والله عشان خاطرك بـ رد عالموضوع
المان سيتي ما فاضي للإشاعات هذي
عنده جو هارت أحسن حارس شاب صاعد (مع دي خيّا حارس أتليتكو مدريد)
ليش يروح لحارس ويجان اللي فريقه قريب يرجع لمكانه الطبيعي بالدرجة الأدنى ؟
المان سيتي عنده شي جيفين وهذا أحسن من حارس ويجان بمراحل
جمهور الدوري الانجليزي يعرفوا زين من هو شي جيفين وما يحتاج أوصف كيف مستواه
بالعقل :
عندك حارس استقبلت شباكه 22 هدف
ليش تروح لحارس استقبلت شباكه 41 هدف و الحين مركزهم قبل الأخير ؟
انا عارف انه بيجيني حد و يقول ان أول مباراتين ويجان خسر مع حارس ثاني غير عن المذكور بالموضوع
4 _ 0 مع بلاكبول
6 _ 0 مع تشلسي
خصمنا 10 أهداف و طلعت 31 هدف استقبلها هذا الحارس
المحصلة ان جو هارت مازال هو الأفضل بالأرقام (وهذا فالدوري فقط)
من جانب ثاني ، عندك جو هارت حارس شاب و بيعطيك لمدة طويلة و قابل للتطور بشكل كبير
ليش تروح لحارس أكبر (والقهر ان الجمهور العماني يصغره زيادة عن اللزوم) و مستواه عادي ؟
حارس ويجان بــ يدق عمره 30 هذي السنة
جو هارت عمره 23 سنة و أكثر ضمان و يعتبر لاعب محلي ما أجنبي
و بعدين بصراحة ، انك تشوف جو هارت فالمرمى أكشخ و أكثر هيبة من انك تشوف حارس ويجان
خاتمة الكلام ،,،,،,،,
انتوا تتكلموا بالعاطفة أكثر من اللازم وهذا يعميكم عن الحقيقة
الدليل ؟
إذا فاز ويجان بنشوف مواضيع ، و إذا خسر ما حد يتكلم ، ولو تكلمنا قلتوا حاقد
Ciao
