اشيروني لو سمحتوا. أرقام ليست ملكي ولكن بأسمي.

[ابن الهنائي]

بسم الله.

عندي مشكله وحبيت استشارتكم حتى لا اقع في حرام.



الموضوع:
انا كان عندي ارقام نورس وبعتهن لاشخاص وتنازلت في النورس لهم.
ولكن وبعد مضي اكثر من سنه تفاجأت ان 4 أرقام ما زالن باسمي.
وبعد الاستفسار في النورس قالوا لي ان الارقام باسمي وما يعرف ليش ما تحولن.

فقلت ماشي غير اتصل بنفس الارقام والي يرد علي اقوله يلاقيني عشان اسجل الرقم باسمه..
ولكن.... الارقام تتعذر طيله اسبوع كامل وانا احاول اتصل بس الارقام تتعذر..

والحين انا ما اريد اخليهن باسمي عشان ما تصير مشاكل..
فطلعت بدل فاقد... لاني قلت في نفسي يمكن هم فقدوهن وما قدروا يطلعوا بدل فاقد والدليل ان واحد من الارقام انقطع وراح لشخص آخر.

الحين انا عندي بطايق بدل فاقد. وما اعرف شو اسويبهن هل ابيعهن مره اخرى او شو اسوي بالضبط؟
فأيش الحل؟؟؟




ارجوا المساعده
وهذا يعتبر اعلان حال اصحابهن..

[ابن الهنائي]

للرفع

[مشارق الأنوار]

قانونيا هي لك مادامت باسمك ولك خيار البيع
ننتظر أهل القانون

[إدو الزعابي]

هو احسن لو تخليهن مفتوحات علشان يمكن يتصلو فيك اللي كانو يستخدموهن وخبرهم بالموضوع كله ..
وعاد شوفهم اذا يريدوهن بشرط انك تسوي تنازل..
بالتوفيق..

[غني بدون فلوس]

أرسللهم رسائل نصية تخاطبهم فيها عن الوضع

[سمو التواضع]

نصيحتي لك اخوي اذا ما تعرف من اللي يستخدمهم الحين روح واقطعهم من الشركه الام بنفسك ولا بتروح فيها تراه مالعبه هالاشياء حرك نفسك اخوي

[الفارس80]

حاول تتوصل لأصحابهن الي شروهن عنك وتبري ذمتك... دمت بود

[ما ابيع]

هل يوجد عندك ما يثبت قيامك ببيعهن لاشخاص اخرين
ادا كانت اجابتك بنعم فلا تشغل بالك
اما ادا لا فدهب واغلقهن وتصدق بلمبلغ

[شارع الريس]

أنا بصراحه أعتبر هذه سرقه ولا ليش تطلع أرقام ما عادت ملكك ولو كانت بإسمك!!!!!!

[شروق وغروب]

أنا نفس الشي توجد ارقام بإسمي من فتره ورحت ابدلهم بس الشركه ما وافقت بسبب قانون الاتصالات الي نزل يمنع التنازل للارقام الخاصه الا للأقارب الدرجه الاولى .
صعب أطلع بدل فاقد بس اذا صارت لي اي مشكله من خلال اي رقم راح اقطعه مباشرة .

[قمرية الروح]

عن نفسي انصحك لا تبيعهم عشان لا ترجع لنفس البدايه وتتوهج
احسن شي تتجه الى الشركة وتعمل الاجراءات المطلوبه والاكيدة لابطال الارقام فعلا او انه ترميهن بعد قصهن قطع صغيره ضمان لا حد يحصلها ويرجع يستخدمها

الاخت شارع الريس
أنا بصراحه أعتبر هذه سرقه ولا ليش تطلع أرقام ما عادت ملكك ولو كانت بإسمك!!!!!!

هالشي من حقه الشخص اللي مستخدم شريحة باسم غيره لو محافظه على حق غيره صح كان انتبه وبادر هو الى نقل الاسم باسمه اقله استاذن وعلمه
اكرهه هالاسلوب وين احترام حقوق الغير هالشي من تعاليمنا الاسلاميه

[رياح جنوبية]

ياأخي أنته أقطعهم لأنه من الناحية الشرعية أنته بعتهم ولكن من الناحية القانونية هم بأسمك .... أعمل لهم قطع مؤقت مع ترك ملاحظة عند موظف الأتصالات يحطها بملفك على الكمبيوتر أنه في حالة ورود أية أستفسارات من أي شخص أن يتصلوا على رقمك الحالي

[مراقب مالي]

أنتظر يمكن يتصلوا

[طموحي غير]

إذا حد اتصل بك أو أرسل لك مسج تواصل معه