|
انا وابنة عمي وجيش عمان السلطاني ... في موقف لا يرضاه الرب!!
بسم الله الرحمن الرحيم نوع القصة: اكشن حجم القصة: قصير الفئة المستهدفة:بنات فقط احب ان اسرد اليكم قصتي انا وابنة عمي ومجموعة من الجيش العماني :معصب: هذا الجندي الذي مسك المصحف وحلف يمين أن لن يخون الله ولن يخون الوطن ولن يخون السلطان سأخبركم اليوم بقصتنا معه وبقية زملائه:معصب::معصب::معصب: القصد من القصة هو الحذر ثم الحذر يا بنات ... حتى لو شخص لابس لبس شرطة او لبس جيش لا يجب ان نطمأن له ونثق به ... لن اطول النصح وهاهي القصه: في احد الايام قررنا الذهاب الى احد الولايات ... وهذه الولاية ترعرع فيها ابي واعمامي واجدادي... وهي جزء منا ونحبها كثيرا ... ودائما بالاجازات نقصدها ... المهم مع احد اعمامي ماشية جت في بالنا فكره أن نرعي هالماشية انا وبنت عمي ... طبعا بعد اصرار ورجاء وزعل وافقوا اهلنا ... وكانت امهاتنا خايفات بس نحن قلنا ان نحن كبار وماله داعي للخوف والمنطقة ماحد غريب فيها كونها بعيده جدا عن المدن وكون أن بنت عمي عاشت جزء من طفولتها في هالمنطقه وتعرف الاماكن حته حته ... بس انا ما اعرف كثير بس اعتمدت ع بنت العم تعلمني ... اليوم الثاني بعد صلاة الفجر سوت لنا والدتي خبز وحطت لنا شاي وجهزت لنا زادنا طلعنا الماشية من الزريبه وكل وحده منا ماسكة عصا ... والله ما تتخيلوا كيف كانت فرحتي المهم رحنا ورحنا وما خلينا الماشيه تاكل ورعيناها بعيد بعيد بعيد المهم وصلت الساعه 8 ونص قلنا نجلس نرتاح شويه تحت الشجره المهم ونحن جالسات نضحك ونعلق ع بعض مرتنا سيارة جيش كبيره وطبعا فيها في حدود 7 او 8 اشخاص وقف محرك السياره وبسرعه طالعناهم ضحك السايق قال السياره عطلانه :مفتر: وكانو قريب جدا منا ويجلس يحركها ويحركها والكل جالس يعلق ويضحك وانا وبنت عمي مستغربات وفي نفس الوقت انا ما صدقتهم كان عندي احساس انه يكذب ... طبعا مجموعه كانت بالسياره ومجموعه نزلت وفتحت مقدمة السياره وواحد من الركاب نزل وجا عندنا يمكن عمره 25 تقريبا طويل وشكله جنتل بس للاسف طلع ما يسوى بيسه قال السلام عليكم يا بنات كيف الحال ؟ عندكم شاي؟ :مستحي: راحت بنت العم تهمس لي في اذني لا تخافي الجيش وابوي كان دايما يعطيهم شاي وحليب وانا بعطيه شاي لا تخافي منهم مستحيل يسوون شي صبت له شاي قال انا اول مره اشوفكم ها انتو من وين؟ اسمي علي قلنا له نحن من المدينه والمجانين خبرناه أنه نريد نجرب الرعي :حزين: قالي طيب انتي ليش خايفه انا طيب ما اعض :متفكر: المهم قلت له روح لصحابك قال واللي طعم الشاي الحلو وشاف عيونك يروح؟ :منتزق: الحين انا وبنت عمي خايفات ونرجف وكل وحده منا تطالع الثانيه قلنا اذا ركضنا بنبين لهم ان نحن خوافات وحتى لو شردنا بيلحقونا لا محاله شباب ومتعودين ع اللياقه والركض ... تناقشنا بلهجتنا الخاصه وفهمنا بعض وجلسنا نواسي بعض وعاتبتها ع سالفة الشاي ودعيت عليها كم من دعوه بكل برود اعصاب علشان ما يفهمنا الاخ ... وبدت بنت عمي تدمع وانا اقولها لا تخليه يشوفك كذا وهو طبعا مو فاهم شي والبنت تلف راسها الناحيه الثانيه وتمسح دموعها قالي انتي شو اسمك ؟ قلت له ليش تريد تعرف اسمي ؟ قالي بجد شو اسمك ؟ خذيت التلفون ومثلت قدامه انه جالسه اكلم ابوي تكلمت نفس كلامه علشان يفهم ان ابوي راح يجي في هاللحظات تحركت السياره .... نادوه الشباب تعال قال لا انا اروح مشي انتوا روحوا !!! وطالعنا وضحك قلت له روح لا يجي ابوي يشوفك هنا وياخذوك جثه قال يعلني فداه !!! قال هو ابوش لاه ؟ زين يعلني فداه وفداش بعد والشباب يعلقوا ها نجي نصيد معك ؟ واللي يقول سكر ولا عسل ؟ واللي يطلع راسه ويقول متزوجات ولا لا؟ في هالاثناء خذيت السكين (ماعرف ليش سويت كذ) قلت قسما بالله لو ما رحتو من هنا بتشوفوا ايش بيصير لك انت واياهم ... تعرفوا يا بنات وانا جالسه اهدد كاني عادل امام في مسرحياته وانفجروا ضحك ... وبدوا يعلقوا ع السكين ويقلدوني وانا اطعن يعني بدلع ... وانا ماسكه السكين وجالسه اقرأ سورة الكرسي وعلي يقول لصحابه عيب يقول هدي بس انتي وتريضي في هاللحظات نادى واحد منهم الاخ علي وراحو ركب علي وصار يرسل قبلات ويغمز في الهوا ويسويلي حركه يعني صبري شوفي ايش راح يصير ...وراحت السياره وبعد صوت المحرك ضحكت ضحكة النصر وجلست شويه اسمع صوت المحرك قرب اقولها سمعتي؟ شويه شفت السياره جت وعلي نص جسمه برا السياره ويسوي لي تعالي قلت لبنت عمي تعالي نشرد فوق التله وحركنا رجولنا باقصى ما يمكن وبدون نعال تخبينا ورا صخره كبيره ونراقبهم من فوق بس الاغبياء يفكرونا قريب منهم ونحن بالاساس فوق بالتله السياره وقفت والشباب طلعوا وجلسوا مكان ما جلسنا وعلي ينادي تعالوا يا بنات وبعدين بدا يفتش هنا وهناك هو وواحد وانا اسمع قلبي يدق بقوووه وقلت لبنت عمي ايش قصدهم يعني يخطفونا ؟؟؟ واخذ تلفوني واتصل واتصل واتصل مافيه ارسال ابدا ... تخيلوا جلسنا ما يقارب الساعه ونحن حاضنات بعض ورا الصخره حتى راحوا وجلسنا فتره حتى تأكدنا انهم ما راح يرجعوا وشفنا سيارتهم راحت لشارع اللي بعيد وتأكدنا انهم راحوا ونزلنا ...حصلناهم كلوا الخبز كله وخلصوا الشاي والماي انكب تحت وحطوا لنا رساله تحت صخره صغيره اسم علي بالكامل ورقم تلفونه وان قصده الزواج وانه وقع في شباك الحب ههههههههه شفتو قلة الادب وين وصلت :حزين: اتصلنا باخوي وجالنا وسألونا ايش صار ما خبرنا حد خفنا تكبر السالفه اتمنى يا اخوات ما تامنوا بحد |
فلم هندي..
لكن لو خبرتوا الشرطة على هذا المدعو "علي" لأنه ربما لن يتوقف عن هذي الحركات |
الستر زين
|
كانها فلم والله
الله يعينكن ومن وين جبتيها سكين ؟:متفكر: |
:متفكر:
|
.. السلام عليكم ..
الأخوات أعتقد ابكم من صوب صلالة ... أو الداخلية ؟؟!! (( عذرا )) اذا عندكم أي معلومات أخرى .. مثلا : وقت الرعيه - اليوم - التاريخ - نوع السيارة واذا تذكروا رقمها بعد - المكان .. اذا ممكن تحطيه عالخاص ... فقط للمساعدة ... شكرا ،، |
ياربي :منتزق:
قلة الادب والحياء وصلت هذهِ الدرجة :غاضب: :( الله يستر :( وحمدالله ع سلامتكن .. |
صح والله لو بلغتوا الشرطة وخبرتي اخوش......عشا يتأدب شوية
|
فلم هندي ..
الحمدالله على سلامتكم |
ههههههههههههههه عاد ما اكشن
لو شلتي الاسم مع الرقم ومشتكيات كان زين له عسكري وقتها بيادب زين ما زين لانه مثل ما سوى معكن اكيد بيسوى مع غيركن والحمد الله ع سلامتكن |
الله يسلمكم
كثير من البنات اللي يرعن يصادفن هالاشكال مو نحن وبس |
بالفعل إنها فلم هندي لو أنا منك كنت ما بقصر فيه ، الحصى مليان فذاك المكان وبأحجام مختلفة بعد |
يا خسارة خلصو الاكل :مستغرب:
عشان مره ثانية ما تروحن البر بروحكن المحرم زين :مستحي: تعيشين وتاكلين غيرها :ضحك: |
:متفكر::متفكر::متفكر::متفكر::� �تفكر::متفكر::متفكر::متفكر::م� �فكر::متفكر:
|
اقتباس:
|
القصة حلووووة
ما شاء الله طلعتي انتي وابنة عمك م سهلات اما الشباب عليهم حركاااات بصراحة عوين يريد شاي وماي وما دري ويش وكله هو يريد يتعرف عليكم صح تعالي وش صار للماشية ؟؟!! ليكون هرب بعد م اختبيتوا !! |
كان زين لو أخذتي رقم تلفونه عشان بيكون الوصول له سهل..... بصراحه يبالهم أدب
|
استغرب من بعض الردود !!
ع العموم توبه نرعي لوحدنا |
يا بو حشه هذا همك خايف ع الماشيه بس ؟
|
اقتباس:
|
يا جماعه تاتيني ردود ع الخاص وتهديد بأنني اقصد جهة امنيه كبيره
حاشا لله انا والدي في هذه الجهه وابناء خالاتي فيها كيف لي ان اشوه صورتهم لا والف لا انما القصد هو الحذر فقط من الرجل الفاسد اينما كان وفي اي جهة كان |
كأنها سالفه مملحة شوي
|
لو انا مكانكم مابعرف كذا اتصرف يمكن
لاني خوافه درجة أولى:متفكر: وعيل أنا أشوفهم قدام بيتنا دايم:متفكر: |
الحـمد لله ع سـلامتكـن ..
بـس الـمره الـجايه لا تـطلعـن وحـدكـن .. شـلن مـعـكن رجـال :مفتر: |
ما عندهم سالفة اللي يراسلوك في الخاص..
اللي عنده كلام يسدحه هنا إلا إذا كان خايف من أن يتكلم أمام الملا.. لا تلتفتي إليهم وفي حالة مضايقتهم أو تهديدهم خبري المشرفين وما بيقصروا...! ^^ |
شكله معذور علي مسيكين في البر وعسكري لو شايف عدو كان ارحمله بس يشوف بنات صعبه شوية :عيار:
|
اقتباس:
خايف ع بنات بلادنا.. بس امزح والله اعتبريها دعابه لا اكثر ولا اقل |
اقتباس:
بو عنده كلام خليه يسدحه هنا اشان كلنا نرد عليه ... |
بس غلط تطلعوا بروحكم في السيح ومحد معكم
وانتوا بنات , |
اقتباس:
|
| جميع الأوقات بتوقيت مسقط. الساعة الآن 11:43 PM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها