|
(8_8) نصيحتكم لي أريد أشتري تلفون (8_8)
أريد أشتري تلفون جديد :) بمواصفات جيده بس يكون سعره في حدود ال100 ريال نظرا لظروف الميزانية طبعا أقل من ال100 بشوي أو أكثر بشوي مو مشكلة . يكون من نوعيات نوكيا بس أنا ما أحب الأشياء العادية وخصوصا في الشكل (لأني بصريه مع مرتبة الشرف الأولى):كاشخ: يعني أريد تلفون فيه شي مميز وخصوصا بشكلة بالإضافة مميزات الكاميرا والصوت والسعه وإذا فيه gps يكون أحسن ويكون فيه وايرلس نوبى زين وعاد إنتوا وخبرتكم ونصائحكم أريد أشوف الخبره شو التلفون الأحسن؟؟ يفضل بأسرع وقت لأن تلفوني الحالي يحتضر :حزين: |
حشى ولا واحد عنده خبره بتلفونات بو 100 ريال:كاشخ: |
مبروك الهاتف الجديد مقدما ..
إذا بتزيدي فوق ال100 حوالي خمسين غيرهن .. فأنصحك بشراء نوكيا X6 |
اقتباس:
إذا بتسلفني إياهن بشتريه :عيار: لكن شو رأيك ب n86 ؟؟:متفكر: سمعت أنه فيه مميزات حلوه بس شوي أغلى عن ال100 ريال . |
اقتباس:
.. N86 بعد جميل وتصويره حلو .. بسأل زميلي لأن عنده محل هواتف وبرد عليك في وقت لاحق. |
اقتباس:
تشكر أخي أنا في إنتظار الرد لاحقا بس أتمنى في أسرع وقت لأن تلفوني يحتضر يحتضر يحتضر وبعد قبل لا يخلص الراتب:كاشخ: |
اقتباس:
العفو.. إن شاء الله .. يفترض كان تحطي مثل هالامور الطارئة فالحسبان بمعنى تخلي عندك نوكيا ارنوب او بو بجلي للطواري.:ضحك: |
هلا أختي
بعد إستشارة أحد الزملاء فإن نوكيا E71 ينصح شرائه وقيمته حوالي 107 ريالات. |
انا انصحك بالـــ E71 لان انا صارلي استعمله اكثر من سنه والحمدلله مافيه عيوب ..
وشكله كيووووت وكأنه بلاك بيري .. وقميته 100 ريال تقريبا .. صح انك في البدايه بتنزعجي من الازرار في كتابة المسجات .. لكن بعد شهر بتتعودي .. |
انا انصحك ب نوكيا 5800 وسعره تحت 100 ريال
ومواصفاته وشكله روعه اتوقع يناسبك جداجدا وما راح تندمي |
صباح الخير للجميع
( شمس ) ....... خذي احد الجهازين E71 او E72 هذه الاجهزه هي المنتشره حاليا بسوق الخليج يبقى ذوقك في هذين الجهازين اذا راح تعتبريهم من الاجهزه الغيرعاديه فانا انصحك فيهم |
أخواني : الواضح بصمته ساحر العيون أحب البر والمزيون أسلوبي غير شكرا لنصائحكم الرائعه للأسف شفتE71 / E72 بس ما أعجبني لأنهم عريضات واجد وأزرارهم صغار يعني ما مريح في الكتابه شفت جهاز نوكيا5800 في النت بس ما شفته ع الواقع فراح أعاينه وأفكر فيه . وإذا حد عنده إقتراحات آخرى أتمنى ما يبخل علي فيها :كاشخ: |
هلا اختي
تريدي نصيحتي خذي تليفون n86 صح ان سعره غالي شويه لأكن تصويره ممتاز جداً قصدي ان كيمرته واضحه ثاني شي الذاكره الداخليه وحدها 8جي جا وفي مموري اضافيه أيضاً تجي داخل تلفون وهيه صغيره. هاذا من غير المكان الفاضي اللي يكون من جنب الهاتف يعني ممكن تركبي ذاكره مايكرو غيرها. على عموم أنا معاي هاذا تلفون بس نصيحه لاتركبي ميموري ثانيه للتلفون لأني مركب وصاير تلفون شويه ثقيل يعني يفضل عدم تركيب ذاكره ثانيه لان الهاتف اصلا فيه ذاكرتين هاذا عن الميموري كنت أتكلم. اما عن تلفون ففيه ميزه أف ام استوديو اقصد ان في برنامج جاي في تلفون وهو لم تدخلي على برنامج وتضبطي التردد مال تلفون مع التردد مال أف ام سيارتك وتخليهم نفس تردد. وبعدين تدخلي على استوديو التلفون وتسمعي اي شي مخزنتينه في تلفون وممكن تسمعيه على أف ام السياره براحتك وسلام عليكم * |
عفوا يا شمس
نصيحه ثانيه مني انك لا تاخذي اي تلفون تتش لانك في الاخر راح تندمي خلاص انتي وضحتي رايك بانه e71 و e72 غير مناسب والسبب الحجم انا اقولك جربي استخدمي اي منهم يمكن تغيري رايك انتشار التلفون سبب نجاحه والراي لك |
اقتباس:
ما فهمت أخوي شو يعني تلفون تتش ؟؟ |
اقتباس:
|
:متفكر:
|
اقتباس:
لا تفكر واجد تراك ما كتبتها بالإنجليزي:كاشخ: ما جا في بالي أنك تقصد تلفون باللمس :مرتاح: تقصد أن تلفون نوكيا 5800 شاشته باللمس لذلك ما زين ؟؟ |
اقتباس:
شكرا أخي ع التوضيح بس هو كاتبنها عربي لذلك ما جات ع بالي لو كاتبنها بالإنجليزي كان بفهمها :عيار: |
حلو تلفون 5800 باللمس فيه جي بي اس والواي فاي
وبعد الاكس3 حلو وصغير وصته قوي وقيمته تقريبا 80 ريال |
وين إقتراحاتكم وأراءكم :حزين: تراني بعدني ما إشتريت تلفون :كاشخ: طيب تلفون نوكيا n86 كم قيمته ؟؟ |
n86 نزل قيمته الى 132 والحين ارتفع الى 148
بصراحه اعتبره من افضل الهواتف يلي استعملتهن توكل عليه وما راح تندم |
| جميع الأوقات بتوقيت مسقط. الساعة الآن 08:25 AM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها