[لانا]

مرحبا أخواتي

يسرني إعلامكم بأنه بإمكانكم الحجز معي الحين لأخذ دورة مكياج..وبأسعار معقولة جدا

وبصراحة تشجعت كثير إني أعطي دورات بعدما وصلتني عدة رسائل من بنات يريدوني اعطيهم دورة
وهذي بعض المميزات لكل من تأخذ معي أي نوع من الدورات:


أولا : أدوات المكياج اللي راح نستخدمها للدورة من عندي يعني ما راح تضطري تشتري شي وتتكلفي
ولاتشتري أشياء يمكن ما تحتاجيها بعدين..يعني بعد الدورة ممكن تستخدمي مكياجك العادي اللي بالبيت وممكن اني اطلع معاك بعد الدورة نختار لك المكياج المناسب لك.
ثانيا : وقت الدورة مو محدد صباح فقط أو مساء فقط..هو حسب اتفاقي مع كل بنت لوحدها ..يعني في مرونة مع الوقت.
ثالثا : الدورة كل بنت لوحدها ، يعني بتاخذي راحتك والتركيز بيكون عليك لحالك ما بتكوني مرتبطة بمجموعة معاك.
رابعا : في عدد متنوع من الدورات تقدري تختاري اللي يناسبك منها وتحتاجيه.
خامسا : اذا كنتِ بطيئة او جديدة في عالم المكياج وخلص توقيت دورتك اللي خذيتيها ممكن تجددي الدورة مع خصم10% على سعر الدورة الجديدة.
سادسا : ممكن تحصلي معانا على شهادة تجميل من معهد بيوتي فيس المعروف في مملكة البحرين.

وهنا تلاقون نموذج من أعمالي..وبتلاحظوا انه متنوع

http://makeupartistreem.webs.com/apps/photos/

أنواع الدورات وأسعارها :




الدورة الأولى (أساسيات المكياج اليومي)

ما هو المكياج وكيف تختارين ما يناسبك.
كيف تنظفين وجهك جيدا قبل المكياج
كيف تضعين مكياجك اليومي
مدتها 6 ساعات \ ساعتين لمدة 3 أيام (مع ساعة مجانية)
سعرها 40 ريال


الدورة الثانية (مكياج العيون)

تتعلمين في هالدورة رسمات مختلفة للعيون وماهي الرسمة المناسبة لعينك
وتتعرفين على الأنواع المختلفة للآي شدو مثل (البنانا ، النص بنانا ، السموكي والخ)
أيضا كيفية دمج الألوان عشان ما تطلع عندك الألوان منفصلة عن بعضها وتطلع مدموجة بشكل صح
مدة الدورة 8 ساعات \ ساعتين لمدة أربعة أيام
سعرها 65 ريال


الدورة الثالثة (أنت خبيرة تجميل نفسك)

مع هذي الدورة ما بتحتاجي الصالونات ان شاء الله وتكوني خبيرة ان شاء الله وتسوي مكياج لنفسك ، محتويات هالدورة:
نصائح لأجل بشرتك ومعرفة نوع البشرة
تحضير الوجه للمكياج
أنواع كريم الأساس وكيف تستخدمين كل واحد فيهم
أنواع الآي شدو ورسمات العيون (طبعا تعتمد على سرعة تعلمك كم رسمة تقدري تاخذي)
تركيب الرموش بأنواعها
رسم الحواجب
كيف تحددين شفاهك وخدودك بشكل يناسب وجهك
الدورة 10 ساعات \ ساعتين لمدة 5 أيام
سعر الدورة 100 ريال فقط



الدورة الرابعة (مميزة التجميل) مع شهادة من معهد بيوتي فيس البحريني..دورة شاملة

محتويات هالدورة: (وتطلعين من هالدورة وأنت مُلِمّة بكل ما يتعلق بأسرارالمكياج)
نصائح لأجل بشرتك ومعرفة نوع البشرة
تحضير الوجه للمكياج
أنواع كريم الأساس وكيف تستخدمين كل واحد فيهم
تصحيح الأخطاء لرسم وجه مثالي
أنواع الآي شدو ورسمات العيون (طبعا تعتمد على سرعة تعلمك كم رسمة تقدري تاخذي) – تتعلمين الآي شدو المائي والكريمي
تركيب الرموش بأنواعها
رسم الحواجب
كيف تحددين الشفاه والخدود
الدورة 16 ساعة \ ساعتين لمدة 8 أيام
سعر الدورة 150 ريال فقط ومع الشهادة بـ 240ريال (وعذروني اضطريت ارفع السعر مع الشهادة لانه المعهد ياخذ مبلغ على الشهادة ونسبة)


الدورة الخامسة (رسم العيون)

تم اضافة هذه الدورة بطلب من البنات في السبلة وفيها
تتعلمين رسم عينيك بالقلم
الكحل المائي
والاي لاينر
وسعرها 25 ريال \المدة 3 ساعات

تبدأ الدورات من تاريخ 12 \02\2011- الدورات مع الشهادة تبدأ من 5 مارس 2011
موقعي روي بجوار فندق بيت الحافة..ممكن أجيلك البيت أعلمك لكن الاسعار راح تختلف (حسب الاتفاق)..وانه يكون عندك بالبيت مكان مناسب ينفع للتعليم عشان تقدري تركزي


وأخيرا لا تنسي عزيزتي ان فن المكياج يحتاج إلى تدريب بعد اي دورة تاخذيها لانه اذا ما مارستي التدريب بتنسين كل شي تعلمتيه

ولا تنسوني من دعائكم

عرض خاص لبنات السبلة فقط..يعني اللي تحجز تخبرني عن معرفها بالسبلة عشان اعطيها العرض وهو الدفع على قسطين ..دفع نصف المبلغ بداية الدورة والنصف الآخر بعد نهاية الدورة العرض ساري لدورات فبراير ومارس مبدئيا

ملاحظة هامة : بالنسبة للبنات اللي يبوني اروح لهم البيت اعطيهم الدورة

أولا أعذروني ما أروح أبعد من الموالح والخوض

ثانيا اذا البيت في حدود روي السعر نفسه ، اذا البيت في حدود القرم والخوير باخذ ريال على كل حصة زيادة على سعر الدورة يعني اذا دورتك 3 حصص يعني 6ساعات فرضا..وسعر الدورة 40 ريال..بيصير 43 ريال .
مابعد الخوير إلى الموالح والخوض ريالين على الحصة