مشكلتي عويصه.....
 

صارلي أكثر من 3 سنوات وأنا أعاني من هذي المشكله,وهي نزيف اللثه.
النزيف يخرج من مكان معين وهو من تحت السن اللي بجانب الناب في الفك السفلي وهو مستمر لهذا اليوم والمصيبه ان اللثه تنزف ما أقل من 4 مرات يوميا وبكميه كبيره.
تصوروا يا جماعة الخير أحيانا أكون في ساااااابع نومه وما أحس غير بطعم الدم مليان فمي, وأحيانا وأنا آكل يبدأ النزيف ,وأحيانا لما أتمضمض للوضوء وعاد هنا الكروووب أتأخر على الصلاه بسبب النزيف لين ما يتوقف.
حاولت كذا طريقه علشان أوقف النزيف مثل المضمضه بالماي والملح وأحيانا أخذ قطعة كلينكس وأضغط بيها على مكان النزيف وأحيانا ألجأ للفرشاه والمعجون لكن للاسف كل هذي الأساليب توقف النزيف بصوره مؤقته وبعدين تبدأ المعاناه من جديد.

قلت أسألكم هل عندكم فكره عن طريقة لعلاج هالمشكله في البيت؟ لأني بصراحه ما أريد ألجأ للطبيب الا اذا شفت إنها مسدوده قدامي وما يكون عندي خيار ثاني
وياترى هل في أغذيه معينه تساعد في تقوية اللثه وتمنع النزيف؟

أنتظر ردودكم على أحر من الجمر....

ثلاث سنوااااااات وبعدك ماتريد تروح للطبيب ترى المستشفيات تعالع ببلاش
نصيحه توقف عن المعجون أسبوع وشوف النتيجة أسأل مجرب ولاتسأل دختور

تصدق هاذي تحصل معي لما افرك ضروسي ..

كيف أتوقف عن المعجون؟بويش أنظف أسناني؟

يعني انت أحسن مني بس لما تفرك أسنانك, ما أنا معظم الوقت.

هلا وغلا

انا كان عندي نزيف باللثه وصار لي تقريبا اكثر من سنه الحين
في كل وقت تقريبا مش بس وقت التنظيف

بس الحين استخدم معجون بالاعشاب الحمدلله صار لي اكثر من شهر والنزيف خلاص بدأ يخف شوي شوي يعني بالتدريج مو مرة وحده
اذا تريد الوصف ونوع المعجون راح ادلك ع مكانه
بس والله اني استفدت منه كثيييير كثثثثير

تحياتي