مرحبا فيك اخى , بالنسبة للجير الاوتوماتيك :
اولا شى تشترى المصفى الاصلى من الوكالة مع مانع التسرب لحوض الزيت فى بعض السيارات ياتى كمانع تسرب جاهز والبعض ياتى كمعجون ( تيوب ) بس اهم شى يكون اصلى لان هذى الانواع تحصلها تجارية ايضا , بالنسبة لنوع الزيت شخصيا استخدم زيت موبيل من بوش للكزس 470 وبصراحة ماشتكيت منه ابدا ويستخدمه كذا شخص اعرفهم شخصيا والحمدلله تمام التمام وايضا زيت الوكالة تمام اهم شى انك تستخم زيت معروف ف السوق يعنى ماركة محترمة قبيلية
.
الخطوات : تروح عند ميكانيكى له الدراية والخبرة مع ان الموضوع مش معقد وتقريبا نفس عملية تغيير زيت الجير العادى لكن الوضع هنا يحتاج دراية اكثر وحذر نوعا ما , شخصيا افضل انك اول مرة تغير الزيت بدون ماتغير المصفى يعنى كانك تغير زيت الجير العادى تفتح البرغى الموجود بحوض الزيت وتفرغ الزيت كامل بعد ذلك تعيد البرغى وتحط الزيت الجديد من خلال فتحت عصا القياس الى المستوى المطلوب بعد ذلك تستخدم السيارة يوم كامل ع الاقل ( هذا امر اختيارى وشخصيا اعمل هذى الحركة بمثابة فلاش او غسيل للجير مع العلم انى استخدم نفس الزيت الى راح استخدمه فيما بعد ) بعد ذلك تروح لنفس المحل وتقوم بعملية التغيير الاساسية وهى فتح حوض الزيت وتنظيفه بعناية واهم شى تنظيف القطع المغناطيسية العالقة باسفل الحوض تنظيفا جيدا بالبترول او اى مادة تنظيف اخرى وتترك حتى تنشف تماما وتعاد الى مكانها بالحوض , بالنسبة للمصفى القديم يفك من الجير عن طريق براغى بعد ذلك يركب المصفى الجديد وانتبه هنا جيدا لان المصفى يجب ان يكون راكب صح واعادة شد البراغى يجب ان تكون بعزم متساوى او شبه متساوى ع الاقل , بعد ذلك يعاد تركيب الحوض طبعا مع مانع التسرب ومن ثم تعبئة الزيت الجديد الى المستوى المطلوب والله الموفق !!
بالنسبة للمكان عندك برسشن تيون او الخروصى موتورز او الخخخخخ وان شاءالله الاخوة يفيدوك اكثر واسف ع التقصير !!