|
جمعيه ودائره ولجنه ؟ ثلاثة ورابعهم المأمول
صباح الخير :) هل من باب الصدفه يوم يغلى الخبز يبدلوا المسؤولين ؟ المسؤولين بو تقولبهم ما يخصهم في الخبز ، بو مسؤولين عن الخبز مكانهم لحظه انته نوبه ... خلينا نركز ونصابي الهرجه موه انته تصابي وما تصابي ، سير اشتري خبز حال عيالك كان تروم ... ما جالس حال سوالف خلاص خلاص ما تسويلي ربشه ... على الأقل يوم ما لافهم السيل أيرشهم العاسف تو ... حدث كما هذا ما شي له صدى ولا ردود أفعال ياخي الغاوي انته ما عرفنالك ... مره تجيب كلام ما ينفهم البر ، كما لوح مجنن ومره تجيب كلام كما لجلول (قذائف المدفع) موذا التناقض بو معيشنا فيه ؟ :مفتر: تو انته ... ما صحت غير من تناقضي أنا ؟ والتناقضات بو تشوفها عالدقيقه جاينك عور عنها موه ؟:معصب: تو أسالكم يوم يغلى الخبز ... موه أول شي لازم يستوي ؟ أنا ما أكلمكم عن بو فباقي لبلادين .. أسالكم عن بو عندنا هنا ... ؟ :عيار: تصريح ... كلهم بو يخصهم الموضوع صرحوا وساروا بيوتهم ، وتم الخبز على حاله :ضحك: واحد يقوووول ... ما ضروري تنزل الأسعار ... لكن كثروا النوعيات ما تجيبوا كله أنواع أكل بو زين ... جيبوا أنواع تعبانه ورخيصه يكون يوم ما عنده يشتري بو مال الميسورين ، الفقير يحصل شي على مستواه ياكله تذكرت حبة لكراشي ودورها المحوري في الحل :عيار: وقا لنوبه ... عوين لازم جمعية حماية المستهلك ودائرة حماية المستهلك ولجان حماية المستهلك يسوين بومامول منهن اللي فيه خير ا ويقول أنا وأنا ... يقول موه هوه بو مامول ؟ السؤال ... حموه ثلاث ؟ جمعيه ، ودائره ولجان ؟ على فكره الثلاث ما يتلاقين البر ... كل وحده تابعه حال حد تو بو ما رايم يشتري خبز ... هين يسير ؟ الجمعيه ولا الدائره ولا اللجنه ؟ :مفتر: كلهن سحابة صيف ما تمطر البت ... وإن أمطرت ما تبل الثريه وااااجد قال وااااجد ... لكن شي واحد ما قاله ما قال ... إنه الخبز غالي والعيش غالي والسكر غالي السمن غالي ... واااااااااااااغيابه لو قايل إنه الأسعار فوق طاقة الفقير وااااااااااااغيابه لو قايل التجار جشعين ومتحكمين افلسوق وااااااااااااغيابه لو قال إنه حنه ما عندنا آليه نتصؤف بها وااااااااااااغيابه لو قال إنه الزمام فلت والأمور Out of Control أتوقف سيايير الراشن ما تسير المزرعه :منتزق: وبعده ما كذاااااااااااك .... حد سمعتوا فالدنيا يدغص عمره بيديه :عيار: يعيش التنوع :نطوط: تعيش الجمعيه :نطوط: تعيش الدائره :نطوط: تعيش اللجنه :نطوط: يعيش المأمول :نطوط: |
صباح النور..
برجع اشوف الموضوع:) |
صباح الانوار
حرصني اقرا الموضوع وبرجعلك :كاشخ: |
من متى هي الامور اندر كنترول...
لو كان فيه كنترول ما صار الي صار.. سمعت ان العيش مره ارتفع سعره في اليمن المواطنين في صنعاء ما سكتوا ما خلوا شي ما كسروه.. اما نحن ترتفع الاسعار..وبعد كم يوم يطلع وزير التجاره..ويتكلم عن حماية المستهلك وعن الضمير والقيم وما اعرف شو ويظل الحال هو الحال والناس ساكته ..ابوي فلوسنا زايده والا ما بيدنا حيله والا... |
اقتباس:
الغاوي نوبه زين كلامك يكثروا من الانواع خليهم ياكلوا كيك على قولت ملكة فرنسا لما الفقراء ماكانوا محصلين ياكلوا خبز قالت خليهم ياكلوا كيك بدله نحنا بنسوي كذا :كاشخ: |
صباح الخير
|
صبحكم الله بالخير :) في أشياء المفروض تتغير في بلادنا ، وفي اشياء تحدث ورا الكواليس :بلابلا: وما اقدر أكمل لان السكون في بعض الاحيان أبلغ عن الكلام:) عمي المندوب مواضيعك ها اليومين تدخلنا في متاهات نحن في غنا عنها :كاشخ: |
اقتباس:
صباح الخير :) حنه نتفاعل مع الأحداث بأسلوب حضاري وكل شغلنا بصمت :عيار: |
اقتباس:
بو فرنسا لقيوا كيك ... وحنه من هين نجسي كيك ؟ صاه الكيك نوبه أيغلى ... الطحين صاه غالي .. :عيار: |
اقتباس:
صباح الخير زهروه :) ما كان هذا المأمول ننش :كاشخ: |
يستاهل التثبيت .. موضوع سياسي شياشي صياصي بحت .. يتناول قضيه كانت راقده ونهضت موووه صبحت يوووه ولدي العزيز الغاوي :كاشخ: |
اقتباس:
ابوي كسرنا مثل اهل صنعاء والا اتبعن اسلوب حضاري ماشي فايده ترا المواطن يتبع سياسة الصمت والحكومه تتبع سياسه الصمخ |
اقتباس:
هلا عمي هلا :) حموه يثبت ؟ باغي بو يخطف يشوفه صاهم من زمان يدورولي سبب :كاشخ: أنا أتعترض وبشده :نطوط: يا إما يثبتونا رباعه ، ولا يطلقونا رباعه :نطوط: |
اقتباس:
:منتزق: وابويي غبنا تو انتيه مالش من صباح الله خير تو من جاب طاري لحكومه ؟ :مستغرب: عوين حنه نتكلم عن راعي الثلاث بو رابعهن مامول :عيار: |
اقتباس:
اقول احسن لي اسكت واتبع سياسة الصمت |
اقتباس:
لا تذكرني بالطلاق .. واحد عوين جالس يعازم شخص .. وما طاع ذاك الشخص يجلس بسبب ظروفه .. علين حلف ذاك الرجال بالطلاق .. وبعده الشخص ما طاع يجلس .. ولما بغى يغادر المكان ذاك الشخص .. جاه أحد الحاضرين في المعازمه خاف عن يطلق الرجال زوجته .. وشل على الشخص بكند .. قاله إذا ما جلست تتغدى مع الرجال بضربك آخرتها مسيكين جلس .. مال غصب :متفكر: |
اقتباس:
كل هذا من شان حرمه ، تغيب لو طلقها واستراح واجدات يوم لحريم :عيار: |
اقتباس:
على فكره ، الصمت ما بس من شان تجنب المشاكل لالصمت يثري ... كما بقية الأمور بو تثري :عيار: |
السلام عليكم ورحمة الله وبركـاته :: صباح الخير عمي المندووب :كاشخ::كاشخ: |
اقتباس:
لو الرجال طلع وما رضى يجلس كان الزوجه بتتطلق:مستغرب: |
اقتباس:
|
اقتباس:
اوين الوزير يودع موظفينه يوم جا عندي كان ع لساني اقول ترا الكرسي ما يدوم والا ما وصل لك:بلابلا: بس اتبعت الصمت :عيار: |
صباح الخير ...
صرت اتلهف أقرأ مواضيعك قبل عن أقرا الجريده ... تسلم أخي صباح الخير ... |
اقتباس:
|
اقتباس:
|
اقتباس:
صباح النور رزينه هلا :) |
اقتباس:
والله زين ...بس هو بعد راح يرفع الاسعار بيخلي الجريده بميتين وخمسه وعشرين بيسه :عيار: |
اقتباس:
كيفك ؟:) |
اقتباس:
انزين صاه من كرسي حال كرسي ... موه خسران هوه ؟ :مستغرب: لكن الصمت غاوي بوو اتبعتيه ... أيثريش بعد فتره :عيار: |
اقتباس:
صباح النور راعي الأشعه :كاشخ: الله يسلمك سيدي ... هاذي شهاده أربطها بحبل تو أعلقها فوق رقبتي وأدوربها من مجمع على مجمع :كاشخ: |
| جميع الأوقات بتوقيت مسقط. الساعة الآن 06:15 PM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها