هلا والله بناصر...
صح لسانك على القصيدة وما يجيبها الا مثلك...
اقتباس:
وحالي حال شيخ ٍ بنته الكبرى رمته بعار
وجاوبها بنار العز لا يرتاح شانيها
تفتت قلبه المهموم يشكي ذنب واستغفار
وتاهت بنته الصغرى تحاتي همّ واليها
معاها حق لا صاحت بصوت ٍ هز ركن الدار
يـ أمي المدرسه وشلون ما تبغون أنصيها
أريد أكون دكتوره وعندي أمنيات كبار
قتلتوها دفنتوها مسحتوها خطاويها
يـ أمي الزوج ما اريده كفيف وشايب ومنهار
وانا توني بديت أعرف وش الزفه واغانيها
كلام ٍ دق قلب الأم مسمار ٍ على مسمار
وبانت لوعة المغلوب في نظرة مآقيها
تقول الصبر يا بنتي عليش الحين واجب صار
وهذا حل من ضاقت جروحه عن مداويها
ونامت بنتها في حضن ما يحمي من الاقدار
يعزّيها فـ أحلام ٍ طواها سيف طاويها
|
استرسالك الجميل في وصف حالك في صورة اخذت نصف القصيدة لا ينم الا عن تمكن في التصوير الشعري البديع...
صح لسانك...