محتاجة مساعدة - محتارة

[سلطانة زماني]

زوج صديقتي كان يشتغل في شركة بترولية وكان معاشه احيانا يوصل الالف ريال قرر انه يستقر ويشتري بيت عن طريق بنك الاسكان واخذ سلفية غيرها واشترى سيارة كاش له ولزوجتهحتى تقدر تروح فيها الدوام وهو مو موجود لانه يشتغل في الصحراء لأسابيع ، المشكلة ان الشركة انتهى عقدها في عمان وسرحت كل موظفيها وظل زوجها يدور عمل بنفس وظيفته السابقة وما لقى ظل على هالحال أكثر من 6 أشهر والزوجة هي اللي تصرف وتدفع الأجار لين ما تتعدل الاحوال ، بس ما تعدلت الاحوال حصل الزوج وظيفة مندوب بمعاش قدره 380 ريال و 80 ريال هاذي لان الشركة تستخدم سيارته لين ما تجيب سيارات جديدة على قولهم.

المهم الزوج صارت عليه متأخرات وهالمعاش يقسمه بالنص بين البنكين وكل بنك يبي زيادة من الاقساط واحيانا كله ، رسل لهم رسالة تقدير راتب حتى يخفضوا عنه الأقساط بس رفضوا انهم يساعدوه المسكين يتعب ويكد طول اليوم ولا يحصل بيسة وحده من هالمعاش له ولزوجته وعياله.

انا حابه أسأل هل يقدر الزوج يقدم شكوى أو بلاغ على البنكين في المحكمة حتى يخففوا عنه القسط ويقدروا يقسموا هالمعاش بين هالبنكين وبينه ؟

اتمنى الرد ؟ صديقتي دائما تسألني أسئلة وااااايد عن هالشي وانا بصراحة مب ملمة بالامور القانونية

ساعدوهااا!!!