|
نبيع المشاكيك ونجمع القواطي
العالم كلها تسابق الزمن والكل يتحدى بعضه البعض للوصول الى الافضل فنرى هنا ناطحات السحب تعانق السماء وهناك ناس تصل القمر وهناك اكتشافات جديدة و هناك صيحات جديدة من الاختراعات والكثير من التطور ولكن نحنا ما زلنا نبيع المشاكيك على الطرقات والشوارع ونبحث عن القواطي من صندوق القمامة للاسف الشديد نعم هذا هو حالنا ولا نستطيع انكاره ابدا وانا لا اقول ان بيع المشاكيك وجمع القواطي انه عمل غير شريف لا با العكس انه عمل شريف وافضل الواحد بدل ما يطلب ويتسول في الشوارع يعمل اي شيئ ولكن بيع المشاكيك وجمع القواطي انهما عملان شاقان والكل يعرف لذا لماذا نمارس نحنا العمانيون وحدنا من بين دول الخليج وما هي الاسباب التي اوصلتنا الى هذا الحال وكان من الافضل ان نتجه الى عمل افضل وصراحة ليس الملل او الفراغ الذي اوصلنا الى بيع المشاكيك وجمع القواطي ولكن الحاجة هي ما اوصلتنا الى هذه الاعمال ولو كان ممارسة هذه الاعمال قليلة لسكتنا ولكن للاسف الكثير من يمارسها منهم الشاب وكبير السن وايضا المرأة ومنهم من تلقاه واقف بجانب الشارع في عز الرطوية والدخان في عينه وداخل حلقه وهو يبيع المشاكيك ولو الشور شوره كان جلس بالبيت ولكن حاجته الى لقمة العيش اوجددته في ذالك المكان وايضا الذي يقلب ما بي داخل القمامة في اخر الليل لعله يجد قوطي مرمي داخلها ويتحمل الذلة لوجوده في القمامه لجمع القواطي وذالك لخاطر لقمة العيش واخيرا ارجوا ان لا تفسروا كلامي بطريقة خطاء وارجوا ان تفهموا ما انا اريد الوصول اليه واذا كانت وجهة نظري خطاء فما هي وجهة نظركم وما هي الاسباب التي اوصلتنا لبيع المشاكيك وجمع القواطي وسأوسع صدري لتلقي الردود مهما كانت وسلامتكم
|
وين الردود ووين النقاش ليش السكوت وانا ما جبت شيئ من الفاضي بل جبت شيئ من الواقع الي نعيشه والحال الي نحنا فيه 0000 انا انتظر ردودكم وتعليقاتكم
|
مو أحسن من الطرارة والسرقة
هذا ابسط شي ممكن للواحد يجيب فيه لقمة عيش ياخي عيش والرزق على الله حفظك الله يا مولاي وأمد لنا في عمرك ووفقك لخدمة هذا الوطن وساعدك بنيت عمان وما زلت تبنيها بنفسك |
اخوي الحياه صارت صعبه وشو تريد من هالمساكين يريدوا يضمنوا حياتهم واشتغلوا بشغل شريف وهو بيع المشاكيك
واذا باغي تقبص هذي الظاهر شوفلهم شغل ... ع فكره مره ونحن كنا مع اخواني ونزل يشتري مشاكيك يخبر اللي يبيع اخوي انه خريج شهادة بكالريوس بس مامحصل وظيفه اخوي شو تريدهم يسوا خاصه بعض الشباب مايريدوا يكونوا عاله ع اهلهم يريدوا يعينوا نفسهم اذا ماقدروا يعينوا اهلهم اما سالفة القواطي لا تعليق دمت بود |
أوصلتنا الحكومة أقولها بلأ خوف ,الضراب ,قلة الأعمال و الغلاء في كل شي ,مر بنا جونو اللعين حصرو الأضرار بس إنتظر التعويض والمساعدة لحد العيد الوطني "يمكن يجي العطف ",العودة إلى المدارس و رمضان و العيد "إذا عطف البنك ورحم من يرحم ؟
|
اقتباس:
بس الفلوس وين راحن ؟؟؟ هذا هو السؤال اللي يطرح نفسه |
اقتباس:
|
بيجي يوم ما تقدر تمشي فى الشارع من المتسولين و لا تأمن تحمل أكثر من ريال في جيبك "بتفيش السرقة"
|
هذا حال الدنيا
الحياة الصعبة تجبر الشخص على القيام باعمال لا يريد القيام بها الدخل قليل والمصاريف كثيرة فلذلك تجبر البعض على جمع القواطي وبيع المشاكيك |
بعض األأخوه والأخوات لايري أمامه ولايري خلفه فقط ركز بصره عند أصابع قدمه ومنهم من أدارا ببصره يمنة ورأي جونو ومنهم من أدارا ببصره يسرة وسأل عن المساعدات أين ذهبت ومنهم من غرد مع المغردين الفرحين
بما آتاهم الله من فضله بلا حسد طبعآ بالأختصار الشديد المفيد المفقود يقول لكم مشاكيك + قواطي = دوله نفطيه |
الحاجة تسوي ........
|
حسبي الله و نعم الوكيل
|
الله يساعد
الصبر مفتاح الفرج |
للصبر حدود بس لو نعرف أو نتأمل تنفرج الأوضاع كان بنصبر
|
بيع مشاكيك اليوم وباكر واللي بعده شوي شوي تشتهر وتصير تاجر وتفتحلك مطعم باسمك >> وتبدا تدخل في مجال تجارة حرة >> ليت الشباب عندهم ها الافكار ..
شبابنا وللاسف كل شي عندهم عيب وفضيحة قلة قليله الي تشوفهم كذا واللي يبيع مشاكيك اكثريتهم شياب مب شباب .. الشباب شغلهم السهر بالليل والجلات اللي مالها اول ولا تالي .. وطول النهار راقد .. والشايب الله يكون بعونه من شبابه يتعب .. |
يصير تاجر إلي يحصله يكفيه حال غداء , البلدية تكافح وتمنع "المتجولين "
أختي الوضع أصعب من ما تتوقعي |
مسائك ورد اخوي
حاجه عاديه موضوع بيع المشاكيك انا الحمدلله مب شاكي شي مب فقير ولا حاجه بس تعرف خلال فترة الصيف نقوم انا وربعي نبيع مشاكيك عشان اول حاجه وقتنا ما يروح سدى ع الفاضي وكمان نكسب كم ريال نقضي فيهم امورانا الخاصه ونعتمد ع انفسنا يعني يالى يبيع مشاكيك مب بالضرروة محتاج او فقير او عاجز لا اخوي نظرتك هذى غلط |
اقتباس:
|
يا أخي الناس طبقات:عيار:
انتو شوفو المشاكيك والقواطي:لسان: واحنا بندير البلد واقتصاده:كاشخ: |
تجارة لن تبور
|
في انتظار مواضيعك الهادفه والمفيده... عذرا يغلق!!!! |
| جميع الأوقات بتوقيت مسقط. الساعة الآن 11:00 PM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها