| في حب عمان |
23/01/2010 09:47 AM |
البنوك تقتل حلم بناء المسكن
تحية طيبه لجميع رود السبله وتحية طيبه لهذا البلد العزيز على قلوبنا
من فتره تجاوزت الخمسة اشهر رغبت في بناء منزل وذلك هربا من دفع الاجار ومن فكره ان بدل لا ادفع اجار لبيت او شقه في حدود 400 ريال طبعا هذا المبلغ يزيد و ينقص حسب الموقع و والمواصفات و اشياء اخرى يعلمها الجميع ادفع المبلغ لبيت املكه عن طريق قرض اسكاني.
وخلال هذه الفتره انا ابحث عن بنك مناسب وكل بنك حاط شروط و يتحجج بالبنك المركزي البعض يقول هذه نسبه محدده من البنك المركزي وفيه بنك اخر اقل عنه والسؤال اليس هذا البنك تحت رقابه البنك المركزي؟ والبعض يقول احنا ناخذ قسط شهري و قدرة...... لان هذه اعلى نسبه محدده من البنك المركزي والبنك الاخر ياخذ اقل والثالث ياخذ اكثر؟ شي غريب!!!! طبعا الجواب منافسه وليس البنك المركزي
بعض البنوك تعطي 70 الف والبعض 53 الف ولما تسأل يقول هذا محدد من البنك المركزي او انت هذا يلي تقدر تحصله من قرض اعتمادا على الراتب!!!!!!!
نهيت جميع الاوراق المطلوبه وخاصة التثمين يلي يعتمد عليه البنك طبعا هذا بروحة هم لان البنوك فارضه عليهم شروط لمصلحتها فقط والمثمن يقول انا ما اقدر اثمن اذا المتر ب 200 ريال ولما تسأل عن السبب يقول ما احد يبني بهذا السعر طبعا جميع الفلل الراقيه تم بنائها بسعر يتراوح بين 120 الى 180 ريال ههههههههههههه
ولجهلهم وخوفهم من سحب الترخيص من البنك يرفضو التثمين ولعدم معرفتهم بالادوات المستخدمة في الاتفاقيه وسعرها فقط معرفتهم لا تتعدا قسمه المبلغ على المساحة فقط. وتثمين الارض عرض الارض بالسوق للسماسرة اذا سعرها 20 الف تعرض ب 13 الف لان سمسار يريد فائدة وبعدها يقول المثمن هذا اعلى سعر حصلته بالسوق!!!!!!!!!!!!!
واخير رحت البنك وكان الاسبوع الماضي
الرد الاول: احنا ما نحسب العلاوة الفلانيه من راتبك لان احتمال تتغير وطبعا هذا ياثر في القرض كثير
الرد الثاني و الامر: احنا حذفنا هذه الشركة من القائمة روح ثمن من جديد و تعال واحنا اسفين!!!! اسفين هذه وين بصرفها؟
والحين ابحث عن بيت اجار و اتزوج وشكرا لوطني الغالي
لان البنوك بس همها تاكل والشروط ضد المواطن وفي مصلحة البنك وطبعا النسب عاليه جدا مقارنة بالدول المجاورة والبنوك الاسلامية ممنوعه لان ......... اترك الجواب لكم
|
