عرض المشاركة وحيدة
  #1  
قديم 04/02/2011, 01:29 AM
صورة عضوية ولي عهد موسكو
ولي عهد موسكو ولي عهد موسكو غير متصل حالياً
خاطر
 
تاريخ الانضمام: 03/02/2011
الإقامة: قدام لابتوبي
الجنس: ذكر
المشاركات: 2
افتراضي انواع الطلبه ..؟ شوف انت من اي نوع ..

صبحكم الله بالخير للي عندهم صباح
ومساكم الله بالخير للي عندهم مسا

اخيرا انفعل حسابي


بما اني عضو جديد ومن عشاق قسم الترويح ف حبيت افتح مسيرتي بموضوع في قسم التروبح
هالموضوع اعتبروه عربون صداقه بيني وبينكم


--------------------------------------------

مما لا شك فيه ان مرحله الدراسه الجامعيه هي اصعب المراحل اللي يمر بها الشباب
صح انهم بعد التخرخ يبيعو بصل بس هذا ما يمنع انك تجتهد

ومن خلال تجربتي بالكليات حبيت اسوي هالاحصائيه ونشوف انواع الشباب بالكليات :


1- قسم المظلومين
الطلبه اللي بهالقسم هم اللي يذاكرون ويجتهدون ويكرفون كرف بس ما فيهم بركه
نظريتهم "السؤال بالازرق والجواب بالاسود""
يبدا الفصل الدراسي وكل واحد جايب له خمسين قلم.. الوان واشكال تحس انك بحصه رسم
يكتبون كل شي يقوله الاستاذ حتى السلام عليكم
ما عندهم غياب طول السنه
واذا شفت تفاعلهم ومشاركتهم بالكلاس تقول انهم شطار بس في اخر الفصل راسبين ؟؟!!





2 - قسم التمليق:
هالنوع يعتمد ع درجه التملق عند الاساتذه .. نظريتهم في الدراسه " اهم شي الاستاذ يعرفني "
الناس مخلصين المحاضره وسايرين بيتهم وهم تلقاهم من باب مكتب المدير لباب مكتب الاساتذه
يا شال لك شنطه الاستاذ ولا جايب له اكل
نتايجهم تعتمد ع حسب علاقتهم بالاساتذه والخدمات اللي يوفر لهم




3 قسم الرغود :
هالنوعيه من الطلاب نظريتهم "" طنش تعش تنتعش"
يمتازون بالفوضى والصراخ وخفه دم بالكلاس .. جالسين بالسطر الاخير من الكلاس
اذا جا الاستاذ يشرح يهزو رؤسهم يعني احنا مركزين معاك واذا راح الاستاذ دقوها سوالف
قبل الامتحانات يروحون عند قسم المظلومين وينقلو من عندهم البراشيم
واذا صار لهم مشكله مع الاساتذه .. يروحون عند قسم التمليق ويتوسطو بواحد من عندهم
نتايجهم تعتمد ع قوه عيونهم ايام الاختبارات





4 قسم الراسبين
هالنوع من الطلبه لا يكتبو ولا يشاركو ولا يسولفو ولا يتملقو ...
اول ما يبدا الفصل الدراسي وانته عارف انهم رسوب
نظريتهم بالدراسه " راسب يا قلبي راسب "
غالبا ما ينتهي مسيرتهم الدراسيه بالطرد من الكليه بسبب النتايج




5 قسم الشطار :
هالنوعيه من الطلبه نظريتهم بالدراسه " اقتلني بس لا تغش من عندي "
دايما دمهم ثقيل ومكروهين من قبل جميع الاقسام
قسم المظلومين يكرهوهم من باب الحسد
قسم التمليق يكرهوهم لانهم مسوين زحمه عند مكتب الاساتذه
قسم الرغود يكرهوهم لانهم ما يغششوهم
صحيح علاقاتهم صفر في الكليه بس نتايجهم فوق الممتازه



هالتصنيف انا حطيته من باب التجربه
يلا كل واحد يقولنا من اي نوع انت ؟؟؟

حقوق الطبع محفوظه لشركه ولي عهد موسكو وبناته
وانتهى موضوعي

همسه لاخواننا اليمنين : لا تخزنو القات ما زين لاسنانكم

آخر تحرير بواسطة ولي عهد موسكو : 04/02/2011 الساعة 01:35 AM