تنظيف الاسنان واشعه للثه

[المتأمله]

ابي اطرح مشكله شفتها بمستشفات الشرقيه جنوب

لما اي حد يروح عيادة الاسنان ؟؟؟

الحديث طووويل يمكن ،، اللي يحب يعرف المعاناة بس واللي مايبي مايقرا
مستشفيات ولاية جعلان بوحسن ::: لايوجد اله للتنظيف الاسنان،،
مستشفيات ولاية الكامل والوافي ،، الدكتور مايجي غير يومي الاحد والثلاثاء فقط ،،، طرقنا الباب وكانت الساعه 11 صباحا ،، لااحد يجيب ، اين الدكتور لاندري ،،، سالت الممرضه هل دكتور الاسنان موجود اليوم ؟؟؟،، قالت ايوا بس اعتقد راح ،،قلت لها ترا بعده الدوام ماخلص ،، قالت ترا هذا مادكتورنا بس مستعيرينه ،،عيل بهالولايه ماشي دكتور اسنان خاص لها ،،ولاماتستحق ؟؟؟
انتظرنا الين فتح الدكتور الباب محد كان معاه مراجعين ماعرف شو كان يسوي يشرب قهوه ولا شو الله اعلم ،،المهم قلت له : دكتور ابي اسوي تنظيف ،،قال ماعندنا اله التنظيف هنا ،،طبعا فرح تخلص مني ،، زين دكتور ابي اعالج في عياده خاصه وطلبوا مني اشعه للثه ،، للاسف ماعندنا شريط لاشعه مخلص ،،لاحول ولاقوة الا بالله ،، شو العمل ؟؟؟.... روحي جعلان بوعلي
ولاية جعلان بني بوعلي :::: ذهبت الساعه 12 والنصف بحكم وظيفتي ،، حصلت الدكتور قلت له ابي اسوي تنظيف للاسنان ،، قال الحين الوقت متاخر مانسوي تنظيف فقط التنظيف من 7 الى 10 ؟؟؟... ابي افهم ليش ؟؟؟
زين دكتور ابي اعمل اشعه للثه ،،طلبت مني عيادة خاصه ،،، قال كل اللي يجي من العيادات الخاصه مانسوي لهم اشعات اصلا لانه المفروض العيادات الخاصه بنفسها تسوي لهم اشعه ،،زين ترا احنا نبي نسوي بفلوسنا عادي بس هم قالوا لنا نروح المستشفيات الحكوميه شو نعمل ؟؟.. اكيد ماعندهم اجهزة للاشعه ،،،
حتى اخي رايح يشلع بعياده خاصه قالوا له قبل هات اشعه من المستشفى ..شو العمل ؟؟؟

قال الدكتور ،، بالشرقيه جنوووووووووووب لايمكن اجراء اشعه للثه الا بصووووووووور فقط وحتى صور للاسف لا توجد اشرطه الاشعه ويمكن يمكن تجيهم بشهر 7 او بعد شهرين ،،، بس بصور ..؟؟
ياربي ،،ماشي طريقه غير ،، بصور فقط وبعد شهر او شهرين !!! بس اني مستعجله ..شو الحل دكتور \

ماشي حل غير انك تروحي تسوي اشعه بابرا الشرقيه شمال او مستشفى النهضه مسقط....

حرام والله هذي البهدله بجد ...
وين ممكن نسوي اشعه للثه ؟؟؟ لحاجتي لعمل تقويم لاسناني ... مايصير اعمل تقويم الا بعد هالاشعه ...