يا ليتني قوطي

[سمسووووم]

هلا..
بدون مقدمات طويلة..
أمس شفت وحدة من الغراشيب تشرب شاني.. وتخيلت نفسي مكان هذاك القوطي ..
ونزلت القريحة وكتبت هالبيتين ..

قال يقول..

يا ليتني في قبضة الزين قوطي ***** يزهو على كل الأزاهير لونه
أسخن إذا يطلع يهيم ويحوطي ***** وأبرد إذا لامست يده بليونه
وألمس شفاته لين أشعر بشوطي***** وأحمّر بخده.. وأبرّد متونه
خلي يحاذر وين يمشي ويوطي ***** رشاش إذا صوب بشلّة عيونه
يلعب على كيفه بكل الخطوطي ***** يقدر يفوز ولو على برشلونه
يا ليتني قوطي بلا أي شروطي ***** ماحد من العالم شراته يبونه
حالي بلا شوفته دوم بهبوطي ***** كني سهم في سوق يتبايعونه
وإذا نظرلي راح عني سقوطي ***** أنش كالنيسان.. وأقول عونه
يا ليتني في طاولته محطوطي ***** مليان إذا شفته.. وفاضي بدونه
يا من يدور خردة الحب نوطي ***** احبك ف قلبك واجب انك تصونه
الحب متشربك .. كثير الخيوطي ***** حذرك تبيع الحب وللا تخونه
خليك مثلي.. تحلم تكون قوطي ***** لو كنت "شاني" في يديه الحنونه..


وسوالم
غريم الشوق -سمسووووم-