منتجات تخسيس...وتبيض..وحتى تلقيح

[قلبي عماني]

صباحكم ود...


طبعا الموضوع مبين من عنوانه..كثرة ف الاونه الاخيره الترويج لمنتجات غريبه وعجيبه
للتخسيس..التبيض..وحتى التلقيح..منتجات تلف بلدنا لف...من خلال مندوبيها او مروجيها
فتيات يدخلن البيوت من اوسع ابوابها...لا حسيب ولا رقيب..تجلس تتكلم مع ربت البيت ساعه
وربه البيت ما تفهم غير الكلمه الاخيره (خفض الوزن)...بدون ما تعرف مضاعفات استخدام هالادويه
اللي يقولوا انها عشبيه( وهذه الكلمه السحريه اللي يستخدموها للجذب لمنتجاتهم),,,ناس تاخذ هالادويه ما تعرف غير طريقة استخدامها..اما العمليه اللي تعمل من خلالها هالادويه...ومضاعفاتها محد يسال عنها
وف الغالب الاجابه تكون ..مالها مضاعفات...مافي دواء ف العالم ماله مضاعفات...ابداً...
كل شي ف الحياه يحمل الضدين..الضر والمنفعه...لكن احيانا تكون مضاعفات هالادويه اكثر من فوائدها..والناس مثل المستجير من النار بالرمضاء..ليش ماشي رقابه
ع هالناس اللي تروج لهالمنتجات
بتقولو ان الدوله حاطه مراقبين ..والصحه تشرف ع هالادويه..طيب المستهلك اللي هو يستخدم هالادويه...هو ما يعرف انها تصلح له يستخدمها او لا ..لان احيانا هالمنتجات تاثر ع القلب الكلى الكبد
وغيرها,,وناس تصاب بجلطات وفشل كلوي..وتليف ف الكبد من خلال الاستخدام السئ لبعض الادويه
بدون استشارة طبيب مختص.

نتمنى وقف دوريات هالمروجات عن بيوت الناس..خلصنا من الشحاتات يجن المروجات بعد؟؟
احيانا يروحن لمناطق بعييييييييييييده عن مسقط ومناطق عدد سكانها ما يتعدى الالف ليش
عشان يغسلو مخهم بهالكلام اللى ما منه فايده ..نتمنى التثقيف بمخاطر هالمنتجات.من خلا ل النشرات الاعلاميه...المسموعه والمرئيه والمقروووووووووءه.

( والاخيره هذي عاد ما مقصره هناك صحف بس هدفها الاعلان عن هالمنتجات والمصلحه متبادله طبعا بينها وبين هالمنتجات)