مسعود : اختي بقولك شي لا تزعلي
المتصلة : خير مسعود
،،
نكمل الحوار،،
،،،
مسعود : ممكن تمسحي رقمي وتنسي هذا الاتصال
المتصله : مستحيل ما اجدر
مسعود : وأنا مو حساب اني تراني خبرتك انا كروب واسلوبي بايخ وووالخ ..(في نفسي أبي افتك منها)
المتصله : يا بابا أنا مايهمني أنا زين حصلت واحد مثلك وهذي الصفات ما أشوفها فيك ولا تريد تشوش علي
مسعود : انزين انا بتصرف وبنشوف
المتصله : مسعود اذا سويت اللي في بالك بسوي أي شي نفسي
مسعود : حلاته الشي
المتصله : شو شو قلت
مسعود : قلت تو مو هذا الشي
المتصلة : مسعود ممكن سؤال على السريع اذا مافي مانع
مسعود : (في نفسي متضايف وما طايق حالي ) خير تكلمي مو عندك
المتصلة : حشى كيف لابق اها شوي شوي علي
مسعود : انزين قولي يا هندوه قولي
المتصلة : واااو حلاتك لما تطلع منك هالكلمة
مسعود: (في بالي يبغالك لكمة على خدك) انزين يالله ابي اسمع قولي
المتصلة : مسعود انا عمري 22
مسعود : يعني على بالك برقص من الفرحة واموه
المتصلة: صح انك ما تحس
مسعود : يعني مو باغتني اسوي يوم تقولي عمرك
المتصلة : الشرهه عليٌ انا اللي قلتلك
مسعود : (عساش ما ترجعي) احسن لك لو ما متكلمة قلتلك انا ما عندي اسلوب ومحد يطيقني
المتصلة : وهذا اللي يعجبني فيك
مسعود : اوهوه تو مالش يا بنت الناس روحي نامي احسن لك
المتصلة : مابي
مسعود : انزين بندي التلفون ويالله عن لعب الجهال
المتصله : مسعودي تبي تشوف صورتي
مسعود : لا لا لا أختي خلي عنك لا تتهوري
المتصله : لحظات شوي بتصل فيك بعدين
مسعود :لا لا اختي لا ترسلي شي
المتصله : باي
مسعود :حلاته الشي فكه
بعد ما سكرت التلفون أنا دار راسي وأقول
هذي البنت باغية تجيبلي مشاكل وانا انسان
ما صاحب مشاكل والله تجفلت وما حايد دليلي
مسكت التلفون جالس اشوف عليه قلت يمكن
طفشت مني وعصبت وهذا الشي اللي باغنه
طولت المده وأنا أشوف على التلفون خلاص
أنا يأست وقلت فكه وارتحت من هذي البلية
بعد شوي ما أشوف إلا ذيك العلامه مال الوسائط
تلتاح فوق في التلفون وطش فوادي وصاحت النزقه
وغديت كما بو نافضتنه كهرب وبو وكما بو واسمتنه كوايه
والله اشوف على العلامه كلما تلتاح وتزيد يزيد
خفقان قلبي كأنك عاق كرة تنس داخل قوطي نيدو وجالس تخالطه
وأول ما وصلت الرسالة كنت اتصبب عرق وكنت
بطيح غشيان من كثر التوتر الحاصل من هذا الاتصال
وكان كل سؤال في بالي من هذي ومن وين جابت رقمي وايش تريد مني
يتبع في وقت لاحق ،،