أبا أتزوج أربع أربع ولا غيرهن أذا تبا تزوجوني ؟؟؟؟؟؟؟؟؟؟

[الزمن غدار]

المسكين صابر طول الدهر والناس تقوله أبو الشباب
ما تبا تتزوج ويا حليله يقولهم أنا عازف عن الزواج
وبعده يتقصد لها قصيد أنا فوادي تاب عن جميع البيض .
تو الحريم مستغربة منه ليش ولد شواخ ما يتزوج ويش ناقصنه
أمه تخيط ومعها فلوس وأبوه يخدم قفران ويبعنهن في الهبطة
.ونست شي بعده نوبه أمه تبيع هوش في الهبطة .
والحريم يوم يعصرن مع أمه تو ولدش ويش فيه ما يتزوج .
وهي تقول دوم نكلمه ويقول بعدني ما كونت نفسي .
تو ويش أذيه ما كونت نفسي . أنا ما أعرف كلام شباب هالأيام
أوين يقولوا كلام متطورين أوين .

هلكوه الله يهلكم من حد يشوفوه يقول تو أنت ليش
ما تزوج حتى نازعه الشايب مسعود وقاله أنت لو سار ما جالس
لين تو ما متزوج ولكن لايكون .........
تعب الرياااااااال أذيه ما حاله
يوم أيلس مع الشايب ينازعوه ليش ما تتزوج الحرمه زينه تجيب
لك عيال وكل شي والحريم تتطبخ لك عيش وكل شي الحريم تغلس لك ملابس
وكلشي تزوج ولدي تزوج .
عصب عليها وقال . تو أنتو تشوفوني أركض وراء حريمكم يوم هالكين
ومنها محد كلمه أبد أسميه ما قصر فيهم .

مسكين عوره فواده يلس يفكر لين أنا ما أتزوج ويش ناقصن
ويلس يفكر يوم جاء يرقد ومسكين ما رقد هذيك الليلة .
ويوم الصبح مشى وشل أبوه في كلمة رأس .
قال سمعني يالشايب أنا أعزمت أتزوج أذا ناوي تزوجني
فرح الشايب ورفع مصره لين طاح في السطح . زين يوم نزل من ظهرك أبليس .
ولدي قولي بنت من تبا وأنا تو أمشي لهم وأتقوه معه قهوة الصبح
والأسبوع الجاي ملكة أذا طاعوا
ولكن لايكون طايح فيك فارء وما يواقفوا عليك .ضحك المسكين .

والمسكين يتشوف على أبوه والشايب مستغرب ويش فيك كذا تشوفني .
قاله أبوي أنا أبا أتزوج أربع مرة وحده ودورهن لي وأنا ما أتزوج
الأ أربع وهذا أخر قرار نهائي .
تو الشايب مستغرب تو أذا من عقله لايكون فيك شي ولدي
ونهم شواخ تعالي ولدك جن علينا
ووشواخ مسكين بسم الله بسم الله ويش فيكم . ولدش أوين يبا يتزوج
أربع مرة وحده ؟

زين زوجوه حت عشر تراكم هلكتوه تتزوج تزووج لين جن الصبي .
ما عليك منهما أنا اخطب لك أربع ولاتسمع أبوك . وغمزت حال الشايب .
وقالت حال المسكين تعال من تبا أول وحده نخطبها ومن توافق نمشي حال الثانية .
قال أبا فلانه شلت عمرها العجوز وراحت ودهنت السير أول وخطبت النت
وجاءته ولدي البنت وافقت وأهلها وافقوا . قال يالله مشي حال الثانيه قالت .
ولدي حنا لازم نخلص من هذية وتعرس ومن تعرس
بنخطب لك الثانية .تو ما يستوي ولدي مو يقولوا عنا ومو تقول البنت أنت تزوج أذيه
والثانية والثالثة جايات وأنا امك .
المسكين سمع كلامها وعرس وقبل العرس مشيت الأم حال العروس
سمعي زوجك يبا يتزوج عليك وأنتي عاد حرة وأنا حذرتك أذا تركتيه يتغاني
وبقيت له فلوس تراه تزوج عليك وأنا حذرتك
والبنت قالت كذا ناوي أه يا ويله ويا ويل أمه معه .
وبعد شهرين جاءته أمه كيف ولدي نمشي نخطب لك الثاني .؟؟
وقال أمي تخطبي لي الثانيه ؟
أنااااااااااااااااااااااا اااااااااااااااااااا
























































أذيه وما أباها ....