هلا اختي
انا اعاني من القرنية المخروطيه ف العينين
حد الحين فيه اربع مراحل للعلاج:
1- الحلقات >تقوم بشد القرنيه ولا ينصح بها غير الدكاتره اللي تفكيرهم مادي وهيه غاليه كثير بس بدون فايده ( ف دار مسقط للعيون ياخدو لكل عين الف ريال )
2- العدسات الصلبة
الخاصة للقرنيه المخروطيه > مفيده كثير وسهلة الاستخدام
3- عملية الكروس لينكن >او نقدر نسميها تشطيب للعين >تقليل تحدب القرنيه
4- زراعة القرنيه > ولا ينصح به
الا في حالة فقد القرنية بالكامل
تجربتي:
اكتشة الحاله وعمري 17 ولما عملة فحوصات الدكتور خبرني انتظر حتى اوصل 21
لانه العين تبدا ف الاستقرار
الحين عمري 21 وسافرة للهند
عملة فحوصات وحصلو سمك القرنيه عندي 458
ولا يمكن استخدام عملية الكروس لينكن لانه لازم سمك القرنيه يكون 400 او اقل
ف حالتي الدكتوره نصحتني استخدم العدسات الصلبه المخصصه للقرنية المخروطيه
واعمل فحوصات كل 6 اشهر عشان اتابع سمك القرنيه
اذا نقص حد 400 بعمل العملية
واذا ثبت بستمر ع العدسات
والعدسات حسب كلامها افضل حل
وتاكدي انه هدف هالدكتوره مو مادي لانها نصحتني ما اعمل العملية واطلب العدسات الخاصة من برا
يعني ما استفادت شي غير رسوم العلاج
بنسة للعدسات احسن نوع اسمه ROS K وهو نوع بريطاني من بلاستك مميز لحالة القرنية ولا يضغط ع وسط القرنيه
يعني ما يعمل صداع
انا عملة فحوصات ف الهند عشان ياخذو القياسات وشكل القرنية والتحدب
ورجعت عمان
والقرنيه توصلك حد بيتك بعد اسبوع
خبصت وايد صح
اي حاجة مو واضحه ؟