سبلة عمان - احلى المسجات الشعريه

مابي تقرا رسالتي و تنساني
أبيك تحس بكل حرف انكتب فيها
لو جتك رسالة من محب ثاني
تحفظها و رسالتي قمت تلغيها
تراه مو كل من يرسل يحب و يعاني
و لا كل رسالة تمثل قلب راعيها
انا مخوتي شكل ثاني
مخوة ماشي يساويها

************
تدري من انا؟
انا من نسى نفسه وحبك
ومن ترك ناسه وجاك
ومن قدرك واغلاك

تدري من انا؟
انا من زين الدنيا بوردك
ورش من عطرك في دربه
ورسم بالنجم صورة تشبهك
في سناك

وكل ذا وتتعجب ليه انا
اسأل وراك؟!

***************
أضرب رقم تسعه مع صفر وأثنين.
واطلب من المأمور رقم الشريحه
يمكن نسيت الرقم ياكامل الزين.
والايدين الوصل صارت شحيحه
ترى الوفا يجمع على الحب قلبين.
وترى الجفا خصله وعاده قبيحه
**************
جاني شعور انك تبيني وجيتك ..
احس باحساسك وانا في مكاني ..
وابعد ولكن في خفوقي لقيتك ..
متربع مابين ذيك المحاني ..
يا قره عيون الغلا مانسيتك ..
طيفك يناجيني وشوقك دعاني ..
ان ظاقت الدنيا بعيني نصيتك..
اجيك وكنه مبتسم لي زماني.

****************
ودي أكتب والقلم عيا يطيع
مدري الأشواق والا أنت السبب
كيف اعبر والحكي مني يضيع
أسعفيني يا قواميس العرب
ياحروفي أشعر بشي فظيع
في خفوقي نار واشواقي لهب
هذي اقلامي بكسرها جميع
في سكوتي تصبح اشواقي ذهب

******************
أعاهدك ببقى أنا وأنت خلان
ودرب المحبه يالغالي ندله
ياصاحبي خل المحبه لناأنسان
أنسان مايرضى بحكم المذله
ببحر أنا وياك من دون ربان
نمشي ببحر فيه الأشواق فله
أنا معك والبحر والغيم خلان
مانفترق لو كلن يموت بمحله

****************

صحيح يمكن عن عيوني تغيبين

لكن وربي في خفوقي مقيمه

يبقى غلاك ايام وشهور وسنين

سلواي بس الذكريات القديمه

ياحلونا راضين أو غير راضين

حتى الزعل ماله اي قيمه

بس اذكري وشلون كنا وتدرين

إن غلانا صعب تصويره..طبعاً

*****************
اجمل زمن في ظل قربك قضيته

واحلى قصيده قلتها فيك شفقان

والعين تهوى كل درب مشيته

والرجل تاطي لك شعوب ووديان

قربك هو اللي في الحياه ارتجيه

وعرفت في قربك كلمه (حبايب)

***************
عندك خبر وش قيمتك في حياتي؟؟؟

غالي ولك فيها مكانة وتأثير..

مهما أفترقنا لك محبة بذاتي..

فيها الوفا رمز علي كل تقدير..

ما أقول غير إنك بصمة في حياتي..

ولا أقول:الله يذكرك بالخير

*******************
عبرت حدود هواك بلا تأشيرة عاشق
فامسكني جنود الشوق
وادخلوني غرفة الألم
فانكرت تهمي
فجلدوني بسياط الحزن
حتى اعترفت بحبك
فالقوني بزنزانة قلبك
طولها عينك و عرضها شفتيك
وكانت التهمة
عاشق منتمي
لتنظيم الحب

**************
تكلم يا بعد عمري فضفض بالذي همك
انا ماقوى على شوفة حبيبي ضايق و مهموم
تكلم و احرق دموعك و سط قلبي و انا اضمك
عساها تنجلي من احزانك بقايا غيوم
حرام الوقت يتألم و هو عاجز يفهمك
حرام اكون من ضحكة عيونك انا محروم

****************
اشكي همومي و اشكي البعد مرات
واحيان اعيش بصمت و اذرف دموعي
لك صورة ما باعدتها المسافات
ولك ضحكة تعكس صداها ضلوعي
طيفك يمر بهاجسي كل الاوقات
واحني لها الهامات و اعلن خضوعي

***************
أجمل زمن في ظل حبك قضيته
وأحلى قصيده قلتها فيك ولهان
والعين تهوى كل درب مشيته
والرجل تاطى لك شعوب وأوطان
حبك هو اللي فالحياة أرتجيته
وعرفت في قربك معنى غلا إنسان

******************

اليوم ميلادك وأنا فيه موعود...
يا أغلا دروبي ياغلاي وودادي..
الكون ونجومة على حبك شهود...
كل المجرة تعرف ان مرادي..
اليوم ميلادك وانا اليوم مولود..
مدام حبك حب والنبض هادي..

**************
حبــك اللي تدعـــي هو حب ذاتك
ومن يحب الذات مايخلص لغيره
غرنــي فيــك ظـــاهـــر صفاتــك
غــلطــتي ياللأسف كانت كبيـره
مات حبك والبقيه في حياتك
في حنايا خافقي لاقي مصيره
خذ مع الجثمان باقي ذكرياتك
تجربه حبي معك كانت مريره

*********

حاولت ..
في قلبي وأنا أقول أبنساك
وأعيش ..
دنيا في حياتي جديدة
أثر ..
الغلا ماتعجبه غير دنياك
والقلب..
غيرك ماسكن في وريده
اشتقت ..
لعيونك وصوتك ونجواك
واشتقت ..
لضروفك ولو هي عنبدة

******************

لو بغيت أصد عنك ماقويت
وإن بغيت افارقك قلبي خفق
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق

اتمنى ان المسجات ما تكون مكرره
منقول