويأشر بيدينه حال النخله ، وتنحني وحدها لين توصل تحت حيته نكس ، وهوه عاد يوكل منها بو باغنه ويرخصها .. قال لها اعتدلي وترجع تعدل النخلة كما كانت .. ( طلع هاري بورتر الرجال )

هــــامـــان
( والسحلفوت )

قبل ما ادش المدرسه اذكر الوالد اشترالي سلحفاه تشتغل بالبطاريه وكنت العب فيها لين خلصت البطاريه افتكرتها ماتت وجلست اصيح واصيح من قلبي وبعدين خبرت اخوي الي اصغر مني بسنه نروح ندفنها ورحنا ودفنها في الحوش وسوينالها قبر وجلسنا نصيح انا واخوي لين شافونا نصيح وخبرناهم بالسالفه وجلسوا يضحكوا وأحنا نصيح لين امي رحمتنا وطلعوا السلحفاه من القبر وغيرولها بطاريه ولما اشتغلت فرحنا انا واخوي وقمنا نقحم هيه هيه هيه هيه هيه
بس تو تراني واجد ذكي

إنسان مافيه بارض
(غنوز نبيل والسنارة )

في سنه من السنين .. كنا جالسين نصيد ف الشاطي (بالسنارة) .. أنا وكمين تتون سنايني (يعني مثل السن اللي أنا فيه) .. وكان هذيك الأيام البحر تارس أعشاب .. والسناره يوم تجيبها .. تحسبها صايده سمك .. وتحصلها تارسه عشب .. صابني كروب .. وتضايقت .. قلت برمي السناره بالعشب اللي فيها .. ويوم جيت أرميها .. بدل لا تروح السناره على قدام .. طشت في غنوز ( نبيل ) .. ود جيرانا .. وطبقت الإبره مال الصيد في غنوزه .. وجلست أسويله عملية بغيت أخوز هذاك المجدار من غنوزه ما طاع يخوز ( بالعكس جيت اكحلها عميتها غاصت زيادة ) .. ومن شفته جلس يصيح .. هربت .. وما رجعت البيت إلا بعد ما هدت الأمور .. وبالمره رحت فوق السطح .. وأسمع الناس يطريوا السالفة .. وإنه الوليد شلوه المستشفى يخوزها عنه .. وإنه هو الحين بخير والحمد لله .. برد فوادي .. لكن ما نزلت من السطح إلا بعد صلاة المغرب(هذاك الوقت عوين ما يضربوا فيه الصغيرين ) ما يجوز ههههه بس بدتني منازعه بس س ..

هباااا

( السيكل والكلب )

كنت أنااا وبنت جيرانااا زمااان جالسين فوق السطح نلعب بسيكلي ابوي مشترنه اتذكر لونه احمر بعد .. المهم بنت جيراناااا مندزقة راكبة فوق السيكل ما تخوز منه البررر انا عصبت عليهاااا وأروح أدفرهاااا بقوة ع الجدار وطاااحت وأندق راسهاااابقوة ( حاسدة ) وتركض البيت تصورخ تصيح وتجي أمهااا حال أمي معصبة وشفتها و شردة عنهم في الحمام بس قشبوني
واتذكر سالفة الكلب كنت مع اخواتي العب في الحوووش و أخووووي دخل الكلب في الحوووش وقفل علينا باااب ويقول حال الكلب سوووه والكلب عاجبنه يلتناااا واحنا صراخنا واصل لشارع عام ومرة كنت جالسة العب ميزان قاااصر فالنخل وعظتني عقرب وأنااا أكرة العقااارب ليومك هذا ( زين ما تكرهي السنافر هههههههههههههه )

Alawi

( العمة والفلبينية )

مرة نحن رايحين دبي بالبااص ومعانا عمتي الكبيرة بالعمر وهي من النوع الفريندلي يعني إجتماعية وباغية تسوي عمرها تعرف إنجليزي جلست جنب وحده فلبينية أوين جلست تسأل الفلبينية what my name? الفلبينية ردت مااعرف بالإنجليزي عمتي ترد وتسألها نفس السؤال وتأشر عليها وت ماي نيم .. لحد ما عصبت وسألتها سؤال ثاني my go dubi? الفلبنية ساكته .. وراحت وغيرت مكانها .. وعمتي جلست تشوفها بنظراات غم وقالت بطرانه هالفلبينية
ماترد على حد .. اكيد ما تعرف انجليزي .. وكله الي تعرفه عمتي بس my my
=========
يوم من الأيام رحت اجيب الكمبيوتر مالي من عند الصلاح،،، وأنا طالع من المحل حطيت الكمبيوتر فوق دبة السيارة وبعدين أنشغلت بالتلفون ونسيت الكمبيوتر وركبت السيارة وسقتها... الا وسمع صوت قوي
((طرراخ دششش طاح الكمبيوتر على الأرض)) ورجعت وعطيته الصلاح مرة ثانية وهو فاك فمه مستغرب يقول عاد لحق بسرعه يكسره الحاسد

[شهوووودة]

الطير01
(ضرب الوالد )

اللي اذكرة يوم صغير اني كنت واحد شراني كل يوم اضارب حد يا ضارب يا مضروب حتى في المسجد نتضارب و في الصلاة بعد نجلس ندافر و الامام يصلي انا كنت ادفرهم في لحضة يفقد فيها الشخص التوازن لما يجي الشخص يسجد عطيه بدفره ذيك الساعه ما بتشوفيه الا و طايح فوق ربيعه اللي حيته و انبط ضحك عليهممن كثر الضرابات و الشكاوي و المشاكل الوالد ما خلاني ادخل المسجد سوالي حظر ما يقارب الاسبوعين ( شكله ابوك كان مشرف )

==============
مره وحده شاكيبي مضارب نفس الحالة و انا داش البيت حسيت بحركه غريبة و الا اشوف الوالد جايني بباكورة عرفت انه الجماعه شاكيبي و ادقها شردة و الوالد يتبعني ببكوره و الربع جالسين برع يشوفو الوالد يلعطني ببكور و انا اركض ما لحقني الرجال تعب ووقف لو كانت ايام لبلوتوث و الكيمرات كان الشباب بيسولي فيديوا و بيكون في كل تلفون منتشر فضحني قدام الشباب ذيك اليوم

نعنوعه
( السنانير والنعلان )

اذكر زمان كان عندنا سنانير فالبيت ، ومره سنورة ربت وجابت أربع سنانير كتكوتااااااات .. سرت وترست البانيو ماي وكبيت فيه وااااااايد صابون ووريت السنانير الـ4 فيه .. وفركتهن ببروش كبير لحد ما بغن يموتن وعقب طلعتهن ونشفتهن بالمنشفة وسرت عقيتهن في الشمس لين يبسن ( اكيد سويو هالحركة ) !! تدرين ف الامارات صحراء وكنّا نشل كيس ونسير من وين المنحدرات نتزحلق في الرمله ولمّا كنت أعصب على العفاريت اللي معي أدفن نعولهم تحت الرمله وأدقها ركضة البيت ويقعدون همّا يدورون ومره يحصلونهن ومرات ما يحصلونه

!! وما كنت أحب الحريم أبد دومني مع الاولاد وكنت دائماً أضم نعول الحريم لمّا يجن بيتنا

ويعصبن وأمي تبي تضربني بس أشرد مع أبوي وما تروم تضربني .

نزواني مغترب

( عزوززززز والهندي )

زمان ايام الشقاوة انا واخوي متوالفين ضاربنا الجوع ومرررينا من حيت مزرعة مرهوووووون المجز وشفنا النخيل وتطمعنا في الخلاااال ؟؟ وقاااااالي عزووووز اجلس رااقب إذا جاء حد زعقلي وانا بانزل من النخله وفصخ فااااااالينته ورااايح صووووب النخل قلتله عزووووز خلاااا ابوووي اخاف يجينا مرهووون ويلتنا بالمجز !! وجلس عزوووووز يفتك الخلااااااال وأنا أشووف الهندي ماااااال عمي مرهوووون خاااااااارج من غرفته يدخن وانا الغبي بلا شعور زعقتله أااااااااااااااااااه سورااااااااااج ويشوووووووفني الهندي ويشوووف عزووووز يفتك الرطب ينتاااااااول القب ويجي يركض صوبنا وأدقها شررردة وعزووووز طبق مكااااانه متعلق فالنخله وبعدين جااااااا مرهوووون المجز راعي مزرعة وصفداه ومن ذيك اليوووم عزوووووز من يلقاااااااني يقووولي ياالدهج ))

alrashdi;
( طفولة اجرام)

انا طفولتي كانت مصيبه يعني كل يوم مشكله ما مخلي حد ف حاله اول شي الصباح لما نروح المدرسه لازم اضارب اللي في الباص ويصيح تكفيخ واما وقت الظهر تحصليني فوق الجدار اسوي ربشة حتى الجيران سويو زجاج ع الجدار بسبتي مطفربهم ما مخليهم يناموا واحيانا اجلس اضرب الشيوبة بنشاب خاصة يوم يطلعوا من الصلاة يجلسو يدعيو علي من فوادهم

وفي المدرسه دايما اشتري لبان واخليه ع كرسي الاستاذ طبعا ف النهايه يكشفوني ويطردني من الصف مقالب الحاره اول كنت معذب البنات أغار يوم اشوفهن يلعبن واجلس اغايرهن لين يعصبن ويصيحن واعفرهن تراب بالسيكل ويخبرن علي ابوي وعاد خيزرانته جاهزه اول ظهري كله خرائط من الضرب لازم يضربوني ما اذكر يوم مر علي بدون مشكله

وعاد سوالف الشياب كثيره كل يوم شلخ ببيسة اذكر حبوتي تخبرني اوين شافت زمان رجال عملاق خال اكبر من الجبل يمشي من جبل لجبل بس يرفع رجله واحنا مصدقينها

( هذي شايفة رسوم متحركة سندباد )

نبع الوفاء

( نتيجة السرقة )

بنت خالتي ممرضه ومره جايبه حلول على شكل حلاوه المهم انا ما كنت اعرف هالشي وتطمعت اكلت كل اللي موجود بالكرتون مو بس قطعه وحده هههههه لما اكتشفت بنت خالتي انه الحلول اختفت سالتمن اكلهن وطبعا الحرامي ما راح يعترف بسرقته وقالت بنت خالتي المهم اللي اكلها راح نعرفه وانا كنت اضحك اوين بتعرفه من هين بتعرفه وانا طاعرتنه خلاص وانا اضحك وفجأة بديت رحلة المعاناه ومااااشي وصلت عوده لدرجه عقوني يوم كامل بالمستشفى

{ كنت صغيره لا تضحكوا على :بو غاضب: }

نبض التروووويح

( مقالب الرحلة )

اذكر مرة وحدة انا والشباب المرغدة مسوين رحلة ايام زمان في منطقة مزارع واستمتعنا بالمشاكيك والجلسة ومفوضينها وطبع السالفة فيها مبيت يومين بدت المقالب تستوي عندنا واحد مثقوبات اذنه تقول مغارة وكان نايم مسكين من التعب وسويناله ورق شاي نبتون وربطناه في اذنه من الثقب وصار كما الحلق وصورناه وهو ما عنده خبر وواحد صديقنا حطينا في ايده روب معفن ناسينه في السيارة وجبنا ريشة ع انفه وصفع وجهه بالروب وقام فزعان وطاح فينا الضرب اللي اذنه مثقوبة وصاحب الروب هذاك اليوم

أبو طارق
( المزرعة والقرة )

مرة قبل سنوات اذكر كنت رايح مع اهلي وبنات خالتي المزرعة وكنت ملان اتمشى صوب الفلج واكل برنجلز حجم صغير وشفت بنات خالتي واخواتي الصغار يتمشين صوب الثاني ويحشن في الخلق ومنقلبات كما الجراد ياكلو الاخضر واليابس قلت اسويلهن مقلب اكلت البرنجلز كامله بسرعه بسرعه وقمت ادورلي على قرة حجم عائلي وشفتها وصدتها واحطها داخل القوطي

ومسكينات جايات يركضن صوبي شايفات البرنجلز وانا اقول اللي تريد تسبق ويركضن ركيض ويتضاربن أنا انا لا انا جيت اول وصاح البكوسات ميتات جوع خذته بنت خالتي الأصغر تفتح القوطي ومباااااشرة رأس القرة(الضفدع في المقدمة يستقبلها) وماتسمعي غير الصريخ (ووووووا ووه وافقري وصارت الربشة) وتعق بنت خالتي القوطي في أختي ويطش ذاك الضفدع البريء فوق كل وحدة والصريخ ماولد حد) هههههه مت من الضحك لكن اكلت قشب من خالي هذاك اليوم ؟؟

9 العكس صحيح 6

( الفتاك العاب نارية )

اذكر زمان كنت وايد مشاغب واحب المقالب لكن من النوع الثقيل لكن نادرا ما يصيدوني حال الضرب اهرب بسرعة قبل لا يكشفوني لكن مرة وحدة صادوني عينك عينك وكليت ضرب لين قلت بس الشيمة هذا كان ثاني يوم عيد واحنا مصحايين من الفجر وانا وولد خالتي عندنا مجموعه من فتاك العاب نارية وقلت يوم يدخل اخوي الحمام نولع الفتاك ونعقه فوقه وهو داخل الحمام وجلسنا نحرص لين ملينا وسمعت حد دخل الحمام ومن دهوجيتي ولعته بسرعة وعقيته مستعجل

من دون اتأكد من دخل الحمام وإلا اسمع كطااااااااااااااااااخ واشوف ابوي يطلعلنا من الحمام ويصرخ مو ذي قلة ادب ومسكنا انا وولد خالتي وربطنا وضربنا ضرب وما خلانا نسير العيود ولد خاالتي تعقد مني !!! لكن الحين عقلت

======
شكر خاص لاخواتي العزيزات
خوخة - نعنوعه - جوهرة السلطنة
======

[ملكة الوجدان]

هلا بشهوووووووووووووووودة:مفت� �:

[ّ~~ سليل المجد ~~ّ]

أرسل أصلا بواسطة شهوووودة

احم احم

بس إقتبستي ردووووووووود هاذوووووووووووول ، كيه حتى نحن لنا مشاركاااااااااات وذكرنا مثلها ّّّ

[سجين ذكرياتي]

إنزين وبعدين؟!

[شهوووودة]

أرسل أصلا بواسطة سجين السهر

بس إقتبستي ردووووووووود هاذوووووووووووول ، كيه حتى نحن لنا مشاركاااااااااات وذكرنا مثلها ّّّ

هلا انا ما اقتبست كلامهم انا سالتهم بالبريد الخاص وهم ما قصروا ردوا ع سؤالي

[ڪٌْـٍبـٍَرٍيٍاْءِ رٌِوِْحٍِ]

مع السلامه

لي عودة شهودة .. غايت ضرب العيوش

[شهوووودة]

أرسل أصلا بواسطة أنت فين

إنزين وبعدين؟!

اسقوني من الغض لاه

[البــــــــاشق]

الله أكبر الله أكبر

تصفيق حاار لشهوودة على هالتميز

[مستر عبقور]

احسن شي لما تتذكر طفوولتك

[سجين ذكرياتي]

أرسل أصلا بواسطة شهوووودة

اسقوني من الغض لاه

نوبه ،،،غض ولا يابس هاهاهاي

[المندوب السامي]

إنسان مافيه بارض
(غنوز نبيل والسنارة )


في سنه من السنين .. كنا جالسين نصيد ف الشاطي (بالسنارة) .. أنا وكمين تتون سنايني (يعني مثل السن اللي أنا فيه) .. وكان هذيك الأيام البحر تارس أعشاب .. والسناره يوم تجيبها .. تحسبها صايده سمك .. وتحصلها تارسه عشب .. صابني كروب .. وتضايقت .. قلت برمي السناره بالعشب اللي فيها .. ويوم جيت أرميها .. بدل لا تروح السناره على قدام .. طشت في غنوز ( نبيل ) .. ود جيرانا .. وطبقت الإبره مال الصيد في غنوزه .. وجلست أسويله عملية بغيت أخوز هذاك المجدار من غنوزه ما طاع يخوز ( بالعكس جيت اكحلها عميتها غاصت زيادة ) .. ومن شفته جلس يصيح .. هربت .. وما رجعت البيت إلا بعد ما هدت الأمور .. وبالمره رحت فوق السطح .. وأسمع الناس يطريوا السالفة .. وإنه الوليد شلوه المستشفى يخوزها عنه .. وإنه هو الحين بخير والحمد لله .. برد فوادي .. لكن ما نزلت من السطح إلا بعد صلاة المغرب(هذاك الوقت عوين ما يضربوا فيه الصغيرين ) ما يجوز ههههه بس بدتني منازعه بس س ..

ما جيت عند ابويي أنا
ما يعرف لا صبح ولا ظهر ولا مغرب
ليل ونهار الخضريه تسوي مواويل فيدينه

[دعاء]

تسلمي شهودة ع الموضوع المتميز ..

[البــــــــاشق]

عااد نبي نعرف ذكرياات شهوودة .. يوم أول مره ركبت الطيااره

[فارس-صحار]

السلام عليكم

[مستر عبقور]

أرسل أصلا بواسطة دعاء

تسلمي شهودة ع الموضوع المتميز ..

مساء الخير
زين جيتي فرصه نتعرف على شقاوه دعاء !
عاش من شــافك !

[شهوووودة]

اقولكم شئ

[سجين ذكرياتي]

أرسل أصلا بواسطة شهوووودة

اقولكم شئ

مو تقولي باه

[شيفا المدمر]

أرسل أصلا بواسطة مستر عبقور

احسن شي لما تتذكر طفوولتك

مـوه نتـه السـعتر

[مستر عبقور]

أرسل أصلا بواسطة شيفا المدمر

مـوه نتـه السـعتر

حيــاك الغض ، اليوم ما بدني شي !

[شيفا المدمر]

أرسل أصلا بواسطة مستر عبقور

حيــاك الغض ، اليوم ما بدني شي !

من كـذاك جلـح وا حليلـه كمـا فانيلـة كوستاريكـا حـيت غيـر يوم يكـون عنـدك فانيلـة البرازيـل غيييـر

[شهوووودة]

أرسل أصلا بواسطة البــــــــاشق

الله أكبر الله أكبر

تصفيق حاار لشهوودة على هالتميز

حيووووووووووووووووه الباشق حيوووووووووه

[البــــــــاشق]

أرسل أصلا بواسطة شهوووودة

اقولكم شئ

الشيمة قوولي

[مستر عبقور]

أرسل أصلا بواسطة شيفا المدمر

من كـذاك جلـح وا حليلـه كمـا فانيلـة كوستاريكـا حـيت غيـر يوم يكـون عنـدك فانيلـة البرازيـل غيييـر

ترا اللعاب باردين ما يلعبوا بروح وطنيه كما منتخبنا ، ودام انه ما في روح وطنيه مابتحصل شي

[شهوووودة]

أرسل أصلا بواسطة أنت فين

نوبه ،،،غض ولا يابس هاهاهاي

هيه القاشع

البــــــــاشق

عااد نبي نعرف ذكرياات شهوودة .. يوم أول مره ركبت الطيااره

اول يوم ركبت الطيارة قمت اغني واصفق واضحك ع الحريم بو يتنافضن ومتشقبات بالكرسي

[شيفا المدمر]

أرسل أصلا بواسطة مستر عبقور

ترا اللعاب باردين ما يلعبوا بروح وطنيه كما منتخبنا ، وادم انه ما في روح وطنيه مابتحصل شي

عشـان كذا اللاعـب النـذل منهـم يطلـع و الطـيب يدخـل

يـاخي عـجبني مـرقهم عـذباوي والله مـوه قـال نغـزيه بـاكر مـرة ؟؟

[شهوووودة]

أرسل أصلا بواسطة مستر عبقور

حيــاك الغض ، اليوم ما بدني شي !

شيفا وعبقوووور خبرونا عن شقاوتكم ولو تشة هع هع هع

[Mr.Fox]

احب البر والمزيون احب البدو والاوطان
يسعد مساكم جميعا
شهووووده بو راس ياخي انتي ترتوب

[سجين ذكرياتي]

أرسل أصلا بواسطة شهوووودة

هيه القاشع

غبرني الباص

اول يوم ركبت الطيارة قمت اغني واصفق واضحك ع الحريم بو يتنافضن ومتشقبات بالكرسي

[مستر عبقور]

أرسل أصلا بواسطة شيفا المدمر

عشـان كذا اللاعـب النـذل منهـم يطلـع و الطـيب يدخـل

يـاخي عـجبني مـرقهم عـذباوي والله مـوه قـال نغـزيه بـاكر مـرة ؟؟

تــرا كـل شـي بحسـابه لاه
حمـاس بصراحه اوين انا ما باغي اتغدا ويوم شفت ذاك السمك يترقص قامت تحتك يدي

يالله بـاه غدا حيـاكم