[عسل الجبل]

موضوع حلو لاني من اللي راحوا تايلد وكرهتها وحلفت ما ازورها مره ثانية ولو ببلاش
واقول (اخ واخ واخ ع تايلند ) وربي ما كرهت بلد وشعب كثر ما كرهت التايلنديين
زرت عدة دول منها باكستان والهند والبحرين والكويت وماليزيا ولندن حتى الهند اللي هي شعبها فقير و وسخة بس ارتحت فيها اكثر من تايلد لانهم ع الاقل يحترموا السايح

كرهت تايلند من اول لحظة حطيت رجولي بمطارها من معاملتهم الزفته للعرب وبالذات لنا نحنا الحريم ما اعرف شو السر ؟؟؟؟
بس يشوفن حريم كل وحدة تطالعنا بنظرات الاحتقار (ولو تشوف الرجال تقابله بإبتسالمة عريضة )
بأمانة كرهتهم من اسلوبهم و جفافهم وابد ما يضحكوا كلهم معصبين رغم اننا كنا نضحك ونعاملهم بذوق وبلخص كرهي لهم ف نقاط :
1/ من المطار صارت لنا نفس سالفة استغلال الاخوة اللي ذكروا ف كلامهم من ناحية الاتفاق ع سعر ولما نجي نحاسبهم يغيروا السعر
2/ فالاسواق اذا ندخل السنترات ونبي نشتري بس مجرد ما نمسك شي نبي نشوفه يجي البائعة وتسحبة من ايدك وتتكلم وتسب بلهجتهم حتى وحدة من الاخوات اللي معانا تضايقت وصرخت عليها وما نشوف الى صاحبة المحل بمقص تبي تضربها لولا ستر الله كان راحت فيها
3/ مرة ركبنا التاكسي فبتايا ولما وصلنا المكان المطلوب غير حضرته السعر ولما جلسنا نتناقش معاه شغل السيارة فجأة ورجعنا لنفس المكان اللي اخذنا منه !!!! (قمة الوقاحة)
4/ ومرة فالفندق كنا نايمين انا واختي بغرفتنا قسم بالله ما اشوف اللي خدمة الغرف فجأة فغرفتي تنظف الحمام (كيف وليش دخلت الله اعلم "؟؟) وتنازعت معاها وطلعتنها واشتكينا فالرسبشن ان مالهم حق يدشوا علينا ونحنا نايمين وكان تبريرهم انهم يظنوا محد فالغرفة دخلو عشان ينظفوها

ومره كنا ماشيين وبالغلط وحدة داست ع شي من اغراض اللي يبيعوا بالشارع الا قام وضربها ع كتفها بقوة وربي جلست تبكي طول الوقت


بأختصار بلد وسخة وشوارعها كلها مجاري وريحة دخان الخنازير بكل مكان وبصراحة كانت تجربة ما اتمنى اكررها ابدا....