مثل بالمستشفى اتذكر اول ما ربيت بنتي قالوا لي لا تشربيها ماي لا تأكليها اي شيء اعتمدي على حليبك بس
هلكت واناارضع بالبنت ودايما تصيح جوعانة
لما قرب عمرها شهرين ما قدرت اواصل على هذاك الحال
استشرت امي وهيه قالت لي إذا تبيها تسكت تبعي شوري ولا تسويلي حركات الجامعيات مالش
بالرغم من انه امي بروحها جامعية
واستلمت البنت بوجبتين زايد الحليب الطبيعي
ومنها البنت سكتت وما عادت تعذبني وتنام وصحتها واصلت تتحسن
والدكتور في كل زيارة يمدح فيها وفي صحتها
الحريم زمن اول يأكلن عيالهم ويشربوهم من بعد الأربعين وعلى راسهم نحنه جيل اليوم
ولله الحمد كبرنا وتزوجنا وجبنا عيال وما صار لنا إلي يقولون عنه
هاليومين كل شيء صار مضر كل شيء صار خطير
ومن ملاحظاتي كطالبة بالمدرسة لما كنا ندرج جدول العناصر نقطة انه الزئبق سام وقاتل
واتذكر ايامها سئلت مدرستي ابلة كيف الزئبق سام وانا مشربيني اياه وانا صغيرة؟!
ما كان لمدرستي جواب معين
وكان من المتعارف عند العمانيين شرب الزئبق مع الليمون كسلاح يحميهم من السحرة
ليش جدودنا ما ماتوا متسممين بالزئيق عيل؟