تحذيير للبنات هناك طرق يستخدمها الشباب للضحك على عقول البنات...موضوع مهم وخاص للبنات

[شهربان]

الطرق اللي يستخدمها الشباب للضحك على عقول البنات عسى أن نجمع بعد ذلك مادة مفيدة خاصة للبنات المراهقات والمغفلات... وأنا ببدأ في الفضفضة

اولا يا بنات ما كل شاب هدفه يشهر بالبنات ويسجل أصواتهم وياخذ صورهم .. في نوع خلينا نسميه (مستكشف) .. يعني يريد يتسلى ساعة .. أو يجرب شي جديد ..فيتعرف على بنت ويمثل انه يريدها ويخلي الموجة تاخذه (يعيش الدور).. وهذا النوع خطير .. لأنه يمكن يحب .. لكن حبه من دون هدف .. يلعب بعواطفه عادي .. وساعة الجد (اذا توهق) يدوس عليها ولا كأنها صارت ..

ثانيا حجج الشباب كلها متشابهة ... وهذي أشدد عليها لأنها بتنفعنا في كل المشاكل التي تعرض في قسمنا هذا .. يعني الواحد يتعرف على البنت .. ويعيش قصة الحب .. وتكون كللل الحياة وردية .. بعد ما تطلع سالفة الخطبة .. تطلع العراقيل .. وخذولكم لفه في المواضيع .
.و الأعذار هي :
ماعندي فلوس أتزوج << واذا ماعندك فلوس ليش داز ويهك تتعرف
أهلي مايزوجو خارج العائلة << عيل ليش تتعرف على وحده من برا العايلة
أنا (جنسيتي ، عايلتي ، قبيلتي ، مدينتي ، أصلي ..الخ ) ما يتناسبو مع اهلك وأخاف يرفضوني <<< لااااا واللــه الحين تذكرت

انتي (جنسيتك ، عايلتك، قبيلتك، مدينتك ، أصلك .. الخ ) ما يتناسبو مع أهلي وأخاف اهلي يرفضوك << صباح الخير الحين انتبهت
انتظري لين ما اخلص دراستي
انتظري لين احصل شغل
ابوي مريض ، امي مريضة
أنا مديون
صار حدث مفاجأ في بيتنا ومضطر أأجل (موت أو حريق أو مشاكل عائلية)لاحظوا ان كل الاعذار هي مشاكل مؤقته علشان البنت تقول ماعليه بصبر لين ماتخلص المشكلة (ماعليه سنة أو سنتين)

ثالثا كل الأعذار اللي تنقال للبنت ما يتبعها كلمات مثل خلينا نقطع ، أو شوفي نصيبك .. لااا .. تتبعها كلمات مثل انا تعلقت فيك .. أنا متمسك فييك .. علشان العلاقة تطول أكثر وأكثر .. طبعا لييين ما يمل منك أو يحصل غيرك
ويبدأ الفصل الثاني من الأعذار مثل :
اكتشفت ان اهلي متكلمين مع ناس وخاطبيلي بنت
طلع فيني مرض
أنا متزوج ... وهكذا
لاحظو كلها مشاكل مالها حل .. حتى لو حاولتي تحليها ماراح يقتنع بأي واحد فيهم .. مع انها في الغالب مشاكل تاااافهة وسهلة تنحل بس بتحصليه يعقدها وهي ماتسوى .. وانتبهي انك بتحصلي نفسك انتي الوحيدة اللي تحاول تحل السالفة لا وتحاولي تخففي عليه همه بعد
رابعا كثيييير نسمع سالفة ان انتي زوجتي خلاص .. وهذي العبارة مايقولها الا الانسان اللي اصلا مايريد يتزوج بالضرورة .. عشان كذا يكون حريص على انه يستمتع بالعلاقه قبل ما تصير شرعية
خامسا :سالفة كلمني بأدب وأخلاق .. وما قل أدبه .. وهذا الأسلوب كثير يغري البنات .. وكثييييير اسمعه في المنتدى ... حبيبتي الدنيا تغيرت .. يعني الحين الشاب لما يتعرف مايريد يكلم وحده نابية بأسلوب حقير .. واذا كان يريد هالنوع فالدنيا صار فيها تكنلوجيا وتطور في التشات .. لكن الشاب يريد الأسلوب الراقي والسوالف اللي تفتح النفس ويحس انه متزوج أو خاطب من غير مايضطر انه يخطب أو يتزوج ... فهمتوا؟؟ فتحن عقولكم الله يهديكن
سادسا في شباب تجرأوا على دخول بيوت الناس والتعرف على الأب والإخوان علشان تطمئن البنت ويوهمها انه شهم يحليله ..
سابعا في بعض البنات بيلاحظوا انه في البداية الشاب بيتصل من تيلفونه وايد ويعبي بطاقات بالهبل .. لا وبيشحنلها رصيد الرجل الشهم الكريم ، بس بعدها بيلاحظوا البنات ان هم اللي يتصلوا ويصرفوا بطاقات وفواتير على الشاب والحجج فهذا المجال واااااااااااااااااايد .. مثل خلص رصيدي ، و وماعندي فلوس لاني ما اشتغل ووووووووووووو هذي الحجج وايده .. وانتي بتصرفي اللي حولج ودونج وهو متنعم بالصوت الحلو والكلام العذب
في شي قهر ... انقهر من وحده تقول .. قالي انا ما اعرفج بسسس عجبني اسلوبك فقررت اتزوجك خبريني شو اسمك بالكامل... هذي ودي اذبحها قبل ما اذبحه هو .. يعني بالله عليك حد يحب وحده ويقرر يتزوجها من خلال كلمه ولا من أول مره شافها فيها .. ليش هو بيسلق بيضه .. وين الأهل وين الإجراءات الطويلة للزواج .. لا ويطينها ويقول لها انا اصلا مب جاهز للزواج .. وهي تصدق .. هذا الشي شاااااااااائع جدا جدا فانتبهوا يا بنات
هذا اللي خطر على بالي الحين مع ان الكلام وايد .. وكله كلام متكرر في كل العلاقات الفاشلة ..

يا بنات .. المشكلة ان كل بنت تحب تسكت وتخفي الموضوع علشان كيه محد يعرف عن القصص الملفقة
يابنات تذكرن .. واحد + واحد= اثنين .. كل الناس تخضع لهذي القاعدة ومحد شاذ عنها
لا تقوليلي ظروفه غير ولا تقوليلي خرابيط كله كلام في كلام

ونصييييييييييحه اذا وحده اكتشفت ان حبيبها المزعوم من هذا النوع تقلع السالفة من جذورها من هذي اللحظه .. لا تخافي من شي الا من الله تعالى .. وتأكدي انك بتكوني أسعد انسانة فالدنيا وبتلذذي بشعور طرد طفيلي من حياتك

الطريقة الوحيدة للزواج بأي امرأة خطبتها من اهلها وبس .. لو كان حافي منتف على باب الله .. بيخطبك .. لو كنتي تكرهينه بيخطبك عناد فيك .. لو كان اهلك يكرهونه بيجيب 20 واحد يتوسطوله .. بتسمعي الناس تقول ليش ماشي فالدنيا غيرها؟؟ .. اذا قرر انه يكلمك بيحط وسيط وحده من خواته .. واذا ماحط وحده من خواته وكان متهور بيكلمك مره وحده بسس وبعدها بيخطبج .. تعرفي ليش لأنه بيخاااااف انك تفهمينه غلط ويخترب تخطيطه للزواج منك

منقووول للفائده عشان بنات حواء ياخذن حذرهن

[ولد المعبيلة]

التحذير اتى به القرآن الكريم :
" وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ " (النور، 31) صدق الله العظيم

بمعنى اصح التربية بالأخلاق الإسلامية هي الحل .. شكرا

[AA222]

ماااااااااااااا عندهم اسلوب عبالهم رجاحيل بسوالفهم الخاااااايسه

[شربثـات]

مموضوع ممتاز تشكرين على النقل التحذيري

المشكله بعض البنات وخاصة المراهقات تغلب عليهن صفة العاطفه بمجرد مايقول لها احبك خلاص تصدق الكلام
حشى موه هذا الحب بوه يجي في ثواني

[سمو الأمير محمد]

استغرب من مواضيعك عن البنات وكأن البنات قليلات عقل وما الاحظه إن البنات اذكى من الشباب

[الناصرالعربي0000]

الي يتلسع من الشوربه ينفخ ف الزبادي
... الله يعينكم يالبنات لان الشباب صدج مشكلجيه وكذابين وخصوصا هنيه ف السبله ياربي ما اكثرهم

[amool]

الله يعطيكـ العافيه علے هذا الموضوع

[شربثـات]

أرسل أصلا بواسطة سمو الأمير محمد

استغرب من مواضيعك عن البنات وكأن البنات قليلات عقل وما الاحظه إن البنات اذكى من الشباب

صح ان كيد النساء عظيم بس نلاحظ انه الشاب هو اللى يبدأ وعاد هى بسرعه ينقص عليها

[سندس الريامي]

أرسل أصلا بواسطة الناصرالعربي0000

الي يتلسع من الشوربه ينفخ ف الزبادي
... الله يعينكم يالبنات لان الشباب صدج مشكلجيه وكذابين وخصوصا هنيه ف السبله ياربي ما اكثرهم

يا سلام حلو المثل

[شربثـات]

أرسل أصلا بواسطة الناصرالعربي0000

الي يتلسع من الشوربه ينفخ ف الزبادي
... الله يعينكم يالبنات لان الشباب صدج مشكلجيه وكذابين وخصوصا هنيه ف السبله ياربي ما اكثرهم

ياربي واجدين مثل ماقلت وخاصة في السبله والاعضاء اللى يكون خاطر مايشاركو بس يدخلو على الخاص ويراسلو البنات يريدو يتعرفو عليهن ..عوين انا معجب بمواضيعك ههههه ياخي قديمه على من تقص يابابا

[دموع ليلية]

تسلم...........

[$$الامبراطور$$]

الغلط من البنت ليش سمحت لنفسها تتعرف ع شاب ما تعرفه ولا يصيرلها

وانا اقول للاولاد زيدوهن عشان يتأدبن ما يخونن اهلهن

[شهربان]

أرسل أصلا بواسطة سمو الأمير محمد

استغرب من مواضيعك عن البنات وكأن البنات قليلات عقل وما الاحظه إن البنات اذكى من الشباب

انا نزلت الموضوع للتحذير لأنه هناك بجد فيه بنات قليلات العقل وبسرعه ينقص عليهن

[سمو الأمير محمد]

أرسل أصلا بواسطة أبلة عطيات

صح ان كيد النساء عظيم بس نلاحظ انه الشاب هو اللى يبدأ وعاد هى بسرعه ينقص عليها

الشخص وظميره وكل بنت تحب الستر وتتمنى تستقر وتتزوج من الشخص إلا تتمناه شريك حياتها
وهذه يعتمد على الطرف الاخر والبنت صاحبة الستر لاتعلم مايخفيه الشاب هل يتمانها كزوجه ام فقط مواعيد غراميه وطلعات وفي النهاية كل واحد بطريق .

[الناصرالعربي0000]

أرسل أصلا بواسطة أبلة عطيات

مموضوع ممتاز تشكرين على النقل التحذيري

المشكله بعض البنات وخاصة المراهقات تغلب عليهن صفة العاطفه بمجرد مايقول لها احبك خلاص تصدق الكلام
حشى موه هذا الحب بوه يجي في ثواني

... نستخلص من هذه العباره عدة نقاط مهمه
1/ ابله عطيات ذكيه جدا
2/ البنات المراهقات اكثر عرضه للحب
3/ الحب لا يأتي في ثواني
4/ ابله عطيات سكر نبات

[Mr.freedom]

بو باية حال عمرها تستحق أكثر ...

[شهربان]

أرسل أصلا بواسطة الناصرالعربي0000

... نستخلص من هذه العباره عدة نقاط مهمه
1/ ابله عطيات ذكيه جدا
2/ البنات المراهقات اكثر عرضه للحب
3/ الحب لا يأتي في ثواني
4/ ابله عطيات سكر نبات

ههههههههههههههههه
صاير محلل نفسي

[سمو الأمير محمد]

أرسل أصلا بواسطة شهربان

انا نزلت الموضوع للتحذير لأنه هناك بجد فيه بنات قليلات العقل وبسرعه ينقص عليهن

لست معاك في هذه العبارة قليلات عقل ولماذا ايضا الشاب لايكون قليل عقل عندما تنعكس المعادلة

[فخر الخليج]

يسلموووووووو


ماشي غير يدق الباب ولا يتسحك من ورا الدرايش ومن فوق الجدران ماحاله شيء عندنا

[شربثـات]

أرسل أصلا بواسطة الناصرالعربي0000

... نستخلص من هذه العباره عدة نقاط مهمه
1/ ابله عطيات ذكيه جدا
2/ البنات المراهقات اكثر عرضه للحب
3/ الحب لا يأتي في ثواني
4/ ابله عطيات سكر نبات

اقول انت تشتغل في ابراج الحظ
ماشاء الله كشفت شخصيتى وحللتها مره

[شربثـات]

أرسل أصلا بواسطة فخر الخليج

يسلموووووووو


ماشي غير يدق الباب ولا يتسحك من ورا الدرايش ومن فوق الجدران ما عنده حالنا شيء

موه قالو لك سحليه ولا لغه هههه هااهاهاها

[فخر الخليج]

موه قالو لك سحليه ولا لغه هههه هااهاهاها

لبر يزيدوهم بعده

[الناصرالعربي0000]

أرسل أصلا بواسطة شهربان

ههههههههههههههههه
صاير محلل نفسي

... شو نسوي اسلوب يديد ف المغازل
... مب احسن بدل ما ارسل لها ع الخاص واجولها اسلوبك حلو وردودك حلوه ومن هالكلام
.. جذيه اخليها هي الي ترسلي ع الخاص وتجولي ردودك حلوه

[شهربان]

أرسل أصلا بواسطة فخر الخليج

لبر يزيدوهم بعده

عجب غابو

[عيون الشوق]

بارك الله فيك اختي شهربان على هذه الدرر الجميلة
وجعل الله هذا العمل في ميزان حسناتك

وستر الله علينا وعلى جميع اخواتنا في الله....

[سيح العلا]

موضوع يستحق 5 نجوم شكرا لك والله يهدى الشباب والبنات ويسهل عليهم الزواج ان شاء الله

[شربثـات]

أرسل أصلا بواسطة الناصرالعربي0000

... شو نسوي اسلوب يديد ف المغازل
... مب احسن بدل ما ارسل لها ع الخاص واجولها اسلوبك حلو وردودك حلوه ومن هالكلام
.. جذيه اخليها هي الي ترسلي ع الخاص وتجولي ردودك حلوه

أبوي شهربان ضيفي هذه النقطه في موضوعك تراها نقطه جديده اول مره نسمعها..تحذيييير يابنات

[عمانية"]

أرسل أصلا بواسطة الناصرالعربي0000

الي يتلسع من الشوربه ينفخ ف الزبادي
... الله يعينكم يالبنات لان الشباب صدج مشكلجيه وكذابين وخصوصا هنيه ف السبله ياربي ما اكثرهم

اول مره اسمع هالمثل.... من وين جبته ؟؟؟؟
الاعتراف بالحق فضيله ... وش غير... من الصفات تملكون ...؟؟؟؟؟؟؟

[حكاية حياه]

أرسل أصلا بواسطة سمو الأمير محمد

استغرب من مواضيعك عن البنات وكأن البنات قليلات عقل وما الاحظه إن البنات اذكى من الشباب

صدقك نعم إنا حنوه أذكى عنكم

[الناصرالعربي0000]

أرسل أصلا بواسطة أبلة عطيات

اقول انت تشتغل في ابراج الحظ
ماشاء الله كشفت شخصيتى وحللتها مره

... رد تعبان يا ابله عطيات

... ليش ابراج الحظ طالبين موظفين
... تصدجي انا فكرت دمك خفيف اول عشان جيه رديت عليك
... طلعتي ابلة عطيات صدج