مع ان الشعب له الحق في ثروات البلد، لكن المشكله ان توزيع المال على الشعب ما يحل الازمه ابدااااا
يعني مثال بسيط جدا،، ارجع للبنوك قبل سنه من الحين، يوم خلصنا من الاعصار جونو، البنوك ما اخذت الاقساط من المواطنين لمده 3 اشهر...... بالله عليك شو سوت الناس بالقسط مال الـ3 اشهر؟؟؟
راحت تسافر، وكل الفلوس انصرفت
واللي يريد يتأكد يسير للبنوك ويراجع بيانات الشركات على هذيك الفتره راح يلاحظ ان كثير ناس قدموا على اجازات وسافروا... (المقصود هنا اللي ما تضرروا من الاعصار طبعا)
يعني حتى لو وزعنا الفلوس ع الشعب، بكل بساطه راح تكون النتيجه زياده القوه الشرائيه والصرف
هذا ما يعني ان الشعب ما يستاهل الزياده، بس في كل الاحوال الزياده ليست حل للمشكله،، بالعكس راح تزيد المشكله بسبب الصرف اللي تعودنا عليه
مثال ثاني،، اذا كان زياده الرواتب تحل الازمه،، لازم مواطنين الامارات يكونوا في عز.... لكن كلهم في ديون رهيييييييبه (وان كانت المظاهر غير كذا)
ونفس الشي بالنسبه لأهل الكويت،، كلما عفت الحكومه عن الديون، راح الشعب واستلف مره ثانيه،،،، لانهم تعودوا على الديون والصرف
|