[غريب الطبايع]

ليه الدمع عيب من عين رجال
حتى الجبال تسقط احجارها
ليه الالم نخفيه ونقول رجال
وتتحطم السفن قبل ابحارها
الدمع جمره في عيون الرجال
ما اظن الشعر يطفي نارها
ما بكت عيني على منصب ومال
ولا بكت عيني على اطلالها
البكا عندي على عزن وزال
مثل ثكلا تبكي اطفالها
ما سمعت المعتصم يحلف وقال
دولة الروم نهز اركانها
حرك جيوش ملايين الرجال
واصبحو والروم تحت انعالها
لاجل المره الي بمليون رجال
حرك الكافر طرف فستانهاا
يا ليتني في حربكم سرج خيال
ولاحياة اليوم وذل رجالها
حقن علي ابكي ماضي وحال
ما هي دموع الحبيبه وطلالها
خوفي يجي من صلبنا رجال
تدنق الراس وترفع اذيالها
تكفون يحفاد عمر يا نسل الابطال
اقلها نمنع ونقفل ابوابها
نستقبل القاتل في دارنا حال
والام ثكلا تلطم عيالها
والقاتل معانا عايش ولا زال
يفكر اشلون يهدم دارها
ما هو مكفيه تيتيم الاطفال
يبي اهل البيت يهتك عارها
يا محمد الدره ترى دمكم سال
يجري على صفحة الذل وكتابها
نلعب ونضحك وحلام وخيال
والناس تتشرد واحنا اخوانها
يا قارين شعري ترى شعري خبال
اقرى عسى شعري يهز اركانها
اقرى ترى شعري من دم الاطفال
يا ويل قلبي صغار اعمارها
اقرى ترى المرجله راسها مال
ومكسب الرجال في افعالها
اقرى انا شاعر بس ماني برجال
ولو اني رجال اولع نارها
لو اني رجال تحديت الاهوال
وحارب جيوش الكفر في دارها
كلكم زيي يا حفاد الابطال
وجنة الفردوس تبغى رجالها
لا تقول في التاريخ بصمت رجال
الايام ولت ومات ابطالها
تبي من التاريخ يعيد الابطال
ولا تبي الموتى تنفظ اغبارها