السلام عليكم
اخي طارح الموضوع .. الفكرة جميلة .. وتكاليفها ليست عاليه .. اتمنى تبذل جهدك في تنفيذها .. اذا بغيت شخص يرابعك اعتقد موجود .. هو سبق وعمل مثل هالرحلة .. انطلق من مسقط برا مرورا ب السعوديه الاردن سوريا تركيا (يومين ونص) ف تركيا جلس 4 ايام .. التقى بشباب اصدقائه جيو بالجو الى تركيا .. ومن تركيا الى باقي اوروبا .. ورجع الجميع عن طريق البر الوطن الغالي عمان.
من ناحية الدعم للاسف لم يجد الدعم ابدا لا من القطاع العام ولا الخاص .. رغم المحاولات الكثيرة .. الا بعض الامور البسيطه من كتيبات وبروشرات عن طريق سفاراتنا ف مختلف الدول. ودعم كان من نادي عمان للسيارات عشان يحصل الليسن الدولي .. مع الرقم الدولي .. والشينجل فيزا
نصيحه .. اذا بغيت تحصل الدعم من القطاع الخاص والعام .. لازم تتواصل مع الاخوة الاعضاء المشرفين ف السبلة لما تملكه السبله من صوت وشهره .. واقدر اساعدك ف بعض الامور ف عمليات الدعم ما بتكون صعبه ومعقده اذا كان معها اسم السبلة.
في شخص اخر عمل مثل هالرحله .. هو مدير كبير ف بنك مسقط (حارثي) ممكن يفيد.
اذا بغيت حد يرابعك راسلني .. واذا بغيت تفاصيل رحلة صاحبي لاوروبا راسلني ع الخاص.
وسلامتكم
|