|
كيف تحسبين سعر الذهب؟
5 مرفق/مرفقات
ملف مرفق 612807 بما أن الذهب شي أساسي في مقاضى العروس وأكيد انك بتروح السوق تشتري ذهب فلازم تتعلم كيف تشتريه و عشان ما ينقص عليك، حبينا نعلمك أهم خطوات شراء الذهب و كيف تحسب قيمته . ملف مرفق 612803 قبل ما تدخل محل الذهب لازم تعرف قيمة الجرام. - لازم تنتبه لعيار الذهب اللي بتشتريه (و العيار هو مقدار نقاوة الذهب) لأن في ذهب يحتوي على شوائب, و الذهب له أربعة أعيرة مرتبة حسب الأفضل و الأغلى و الأنقى من الشوائب وهي كالآتي: 1) عيار 24 و هو الأفضل و الأنقى و تصنع منه السبائك و الليرات و الجنيهات.2) عيار 22 و بيكون مكتوب على قطعة الذهب رقم 22 أو 0.9167 و هو مقدار نقاوة هالعيار.3) عيار 21 و أيضاً بيكون مكتوب رقم 21 أو 0.875. 4)[C عيار 18و هو أسوء شي لأنه نسبة الشوائب فيه كثيرة و بيكون مكتوب 18 أو 0.750 ملف مرفق 612804 بعد ما تختار قطعة الذهب اللي تعجبك و شفت عيارها، لا تنسي شي مهم و هو مصنعية الذهب (يعني القيمة اللي دفعها الصايغ لليد اللي شغلت هذا الذهب) و لمعرفة قيمة الذهب و قيمة المصنعية لازم تقوم بعملية حسابية بسيطة: - أولاً اسأل الصايغ عن قيمة الجرام لعيار 24، فمثلاً لو كانت قيمة الجرام لعيار 24 في هذا اليوم 76 ريال و القطعة اللي بغيت تشترينها وزنها 30 جرام وعيارها 21 فتسوي التالي: - بما أن سعر جرام الذهب عيار 24 = 76 ريال فأول شي لازم نحسبه هو كم سعر جرام الذهب عيار 21 ، فتضرب 76 في 0.875 (رقم نقاوة عيار 21 و هو ثابت) = 67 ريال لجرام الذهب عيار 21 - سعر الجرام عيار 21 = 67 و القطعة اللي عجبتج وزنها 30 جرام, نحسب 30 جرام ضرب 67 ريال لكل جرام, يساوي 2010 ريال ملف مرفق 612805 الصايغ ما بيقول ان سعر هذه القطعة 2010 ريال !! لأن القطعة مب عبارة عن سبيكة بل عليها شغل و تصميم, فبيزيد مبلغ عليها وهذا المبلغ ( المصنعية) يعتمد على أمانته و كم حاب هو يربح و بهذه الطريقة بتعرف كم ربح منك، وحط في بالك ان الربح هذا كل ما زاد كل ما أنت خسرت لأنك إذا فكرت تبيع هذه القطعة مره ثانية الصايغ اللي بيشتريها بيخصم منك قيمة المصنعية اللي حسبها البايع الأولملف مرفق 612806 معلومة لازم تعرفها: سعر الذهب مرتبط بشيئين يأثرون على قيمته واللي هم : النفط والدولار 1) فكل ما زاد سعر النفط كل ما زاد سعر الذهب (علاقة طردية) 2) وكل ما زاد سعر الدولار كل ما انخفض سعر الذهب (علاقة عكسية) وتمنياتي لكل المقبلين على الزواج بالسعادة التوفيق |
موضوع جميل والحين قيمة الذهب في ارتفاعات جنونية امس كان 16 للجرام
|
موضوع جميل جدا ومهم اشكرك اختي
هذا الموضوع بفيدني كثير لأني بغام اشتري ذهب بدون ما اعرف كيف احسب السعر احس ان الصواغ يضحكوا علي كثير ما عندهم امانه |
مشكوورة اختي ع المعلومة
|
ياعيني عالنيك النيم احب هالاسماء اللي غير غير:كاشخ:
الذهب عندنا ماما تحسب وتشتري وتجادل وتكاسر وتقاشب الصائغ عليها احنا علينا فقط ننقي لان ما عندي خبرة...الحريم الكبار ابخص بهالشغلات احس من واقع خبرتهن |
موضوع حلو
ومن المفيد جدا إنه نتعلم نحسب قيمة الذهب و يكون لنا خلفيه عن هالموضوع.. |
اقتباس:
وعاد مثل ما قالت كاثرين هن ابخص بالشي شاكره ع الموضوع |
انا ادور ع الموضوع وهو هني :منتزق: )ما كأنه مكانه بالخلط لازم قسم حواء مو الاستشاره المشرفين ياليت يتم نقله لسبلة حواء (شاكره مرور جميع الاخوات ع صفحاتي ركزوا عاد محد تقول قصوا علي عند الذهب وكذا عاد كيف تحسبن جبناها لكم ... <<<<<<(قولي هالكلام لحالج بالاول خخخ |
من فترة وأنا أدور موضوع عن سعر الذهب
|
| جميع الأوقات بتوقيت مسقط. الساعة الآن 06:02 PM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها