قصتي مع مواطن خليجي---افيدوني ف الموضوع

[الفتى المهاجر]

السلام عليكم
هذي المشاركة الاولى في هذا المنتدى----
قصتي كالتالي:
كنت طالع من الجامعة بعد صلاة المغرب وتوجهت الى مبنى الطيران العماني علشان التجي بزميلي---توقفت عند محطة البترول الي خلف الجسر مقابل مطار مسقط --طبعا هناك اكثر من مكينة مال السحب حق الفلوس---نزلت اسحب فلوس من البنك-فجاة حصلت شخص بلبس خليجي وطبعا سيارته رقم الامارات----كل الناس تسحب فلوس وبالدور---بعدين نزلت من سيارتي ورحت اسحب من البنك---
طبعا خلصت ساحب فلوس وفجاة اشوف الرجال الخليجي( لابس عقال وغترة حمرا) يطلب مني اساعده كيف يستفسر عن رصيده من البنك وطبعا هو عنده بطاقة مال البنك امارتي---طبعا توقف الدور وجلست اخبره ----ف النهاية ما رضى البنك يعطيني الرصيد بالرغم انه بطاقته اشتغلت---يمكن بدون رصيد والله اعلم---
المهم انا روحت صوب سيارتي وتبعني الرجال
-
-
قلت له تفضل خير--
جلس يحكي لي انه جاي مسافر وهو اصله اماراتي ---طلب مني مبالغ مالية علشان يواصل طريقه الى الامارات--

طبعا انا استغربت وجلت معقوووووووولة اماراتي يفلس---
المهم كنت اريد اساعده ولكن كان رصيدي تقريبا 40 ريال---وبعدين جلت له اني رصيدي 40 ريال وانا طالب ف الجامعة وطلعت له البطاقة الجامعية---
ع العموم قال اريد 150 درهم حق الشارع---
وجلس يقولي خشمك ويسالني عن القبيلة
--اتصلت بزميلي واستشرته ف الموضوع---
خبرته انه زميلي بيجي الحين وبندبر لك مبلغ---
قال لي امشي بالسيارة وانا راح امشي وراك بالسيارة الين زميلك---
الرجال شباب مثلنا ولكن تسائل هل هو صدق امارتي ولا -----------------
المهم هو راح دورة المياه وانا استغليت الفرصة وهربت بسيارتي--
بعدين جلست انسائل هل انا غلطان والمفروض اساعده -----

ليش ما سال بقية الناس الي ينتظروا على مكينة السحب وطلب مني خصيصا بالرغم انه متوجد بسيارته قبل من اوصل انا----
افيدوني ف الموضوع جزاكم الله خيرا

سبحان الله وبحمده ----سبحان الله العظيم