|
قصة حمل خارج الرحم
السلام عليكم
الموضوع بناء على على طلب واحده من صديقاتي تعاني من هذه المشكله مسكينه قصتها كانت حامل وقالولها انها اجهضت وسوت اشعه كذا مره وقالولها الرحم نظيف لكن اتاري الجنين قاعد يكبر في احد الأنابيب وبالتحديد الايسر وكانت تحس بالالم في الجانب الايسر ولاكن كانت تقول ممكن طبيعي الى مامر شهرين وجاها الالم ماقدرت تستحمله راحت المستشفى وقلولها انها حامل قالت كيف وهي عليها الدوره سووا لها اشعه وقالوحمل خارج الرحم وعلى طول تنويم لانه كان كبير الحمل5.8سم واحتمال ينفجر في اي وقت وتفقد حياتها وبما انه كبير راح يستئصلون الانبوب وهكذا سوت العمليه واستئصلوا الانبوب وقامت بالسلامه انا اقول لكم هذه القصه عشان كل وحده تنتبه لنفسها ولاتطيح في نفس الخطا واذا حسيت بهذه الالام في الجوانب اليمين او اليسار تسوي تحليل حمل وتاكدي ان مافيه حمل خارج الرحم وكذا مره لانه احتمال مايبان في البدايه زي صديقتي الي قالولها اجهضت وهو في الانبوب بس ماكان باين وخسرت واحد من الانابيب~~~~ الحين صديقتي خايفه على نفسها من ناحية الحمل ارجو من كل من لها (انبوب واحد)وصار لها حمل تفيدنا عشان ترتاح وتقول هل صار حمل طبيعي زي اي حامل وهل تكرر الحمل بعدها عادي او تاخر وصارت مشاكل؟ ارجو من جميع من تدخل هذا الموضوع تفيدنا بتجربتها او بتجربة احد تعرفه صارت معه هالمشكله ارجو الرد والله يجعله في موازين حسناتكم منتظره الرد~~~~~~~~~~~ |
ماعندي عزيزتي فكره
عسى يفيدوك الاخوات ويارب ياقادر ترزقها بحمل سليم صحيح إنك قادر على كل شي دمتم بخير |
الله يعوضها كل خير
و حمدلله على سلامتها |
هلا اختي الله يعوضها خير يا رب...
كان مثل هذا الموضوع معروض ف برنامج حكمة نساء ع قناة ابوظبي اذا تعرفي ودكتورة النساء اكدت ان مثل هذه الحالات ممكن تحمل بالعكس فرصة الحمل تكون اكبر بأنبوب واحد ما دامت الدورة تجيها طبيعي... الله يرزق كل محرووووووم يا رب العالمين |
اقتباس:
ادعولها يا بنات بفرحها بهذا الخبر لانها واااايد تفكر وخاصة ان هذا اول حمل لها |
اقتباس:
|
يصير عزيزتي صديقتي كذا وحملت بس لازم متابعه
|
اختي صارتلها نفس السالفه والحين عندها انبوب واحد تقريا من ٣ سنين
والحمدلله والاده من سته اشهر صارلها حمل عادي ما فيهااااااااااا شيء |
الحمدلله على سلامتها وان شاء الله ربي يعوضها عاجلا غير اجل امين يارب العالمين..
الحمل خارج الرحم حالة نادرة جدا وانا صار لي حمل خارج الرحم وللاسف كنت ضحية تشخيص خاطئ.. دخلت المستشفى بالالام شديدة جهة اليمين وتم تشخيصي على انه التهاب الزائدة الدودية ودخلت المستشفى عشان عملية الزايدة وكنت على وشك الموت وما عرفت بأنه حمل لان الدورة جاتني على موعدها.. قبل العملية جاء الطبيب الجراح وكان هندي اخذ مني بعض المعلومات وضحك وقال هذا حمل مش دودة زايدة وطبعا ما صدقت وبعد الفحص اتضح صحة كلامه والحمد لله اني كنت توني داخلة الشهر الثاني والجنين صغير وعطوني ابرة تحلل الحمل وما اضطريت اشوي عملية.. تعذبت شهرين من الالام الشديدة والحمدلله على كل حال كملت سنتين على الحادثة والله ما كتب لي الحمل.. طولت عليكي :متفكر: خليها تكثر من الاستغفار وقراءة البقرة وسورة مريم ولا تخاف لاني اعرف حريم حملوا طبيعي بأنبوب واحد.. |
اقتباس:
حتي ربيعتي كان الحمل عمرة شهرين وبس كان الكيس كبير وما نزل بالابرة سبحان الله اضطرت تعمل العملية |
اقتباس:
|
صباح الخير وينكن يابنات ؟؟؟؟
|
عادي جدا
بقدر تحمل من انبوب واحد بس اهم شي تنتبه وتراجع من بداية الحمل |
مسكينه معنا وحده صارلها اكثر من مرة حمل خارج الرحم الى ان تم استئصال الرحم
والحين حالتها النفسية جدا سيئة معها بس بنت وحده |
انا اعرف ثنتين صار معهن حمل خارج الرحم وحملن بعدين طبعا بعد العلاج
|
حتى انا صار لي نفس الشئ حمل خارج الرحم وفي الانبوب الايسر وكل ما اروح المركز الصحي يقولولي ما في حمل وانا اتألم واتعذب كم مره رحت ومحد يعرف وش المشكله وبعدها رحت مستشفى السلطاني قالولي في حمل وثاني يوم رحت مركز صحي سوولي سونار قالولي ما في حمل بصراحه جننوني كل مره شي
ويوم ورا يوم يزيد الالام وفوق كل هذا يجيني نزيف الين ما جا يوم ما قدرت استحمل الالم فرحت مستشفى خوله وقالولي ما في شئ تعصبت وتضاربت معاهم الين ما جمعت كل الدكاتره فوق راسي وجات اشطر وحده فيهم وسوولي سونار مره ثاني واكتشفوا انه في حمل خارج الرحم وع طول عطوني اسهل حل عندهم اللي هو العمليه واستئصال الانبوب انا بصراحه خفت قلت مستحيل اسوي عمليه شوفولي حل ثاني قالولي ما في. فطلبت منهم ملفي عشان اسافر بالخارج واتعالج ولما سمعو كذا قالولي في حل ثاني انهم يضربوني ابرا وويسقط الجنين...و وافقت وبالفعل اخذ تقريبا كم اسبوع الين ما طاح كليا وبعدها بشهر ونص حملت مره ثاني والحمدلله كان كل شئ تمام والسموحه ع الاطاله |
اقتباس:
سبحان الله اذا اراد الله الحمل بيصير حتى الحين سمعت عن حرمة شالت الانبوبه مالها وحملت بعد 6اشهر من اجراء العمليه وجابت توأم بنات |
اقتباس:
مسكينة ربيعتي عطوها الابرة بس وكان حجم الكيس بادي يخف بس فجأة ارتفع وعاد الدكاترة في مستشفى خوله خوفوها وقالوا اذا انفجر بيأثر ع القناة الثانية واضطرت تسوي العملية كانت تريد اتسافر بس قالولها ما في فايدة يممكن ينفجر وبعدين ما ينفع الندم |
الله يرزقها يااااااارب
ادعولها يا بنات لانها ما عندها اطفال |
الحمد لله ع سلامتها والله يرزقها بالذريه الصالحة
خبريها لا تخاف وتتوكل ع الله نعالى فمن توكل على الله فهو حسبه وربي يرزق الجميع ~ |
اقتباس:
امين يارب يرزق كل بنات حواء ونعم بالله عزيزتي هو نعم المولى ونعم النصير |
حمدالله ع سلامتها
والله معندي خلفيه خليها تبحث في الانترنت اكيد بتحصل اللي يريح بالها ان شالله |
بصراحة حاسه بشعورها وخوفها... الله يشفيه ويرزقها ياااارب
لإني انا صارلي سنتين من زواجي وما حملت غير مره وحده واجهضت ولين الحين أتريا اللحظه اللي اشوف فيها عيالي وأحطهم في حضني.... ولله الحمد |
اقتباس:
|
في بعض الحريم استئصلوا احد المبيضين و حملوا و لله الحمد يعني مافي داعي للخوف :)
|
اقتباس:
سبحان الله اذا اراد شي يصير مشكورة اختي الغالية وجزاك الله خير |
بنت خالي المسكينة مرتين حملت وكان خارج الرحم وكان في المرتين كبير لانها ما سمعت كلام الدخاترة وتنتبه لعمرها وان اول ما تحس باي اعراض تراجع ع طول المستشفى وللاسف شالت المبيضين والحين ما عندها حل غير اطفال الانابيب
اما صديقتي فكانت حريصة ولما قررت تحمل للمرة الثانية لانهم نصحوها انها تستخدم موانع لمدة 6 اشهر وبعدها كانت تحسب وتراقب نفسها واول ما حملت ع طول المستشفى والحمدلله طلع حمل طبيعي والحين هي داخلة السادس من البداية الدخاترة خبروها بالسلطاني انها لازم تراجع المستشفى عندما تقرر تحمل لانهم كانوا بيعطوها محفزات ومقويات علشان الحمل يطلع سليم وهي لليوم محطوطة بعيادة الحمل الخطر وعندها مراجعات شبة اسبوعية |
اقتباس:
يعني من قدرت رب العالمين صار حمل طبيعي يا منت كريم يارب ايوا اختي لا زم الوحده تعمل مباعدة على الاقل 6 اشهر الله يعوض بنت خالك بالخير ويرزق كل محروووومه بالحمل السليم المعافى ياارب العالمين |
لا اله الا انت سبحانك اني كنت من الظالمين
|
اقتباس:
|
| جميع الأوقات بتوقيت مسقط. الساعة الآن 02:23 PM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها