السلام عليك ورحمة الله وبركاته.....
اخواني الاعزاء الرسول (ص) قال:من كان يؤمن بالله واليوم الآخر فليقل خيرا او يصمت
وبالنسبه لك اختي الرسول قال لو امرت احد ان يسجد لاحد لامرت الزوجة ان تسجد لزوجها من باب الطاعه في حقوقه...
وانتي لم تقصري ناحيته
ومال الزوجه لا يحق للزوج ان يأخذ منه شيئا بالاكراه وبالتالي فانا مع الاخت او الاخ الذي اوصاك بقص من راتبك مباشرة لحساب والدك لان رضا الله من رضا الوالديين ولان عقوق الوالدين يعجل للانسان في الدنيا كما ذكر في السنه فكما تحبي ان يعاملك اولادك عامليهم....
وفي هذه الحاله يسيضطر الزوج ان يرضخ للامر الواقع بخصوص راتبك....
وثانيا حاولي ان تجعلي زوجي مشغول بقدر الامكان في عمله او اي مجال لانه واضح من تصرفه انه يشعر بالفراغ اوجدي اي استراتيجيه تلهيه ولما يندج ويكون مشغول طلبي منه يجلس معج واذيه بهالشي لانه مثل ما يقولوا اللي ما يريدني اريده واللي ما اريده يريدني وهذي حقيقه ف علم النفس تراه
وسمحيلي اختي اقولج انج سمحتي لطباعه تطور...
وتستاهلي
لانه يستغل عاطفتج وضعفج بالشفقه عشان تحققي مطالبه بايهامج انه ضحى وحتى وافترضنا ضحى انتي مب ملزمه تضحيله لانه هو كان حر فاتخاذ قراره وكسبج انتي يعني ما ضحى ع الفاضي ولا ما عندج ثقه بنفسج؟؟
اذا قالج انا ضحيت عشانج جاوبيه بصوت واثق وهادي انت ضحيت وكسبتني ولا مب كفايه؟!
واذا سألج عن فلوسج مره ثانيه قوليله انته تباني ولا تبا فلوسي؟
لاني احس انه همك فلوس ...وفلوس هذي تعبي ومن حقي اتصرف ف حلالي مثل ما انت تتصرف بحلالك
واذا قالج لا تعطي اهلج قوليله اوكي ايش اسوي بمعاشي؟ اعطيك انته؟
بيقولج لا اكيد قوليله خلاص اني خصصت منه جزء لآخرتي وجزء لحياتي وخبريه انج رحتي البنك وحولتي مباشر لابوج
وقوليله اسمعني يا فلان الحين تناقشنا فموضوع مالي واتفقنا انه مالي وحره فيه فرجاءا لا تفتح هالموضوع مره ثانيه لانه قراري نهائي فيه والبركه فيك ما محتاجين ولا شي اديت واجب بيتك وزياده
وفهالحوار لا يعلى صوتج وتعصبي ولا يكون ضعيف او متأثر بكلامه خلي هادي وعقلاني وحازم واذا فاتحج مره ثانيه قوليله كم تبا؟
بيقولج ما ابا قولي خلاص مالك شغل كيف اصرف واستمري بهالطريقه ولا تخليه يجرجرك بنقاش لانه اذا شافج تناقشيه رح يعرف انه في امل يأثر عليج
اما اذا قالج ابا فلوس قوليله اوكي واعطيه المبلغ بايده وابتسمي وقوليله لا تعتبرها سلف هذي المره هديه مني لابو عيالي وحبيبي تكون مزحه وفنفس الوقت يفهم انج تسلفيه بس ....
ونجي للطامه الكبيره عاد وسمعيني زين اذا مد ايده عليج حتى ولو تع\ر وقال داخلنه الجني الازرق ولا الخضر شلي تلفونج ودخلي غرفه ودقي لواحد من اخوانج وخبريه واحد يكون شخصيته قويه بس مش عصبي وخليه يشلج حالا من بيت اهلج وقوليله انه يهده ويجيب معه اخو هادي ويخلي نفسه يبا يضربه واخوج االثاني يمسكه ويهديه تمثيل يعني عشان يعرف المره الجايه فيها ضرب.....
ولا ترحميه فهالموقف تعرفي ليش؟؟؟
الضرب ف الوجه اهانه لشخصيتج ولاهلج تراه...يعني كنه ما وراج رياييل
ثانيا هالموقف رح يكرره بكره لما يجو الاولاد وتزيد المشاكل وش بيسوي؟؟!!
ثالثا اولادج بكره لما يحضروا ه الموقف وش تأثيره فنفسياتهم؟
ولا تنسي لبدنك عليك حق\ والساكت عن الحق شيطان اخرس وبكره رح يطلب وجهك حقه منج جدام ربج ورح يطلبوا اولادج بعد حقهم منج....
وبعد هالشي كله خبريني بعده يغار ولا لا!!!!
