|
تقشر الوجه
أخواتي وحبيباتي ..
عندي مشكلة كل يوم وأنا احط فونديشن احسن في بعض الأماكن في بشرتي تتقشر شو الحل أتحفوني بردودكم ابي استخدام خلطات بس مجربه |
خليكي من الخلاطات والكريمات رجعي اللى الطبيعة وشوفي جداتك ايش كانوا يستخدموا وراح تكون بشرتك كويسة
|
هلا حبوبه كيفيك هذا واضح انه فيش جفاف نصيحه لا تتخلي عن التونيك اول الصباح وعند النوم لانه مغذي للبشره انا استخدم ماي ورد بداله وكثير مريح بشرتي والحمدلله جربيه واكييد راح يفيدك ان شالله واذا تستخدمى منتوجات نيتروجينا لاحظت انه يسبب جفاف للبشره تحياتي حبوبه |
اذا بشرتك تتقشر فمعناه ان بشرتك تعاني الجفاف انصحك تستخدمي غسول وجه و كريمات للبشره الجاف و لا تكثري من غسل الوجه اكثري من شرب السوائل و في ماسك يفيدني لما تكون بشرتي جافه خصوصا في الشتاء الماسك عباره عن ملعقه روب كامل الدسم مع شويه ماء ورد و ممكن نضيف نشاء عسب تتماسك الخلطه تحطيها على وجهك لما تنشف و بعدين غسلي بالماي البارد و بس ماي الورد وايد مفيد حطيه في غرشه صغيره و رشي وجهك كل شوي |
قبل النوم حطي لوشن الحليب وبعدها حطي تونيك الماء الورد تحصليهم بكارفور
|
بنت السفير
أشكرج عن نصيحتج فعلاً جدتنا كانوا زي القمر بدون هالخربيط .. بس جدتي الله يرحمها ويرحم الجميع المسلمين متوفيه |
حايره بعمل بنصيحتك عزيزتي
|
عين الملاك .. بجرب اليوم خلطتك وعسى تضبط
|
نسيم الفجر شو الماركة المناسبة بشرتي مختلطة بس لاحظت جفاف بشرة وجهي هالفترة لأني بأمانة ما أشرب ماي الا نادراً
|
حبيبتي انصحك بإستخدام كريم بيودارما من صيدلية مسقط للبشرة الجافه للأمانه هالمنتج وايد فادني أنا كانت بشرتي وايدوايد جافه ما اقدر احط أي شي في وجهي على طول تتقشر ومن بعد ما استخدمته الحمدلله تغيرت بشرتي للأفضل وقيمته 7.800ريال
|
احسن شي حطي قبل النوم فازلين ولما تصحي بتحسي بشرتج مشرقه ويوم وراء يوم بيروح التقشر
|
شرب الماء والعصاير >>>ضروري + ترطيب البشرة يوميا بمرطب مناسب لبشرتك
عمل تقشير لبشرتك..بشكل اسبوعي رشي ماي الورد على وجهك بين فترة وفترة في اليوم ..مثلا بعد التنظيف حلو وقبل الفاونديشن لازم تحطي مرطب وقبل المرطب تونر معافاية ان شاء الله |
عزيزتي بشرتك تعاني من جفاف وخاصة الحين وقت الشتاء فبيزيد الجفاف اكثر عندك ..
عليك بكريمات الترطيب الصبح والمساء مرتين ... حاولي قبل النوم تخلطي جلسرين مع عسل بنسب متساوية وتخليه على وجهك كقناع مدة 15- 20 دقيقة وبعدين اغسلي وجهك بالماي الدافي .. وحطي بعدها المرطب المناسب لك اكلك مهم لازم يكون فيه خضار وفواكه بشكل يومي ولا تنسي الماي وان شاء الله بتتحسن حالتك على الاكيد ... |
بنتي كانت تعاني من بشرة جافا جدا
وعرضتها على طبيب ووصف لها بيودارما :) والحين بشرتها عسل مما بديت استخدم هالكريم .... |
اقتباس:
|
| جميع الأوقات بتوقيت مسقط. الساعة الآن 09:49 AM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها