تنبيه هام للجميع بعدم التعامل مع الاوائل للمطابخ وحسام للمطابخ

[دانيه]

القصه تبدأ عندما وقعنا العقد من حوالي سنه ونصف مع المدعو هيثم وهو من الجنسيه المصريه في

محل الاوائل للمطابخ . قام و يألف لينا قصه نحنا شركه لنا سمعتنا وعندنا 3 افرع في مسقط

وافرع في كل الخليج والخامات اللي عندنا خامات المانيه وغير متوفره في جميع المحلات ومطابخ

كلاسيكيه وضمان سنه واحنا عاملين تخفيضات يالله تعالو نوقع العقد بسرعه قبل لا ينتهي العرض

اللي عندنا . واحنا مساكين صدقناه قمنا ودفعنا دفعه مقدمه ووقعنا العقد يوم وقعنا العقد .شفنا في حالة

الغاء العقد لا يتم ترجيع المبلغ.. المهم كل ما نتصل في هيثم يقول مريض وبعدين تم ما يرد علينا لكن

لما نتصل فيه من رقم ثاني يرد وكل مره يكذب يقول خلاص نحنا شغاليين في المطابخ وهي متأطعه

كله كذب في كذب لا شغالين ولا شي . وبعدين تم يغلق النقال ماله علشان ماحد يتصل فيه وتمين على

هذي الحاله فتره طويله كلما نروح المحل ما نشوفه نشوف واحد عماني ونشوف واحد من الجنسيه

المصريه اسمه احمد كل واحد يقول شي احد يقول المطابخ جاهزه بس المسأله هي مسألة التركيب

واحد يقول الاسبوع الجاي . كأنه رايحين نشحت عندهم ما كأنه دافعين نصف المبلغ .

المهم بعد صراع طويل معهم ومع الاداره مالهم اتصلو فينا لازم تدفعوا كل المبلغ قبل التركيب

دفعنا كل المبلغ جابوا المطابخ . الله لا رواكم مطابخ مالهم زفته وشغل نص بالنص كلها مخدشه

واالجرانيت بعد زفت كله مخدش وما مسحول عدل والحين صار لهم تقريباً شهر و10 وايام بعدهم

ما مخلصين كل يوم نتصل فيهم ما يردوا علينا ..

طلعوا كلهم نصابين ومحتالين كل الموظفين عندهم والاداره بعد وشغلهم مافي جوده بالمره

والسؤال اللي اريد اطرحه الآن هنا؟؟ من يحمينا من هؤلاء المحتالين والنصابين؟؟؟