[الـبـدوي]

عذرا اخي ولكن عندي مداخله بسيطه:

انا سافرت مرتين لتايلند وبصراحه وامانه ما شفت اي شي منهم مب زين بالعكس الشعب متعاون وطيب ولطيف المعامله ولكن يريدو معامله زينه يعني ما يحبو حد يضحك او يتمصخر عليهم لان مهما كان هم بشر.

ثانيا بخصوص الدرجات المائيه الغلطه غلطتكم لانكم ما فحصتو زين وكان لازم تسألو الناس اللي راحو قبلكم وصح كلامك هم يستغلو الخدش البسيط لأخذ المبالغ من السياح ولكن لو منتبهين من اول وموقعين على الورقه ماكان بيقدر يكلمكم..

ثالثا بخصوص التكاسي لاتكلمهم ابدا قوله شغل العداد واللي مايرضى يشغل العداد عندك حلين:
1- تقدر ما تعطاه ولا بيسه لان يخاف الشرطه وعندهم التزامات وايد على هالموضوع وبيخاف المشاكل وانا شخصيا سويتها عشان نأدب راعي التكسي.

2- اتفق معاه على مبلغ معين ولا تزيده عطاه وامشى عنه وخله يقول اللي يريد يقوله انت امشى وعطاه الاذن الصمى او لاتركب معاه من الاساس.

ورابعا بخصوص المافيا : كما هو معروف المافيا موجوده في كل العالم وهم يتكلمو بأسم المافيا تخويفا للسياح ماعليج من كلامهم .. مجرد كلام في كلام.. ولوتريد تأدبه قوله بخبر الشرطه عليك وبتشوفه يتنافض وبيدقها شرده وصارت عندنا..

يااخي كل بلاد فيها استغلال وفيها مشاكل بس خلك حذر واسال قبل عن تروح اي مكان ودش منتديات وشوف عن الاسعار و عن كل صغيره وكبيره في البلاد

ولك جزيل الشكر واسمحلي على المداخله.