كنا في نفس المدرسة و اتذكر دفعتكم يوم مسوين الاضراب
اختي كانت معاكم
والله ما يبغالهم غير كذا زييين سويتوا
نحن كنا معاكم قلباً و قااالباً
انا اتذكر كنت ف ثاني ثانوي لابسة طوق فوشي و فرحانة فيه اوين
و ما واحيت افرح فيه مديرتنا عايدة البوسعيدي هيهي ما عندها ذي الحركات
نادتني من الطابور و قالت : مو ذا ف راسش ؟ جيبيه و شلته حالها انا كيف عصبت
رجعت مكاني و انا معصبة و البنات يهدوني يقولوا اهم شي ما سوت لش شي طلعتي سليمة
آخر الدوام رحت لها اوين ابغى الطووق
ومرتين مسكتني عشان بنطلوني طويل
و ترا ابلة عايدة يوم تعرف ام البنت عاد وراها وراها ..
::
و صف أول اعدادي اتذكر مرة جالسة في الصف و الابلة تشرح وانا الوج لبانة
<==وعاد نخلاوية يوم تلوج لبانة تقولوا شاه
و مرت من عند الصف المديرة وشافتني و كيف ما قشبتني
يوم خلصت هي وراحت قشبتني الابلة وراها
بس بعدني ما تبت دايما آكل لبان و انا في الصف
و بعد في الاعدادية كنا مسوين أحزاب ونتضاارب طبعاً بس بالكلام
الله اشتقت لأيام المدرسة