مشكلتي الضحك والنوم .... لا تستغربون اريد حلا ؟؟؟

[شهوووودة]

عندي مشكلة واتمنى تجدون لي الحل اني عندي مشكلة الضحك نعم لا تستغربون ناس تتمنى تضحك لكن انا اضحك في اوقات حرجة لما اشوف واحد معصب علي ويصرخ من فؤاده امسك ضحكتي بقوووة ولما يروح اضحك وبعدها اضرب غم واعصب او اصيح و لما احد من صديقاتي تعاتبني في التلفون لتقصير او للتطنيشي لها اضحك ويزعلن ,, وإذا شفت وحدة تصيح وتشهق اضحك واكشخ ضروسي والف وجهي عنها عن تكفخني ولما تخالفني الشرطة اكشخ ضروسي ويجي ع بالهم انا هامورية عندي فلوس ما يهمني المخالفات ومن داخلي فيني غم وديون ؟؟ وفي السفر اكتشفت اني لما اروح الملاهي واركب لعبة تخوف مثل قطار الموت تشوفوني اضحك بقوة
والناس تصفق لي ع بالهم شجاعة ومن هناك ميته من الخوف وقلبي طايح ع الارض ؟؟

ومن هنا استنتجدت اني يوم افزع اضحك ويوم اعصب اضحك وقبل عن ابكي اضحك هل يوجد احد هنا يفسر لي هل حالتي طبيعية ام نفسية ؟؟ جد ما امزح ؟؟

وعندي مشكلة ثانية وهو ( النوم المفاجئ ) مثلا بليل فقط اذا حاسة اني نعسانة واختي تسولف معي بس تلتفت صوب ثاني دقيقة وبعدها ترجع تكمل السالفة تشوفني اشخر خ خ خ خ وتعصب إذا حد يسالني ارد عليه والسؤال الثاني خ خ خ خ خ انام بدون حس وكلهم يتضايقون مني ويحسدوني يقولون ما شاله هم من الدنيا وتنامي تغمري بسرعة من دون سابق انذار حتى يخافو يعطوني اسوق سيارة فخطوط بليل هل هذا النوم طبيعي اللي اعرفه اللي يريد ينام ينعس ويتثاوب ويتقلب ويفكر ويخطط بعدين ينخمد .. واما انا مااااا عندي خاب وطاب على طوووووووول طراااااخ انام !!!!!!
هل هذا الامر طبيعي ؟؟

ولكم مني جزيل الشكر