عرض المشاركة وحيدة
  #1  
قديم 26/01/2011, 04:01 PM
رحيل النفس رحيل النفس غير متصل حالياً
عضو نشيط
 
تاريخ الانضمام: 28/12/2010
الإقامة: صحار
الجنس: أنثى
المشاركات: 168
افتراضي في بنت محترمه تدخل المنتدى بعد 12 بالليل ؟؟!

الســــــــــــلام عليكم
اخبااااركم ان شااء الله تماا م




أكتب اليوم موضوع نتناقش فيه لأنه يحمل قضيه قابله للنقاش .. باختصار هو موضوع ينرفز شوي لأنه فيه قسوة بالحكم المطلق عالبنات أو خلينا نقول يحمل علامات التعجب والاستفهام في نظرة الشباب للبنات اللي يدخلون المنتدى بعد الساعه 12 بالليل ..
انا بكتب لكم حوار صار لوحده من البنات في احد المنتديات ..وهذا الحوار هو اللي خلاني أناقشكم فالموضوع ><


للتوضيح : الحوار كان في الرسايل الخاصه بين عضو وعضوة في أحد المنتديات وطبعا مايعرفون بعض .
وكان الحوار كالتالي :
الولد : السلام عليكم يالغاليه .. ممكن نتعرف فديتك !!
<< سخاااافه
البنت طااف ( يعني ما ردت على رسالته )
الولد : صووبنا يا حلووو .. ممكن اتعبرينا شوي..
والبنت بعد طاااف ..
الولد : انزين ليش جايه انتي .. مافيها شي لو رديتي علي .. يعني انا أعرفك ولاأعرف أهلك .. عادي عادي ردي يالغاليه لا تكونين معقده .

اعلانات ..

<< وقاااااااحه بجد
البنت ملت من الرسايل .. عاد فوق العشر رسايل ورا بعض وبنفس الوقت .. من أول ما تدخل المنتدى وهو هالكها بالرسايل.
البنت : وعليكم السلام أخوي .. اسمحلي انا مو مال هالسوالف .. وهذا منتدى محترم مو للتعارف وغيره .. فلو سمحت اذا بغيت شي يخص المنتدى أرسل رساله واذا ماعندك شي مهم رجاءً لااترسل لي شي ..
الولد : ههههههههههههههههههههههههه هههههههههه إحلفي ؟ ترى صدقتك ..عاد تبين اتبينيلي انك وحده محترمه هههههههههههههههههههه هذي حركاتكم يالبنات .. لازم أول شي اتخلون عماركم شريفات وعقب يبين المستوووووور خخخخخخخخخ أجل داشه بهالوقت للمنتدى وتقولين عن عمرك محترمه خخخخخ..في أصلن بنت محترمه تدخل المنتدى بعد الساعه 12 خخخخخخخخخخخخ والله انكم حااااله ..
<<عقول سقيمه بجد
..............

وانتهى الحوار لـ هذا الحد .. لانه البنت مصدوومه من نظرة الشباب للبنت اللي تدخل المنتدى فـي وقت متأخر من الليل !!! وقامت وأرسلت الرسايل الخاصه كلها لمديرهم .. واتصرف فالمووضوع بنفسه .


طويلين العمر .. أسئلتي اللي تطرح نفسها الحيــــــــن ..

هل فعلا نظرة الشباب للبنت اللي تدخل المنتديات أو الشبكه العنكبوتيه بعد الساعه
12 تعتبر بنت مو محترمه ؟؟؟

وهل فعلا هذا تفكير كل الشباب حتى لو كان دارس بأمريكا أو حتى لو جزء من تفكيرهم؟؟؟

انزين ولو كان هذا هو تفكيرهم ؟؟
ممكن ياللي انتم منهم تعطونا الأسباب والمبررات اللي تخليهم يفكرون بهالطريقه؟!!

الصراحه أنا راح أصدمكم إني ما نصدمت من هالشي لأنه فعلا هالنظرة لازالت موجوده بمجتمعنا العماني حتى هذه اللحظه .. حتى وإن أنكرنا هالشي أو استحينا منه أو جاوبنا بأجوبه دبلوماسيه ..



بس هل يعني هالشي إنه للاحترام وقت معين وانه بعد 12 بالليل ينتهي دوام الاحترام ؟؟

ومو المفروض إن الاحترام ينعرف أو يفرض نفسه من الاسلوب في التعامل ؟؟



أبي منكم ولاأمر عليكم إجابات ونقاشات لـ هالاسئله ..؟

وتقبـــــــــــلوا خالص أمنياااتي لكم بالتوفيــــــــق