الجزء الاول كريمة الزبده بالكاكاو
الكريمه تاخذ وقت.. وانا اول مره سويتها اختربت ... اخذ عليي تقريبا 5 مرات لحد ما استوت
المهم..
المقادير:
كوب وربع سكر + ثلث كوب سكر
نص كوب ماء
8 بيضات
ملعقه صغيرة كريمة التارتار
48 ملعقه كبيرة زبده دافئه (حطيها في في درجة حراره الغرفه)
3 كاكاو غامق
الطريقه:
1- حطي الكوب وربع سكر مع الماء واول ما يغلي خفي النار .. حطي فيه شوية ليمون (قطرتين) علشان ما يتحول لسكر مره ثانيه
2- افصلي البيض وخلي البياض في مله .. الصفار انا اسويبه حلى اسمه كريم بروليه.. بنزل طريقته بعدين
3- اخفقي البياض في سرعه قليله لحد ما ينتفخ شوي وبعدين ضيفي الكريم تارتار
4- بعد ما تشوفي البياض منتفخ حطي باقي السكر (الثلث كوب)
5- بعدين لما يستوي بالشكل هذا (ثقيل واجد) معناه ان جاهز نصب الشيره الساخنه عليه
6- الشيره رفعي درجة الحراره وخليه يغلي لحد ما يصير درجو حرارته 120C
7- بسرعه حطي الشيره مع البيض المخفوق واخفقيه لمدة نص ساعه
8- وخلال الفتره هذي قطعي الزبده واصهري الكاكاو
9- ضيفي الزبده واخلطيه لحد ما يندمج
10- وبعدين ضيفي الكاكاو شوي شوي
11- اخلطيه زين لين ما يندمج بعدين غطيه وحطيه في الثلاجه علشان يبرد شوي
